Page ini (12/2) dom tinh dalam bhum Quan khu 9 brei peih ngak sumu gauk adat taduan saong jao urang lin thun 2025. Di tỉnh Vĩnh Long, piah iew rahra tame nga bol lin, tỉnh brei palih ruah cambaic laic, dan chu, njauk hukum, pak di puk palei yau nan ye dom urang ngak amaik ame jeng yau urang birau tame bol lin hu njauk hatai. Dalam bruk palih ruah, tỉnh Vĩnh Long brei caik hatai palih ruah rahra bac tamat blaoh cao đẳng, đại học hu bruk ngak lagaih piah ba tame piah palih ruah hu urang ngak bol lin hu ilamo pabak ka bruk dak padang bol bala dalam jaman birau yau urak ini.

Tinh Ninh Thuan daok pasang iek, ba angan tame harak dom urang hu taduan mbang tui bruk daong brei dahlau taneh riya, sang danaok, taneh pala drak, ia pandar. Urakni tinh hu jaik 143 baoh sang daok atah di gauk di bhum atah biyah…khin hu srap gap, tanit tanat veik bhap bini. Dalam thun ini tinh hu srap gap tani tanat bhap bini daok di dom labik caong di hatai; ngan haong lang talaih bruk kurang taneh riya, sang danaok, taneh pala drak, ia pandar ka mikva.

Tapa pasang iek duah thau bruk khin brei ngak abih sang taik tahak tỉnh Đồng Tháp daok jaik 4 ribau baoh sang kathaot, jiak kathaot, urang hu buh prein tame ngak bruk cach mang khin daong hu sang daok. Danak dak kuhria mboh dahlau jien peih ngak dom baoh sang njauk brei daong ngak sang  lac labaih 132 tỷ đồng. Ong Lê Quốc Phong, Bí thư Tỉnh ủy Đồng Tháp khan lac, kham merat pataom prein tame ngak bruk tal jaik Nyaom roya Ndang bo tinh mbang XII langyah salah blaoh abih oh dak sang taik tahak ka bhap bini dalam tỉnh.

Njom ia mbak di bilan pandiak thun ini oh ka catang min mikva daok di puk palei 5, xa Tân Trạch, huyện Cần Đước, Long An kurang ia taba piah pandar biak trak damak jaik sa bilan ini. Di puk palei 5 xa Tân Trạch atah Jalan tinh 830 tok labaih 1 km min kayua jalan nding ba ia tame puk palei 5 oh pabak tui caong hatai di bilan thu. Piah pacang caga haong njom ia mbak di bilan thu, UB Bhap bini xa Tân Trạch daok kuhria caga dom pandap piah caik ia, pandap ba ia daong ka dom baoh sang…tuk jalan ia hacih di Kong ty co phan ia Biwase oh pabak.

Dom harei tapa langik di TPHCM la-ar lahei, dut mboh langik la-ar labaih 20 do C. Tui Rayo kuhria iek langik tasik bhum Nam Bo, langik TP.HCM la-ar nan kayua langik la-ar meng gah Barak mai. Dalam bilan 2, kuhria mboh dahlau daok labaih 2 mbang langik la-ar tra. Rayo kuhria iek langik tasik bhum Nam Bo jeng kakei njom ia mgak di dom bala di kraong, ribong, kraong di bhum TP.HCM saong dom kraong di Meraong negar caga tuk tabung glong. Dom mbang njom ia mbak dui atah tal bilan 3, ngak kanjiak jhak tal raidiuk di bhap bini rahra di rilo tỉnh di Bhum taneran kraong Cuu Long. 

Brazil khan lac oh tame di sa bruk meriak gauk pablei salih dalam tuk dunya daok cang ndom mayai cambaih laih di Brazil ngan haong tanut jien je 25% di Tong thong My Donald Trump ka thep saong nhom blei tame nagar. Tui Akaok mentri Quan he The che nagar ini lac oh ka nyaom biai di jien je di My min nagar ini hu daong iek ka bruk jhul catang pablei salih peih paha.

Cuc pasang iek lien bang Mỹ (FBI) duah mboh 2.400 harak tai lieu pambuak tal bruk pametai Tổng thống dahlau diah John Kennedy thun 1963. Kuhria tal urak ini hu labaih 5 trieu harak tai lieu hu khan brei thau min dom urang roh duah daok labaih 3 ribau tai lieu karei oh khan brei rahra thau. FBI daok duah jalan pajeng ba dom harak gal birau hu duah mboh mai ka Cuc khik piah pakat negar piah duh ka bruk langyah dahlau tuk khan brei. Bruk pametai Tổng thống dahlau diah John Kennedy pambak tal rilo kadha kanjiak jhak yaok pluh thun tapa.

Jit ruak aih caraoh daok rah tabiak catang gilac kayua masuh matiak saong salih langik alam, ngak ka halau brei vaccine di dunya daok trak damak saong daok kanjah jhak yaok trieu urang. Tui Kapul Y te Dunya (WHO), dalam thun 2024, dunya taduan hu labaih 800 rabau urang ruak aih caraoh saong labaih 5.800 urang plang lahik, tagok jaik 50% dut haong thun 2023. Min, taka pak langiu mada ralo jang. Meng akaok thun ini, 6 nagar hu Myanmar, Congo, Sudan, Nam Sudan, Angola saong Ghana daok pandar pabak halau vaccine meng gilang dunya piah pasang iek jit ruak./.