Patui danak dak mbang nyaom Quoc hoi, page ini ginum biai di hoi truong ka Hukum Dẫn độ, dom urang khan lac, anak meta dom kadha di Hukum ngak brei paglong bruk chap mek dom manuac hu duis nduac dauk tabiak negar langiu atau urang negar langiu hu duis dauk tabiak truh negar drei, piah Karja khik iek hu lagaih dalam bruk dẫn độ, ba mbuan lagaih ka bruk mbaoh harak saong peih ngak dom bruk dom kadha sanya haong dunya ka bruk dẫn độ. Yau nan min, hu rilo urang Quoc hoi daok suh sah dalam hatai tuk hukum urakini tacei ba bruk dẫn độ urang dius, min oh ka ngak brei cambaic laic jao bayar veik drap ar di urang duis.

Tinh Dong Nai urak ini hu 490 kaya OCOP hu 3 patuh tagok di 323 po ngak kaya nong saong rilo bruk ngak nong pandar kong nghe glong. Tỉnh kham merat tal thun 2030, yaok sa xã, phường hu takik abih lac 1 pasak atau abik yaih khan saong pablei kaya OCOP, pambuak pagam saong bruk yulit  di bhum palei. Harei peih bruk parang iek  Bruk ngak hu jak jeng gah ngak nong di tinh Dong Nai peih tabiak, Kapol urang ngak nong tinh meyaom 32 urang ngak nong naih gheih, lambaok ka yaok rituh ribau urang hoi ngak nong dalam tinh.

So Kong Thuong Dong Thap peih ngak 11 bruk palih ruah kaya nong pakat bhum palei, pakat negar. Tapa palih ruah, hu 220 kaya kong nghiep palei pala siam gheih pakat tinh, 49 kaya pakat bhum taneh saong 34 kaya pakat negar. Birau ini, Dong Thap hu 7 kaya nong hu pok meyaom lac kaya ngak kong nghiep palei pala pakat negar mbang VI – thun 2025 di Ha Noi.

Dalam dua harei ini, ia ndik tagok biak glong oh yau bhian mboh, ngak ia dauk rilo jalan dalam tinh tinh Ca Mau, ngak biak kandah ka raidiuk bhap bini. Page ini harei 27/10, di Balai ribaong Cà Mau ia tagok 1 met 2, glong jang tanut pakat III lac 36 cm. Bruk ia dauk daok dui atah dalam 3 tal 5 harei anak tal, bhap bini mbuan gaol bala tuk nao mai angaok jalan mbak, ia dauk, njam patam dalam dom bhum ngak taba ia mbak, brei kuhria caga dahlau khik siam drap ar, manuac urang.

Di tinh Vĩnh Long, ia ndik meng hareii 7 tal harei 24 bilan 10 meng blaoh ba tal 15 xã, phuong khut khat, labaih 2.900 ha phun mbang pala, njam  patam dauk dalam ia; 2,57 ha danao raong kaya ikan ia sre dauk, rilo ar binek  talah, ia sua. Langiu di nan, ia ndik tagok glong ngak ar talah kaoh pulao Thành Long ( xã Qưới Thiện) atah 15m, ngak ia dauk 15 ha. Urak ini, karja dom bhum palei brei ngak “4 bruk di labik”, pasiam veik dom labik jaleih, ramik veik dom labik ar sre.

Hadei 5 thun padeih, dom jalan ahaok par nao mai di Trung Quốc saong Ấn Độ hu pambuak veik mbang par akaok meti tal Quảng Châu, tỉnh Quảng Đông, meraong negar Trung Quốc di page ini (27/10). Tui dom urang ilamo Trung Quoc, bruk pambuak veik jalan ahaok par tapak lac bruk brei ahaok par nao mai piah ba Trung Quốc saong Ấn Độ gilac veik ngak mbang hu kein laba di dua gah daok gar tavak meng lavik mai.

Mbang akaok meti Trung Quoc ba tra idung heik kanjik nao dom bein athur chau Au tui danak dak brei nyim dui atah 10 thun. Klau drei tra idung heik kanjik hu ba tal bein athur Beauval di negar Prang di bilan 4 ini, hadei mbaok harak pahadar 60 thun pambuak talei rohim di Trung Quoc saong Prang. Dalam pagau gấu trúc praong saong ba tra idung heik kanjik lac dom athur dak biak takik, tok hu di Trung Quốc.

Yaok ribau urang takre phomai Raclette mai meng grauk labik di dunya mai tame palei Morgins, gah Pei negar Thụy Sĩ piah hu mbaok pakacah Yai glong dunya phomai Raclette mbang ka dua piah meyaom kaya mbang bingi danei angan je di palei negar đồng hồ. Phomai Raclette tabiak rai meng yaok rituh thun dahlau, tuk dom urang glang limo bhum ceik Alps am cuh ahar phomai di ging pui mbang haong bành mì saong bei prang, ngak jeng kaya mbang bingi karei krih di Thụy Sĩ.