Di var ginum biai page ini ka dom sarak dac thu pambuak tal klau medil raya di negar nan lac: Hà Nội, TP.HCM saong Đà Nẵng, rilo urang lambaok Quoc hoi njauk hatai haong bruk ngak ini, sarak brei patagok samar, dac thu piah dom ban raya praong patagok samar, khang kajap dalam vaktu birau. Sarak ramik pasiam veik, pabak dom asar kadha Sarak 98 ka bruk ngak iek dom sarak dac thu patagok TPHCM, ong Thạch Phước Bình, kapol Quoc hoi Vĩnh Long khan lac, bruk brei adat ka TPHCM  khik veik taong abih jien mek tame meng taneh di TOD piah buh tame  ngak jalan pasei do thi saong dom danak dak jalan mbak lac bruk hu makna praong, lac jalan kuhria jien padai atah dhua.

Kuhria abih ia di Bhum taneran kraong Cuu Long bilan pandiak thun ini lac hu ginup bruk pandar ka bhap bini. Yau nan min, mbuan ngak kurang ia taba, njuak ndem tal dom xã daok atah halau ia. Bruk nan kayua njom ia mbak, dalam tuk dom binek kraong ia, pabak ia oh ka hu lagaih. Piah trun takik bruk kurang ia  taba, Mentri Ngak nong saong Patagok palei pala tui caong khin Mentri Padang ngak, UBND pakat tinh bhum palei di Bhum taneran kraong Cuu Long ba tabiak jalan kuhria pandar ia, khik brei patak pataom, plaik njiak khat palai pajua.

Tui gilang pariak sarak karja, di dom tinh bhum Kreh negar, khat lahik kayua dom mbang gaok  bala ribuk ia sua meng bilan 7 mbiah tal ini ngak khat lahik labaih 250.000 tuai damuai. Piah daong mikva samar tani tanat raidiuk, Gilang pariak sarak karja  trun jien laba 2% dalam 3 bilan puac thun ka labaih 3 trieu tuai damuai. Ngan haong ribuk ka 13 ngak khat lahik tal 4 bhum palei: Gia Lai, Đắk Lắk, Lâm Đồng, Khánh Hòa, Gilang pariak Sarak karja daok samar ngak salah  harak gal piah pok tagok Thu tuong brei trun jien laba 2% dalam 3 bilan puac thun tui kuhria labaih 1 trieu urang gaok kan kandah hu daong.

UBND tinh Ca Mau birau mbaoh harak taduan dom don vi karja pakat xa di tinh Ca Mau lac xã, phuong An toan khu dalam samar mesruh metak kol Prang saong kol Mỹ. Urak ini, tinh Ca Mau hu 40 dalam 64 jabat pakat xa hu taduan angan xa, phuong An toàn khu. Tui sarak ba tabiak, bhap bini daok di dom xa An tan khu hu daong taong abih jien blei harak the BHYT saong 100% jien iek ruak tui sarak BHYT.  

TPHCM jaik padang ngak jalan saong tatua pambuak tapa tathik Cần Giờ - Vũng Tàu, tatua Cần Giờ, tatua Cát Lái, tatua Phú Mỹ 2, tatua Đồng Nai 2, kuhria abih tih labaih 175.000 ti dong. Dalam nan hu danak dak tatua Cần Giờ salih kapal tapa kraong Bình Khánh atah labaih 6,3 km, peih 6 jalan radaih, peih samar 60 km/h. Danak kuhri jien buh tame ngak labaih 13.200 ti dong, tui kuhria padang ngak  dalam 3 bilan akaok thun 2027. Tatua Can Gio oh lac salih ka kapal Binh Khanh bo daok pambuak mengpasak ban raya tabiak Can Gio tapa jalan Rừng Sác, piah lagaih patagok do thi, yulit sinh thai, logistics tathik.  

Bruk rah tabiak di labik tapen negar Campuchia saong Thái Lan daok rah tabika kan kandah. Mentri Quoc phong Campuchia ndem lac Thái Lan patuh phao rilo mbang tame taneh ia ini saong kamelah dom bruk cagar veik. Njauk caik hatai, Akok Thượng viện Hun Sen ba tabiak panuac khang kadang, padang “ jalan paga pacang bhong meriak” ka bol lin. Tui nan, caong khin karja  dom pakat kham merat daong panduan ba bhap bini tabiak truh labik mbuan rah tabiak bala nao labik salamat. Page ini, Mentri Pato megru Thai Lan tacei ba brei kareik pabah mbang labaih 600 sang bac  di dom tinh taphia negar.

Sa mbang tamuh jit ruak bạch hầu ba tal 50 uranaih metai saong ngak labaih 1.000 uranaih njom ruak di Somalia. Piah pacang caga jit ruak, rajaei Somalia peih bruk brei klauk jru caga ruak praong ralo labik meng harei 15 bilan 12, dui atah 5 harei, piah hu rilo uranaih di palei pala, labik y te saong sang bac. Urang jakar gah y te iew da-a amaik ame samar ba uranaih nao klauk jru saong kakei ka ruak bach hau ngak jhak tal prein yawa.

Di Mỹ, sa mbang tuyet laik kapal tal 12 cm dui atah meng bhum gah Pei negar tal dom bang gah Timur. Labaih 20 trieu urang di abik bhum ceik Rocky saong bhum taneran gah Barak daok dalam bilan la-ar tuk tuyet laik kapal, ngak jhak tal jalan mbak saong bruk daok dang nao mai di puac adit. Jaik 3 ribau mbang ahaok par brei kadun tukvak veik. Jabat karja khan ka bhap bini takik nao mai meyah oh hu bruk hagait samar saong bhian tui iek langik tuyet laik di rilo labik./.