Chu tich Quoc hoi Trần Thanh Mẫn hu tut angan ba tabiak Sarak ka Danak dak padang hukum thun 2027. Tui nan, thun 2027 UB Thuong vu Quoc hoi brei ba tagok Quoc hoi maong iek tapa, tapa 21 hukum di mbang nyaom biai ka 3 saong ka 4, dalam nan pasiam Hukum Quoc phong, Hukum Siam mekre, salamat jalan mbak. Uy mban thuong vu Quoc hoi caong khin Rajaei, patagok pasang iek bruk di drei, pacangh caga kanjah jhak, oh luai rah tabiak bruk pagam “kein lagaih kapul”, kein lagaih dalam bruk padang hukum, patui veik jhul khang bruk pandar ilamo kong nghe so, tri tue nhan tao, du lieu praong dalam padang hukum…

Hoi dong bhap bini TPHCM brei tapa dom sarak pataom tame langyah dom “ bruk daok gar tavak” piah ngak brei patagok ilimo, kong nghe saong salih birau hadah krah di Ban raya. Tui nan, ban raya  meda daong tal 25 ti dong ka ha tang ky thuat duh ka bruk roh duah, patagok kong nghe, salih birau hadah krah. Sarak pataom tame langyah dom kan kandah ka phun jien, tui jalan daong tui tukvak patagok di danak dak. Kadha nan daong danak dak taong yaom bruk ngak tabiak, cakrok patagok saong bruk rik daong di danak dak.

 Hadei labaih 3 bilan, bruk roh duah, pataom atau talang bol lin di bein bangu Lê Thị Riêng, Ban raya HCM patui veik hu peih praong. Meng dom labik cakac tal dom talei lubang lam dan di di labik khu A saong khu B, kapul urang ngak bruk tui jalan dit iek harak gal, pasang iek inem di labik piah thau ka labik daok veik di atau talang. Tal abih harei 1.10, dom kapul hu duah mboh, pataom 701 atau talang bol lin. Yam tapa bilan 10, bruk roh duah jeng daok patui veik. Dom kapul peih praong cakac duah, gam haong nan mek hu khau tin saong dut iek khau tin, pamaong tal brei mboh ngak cambaih laih angan dom bol lin.

Ia ribuk sua gluh bhong di melam ngak tayak trak ralo danak dak, resort  gam sang danaok bhap bini di phuong Phú Thủy, tỉnh Lâm Đồng (Ban Phan Thiết, Bình Thuận klak). Gluh bhong ba theik 40m taluy jaleih. Taneh jaleih mbang tame dalam jaik 1/2 mbaok jalan. Hadei glut jaleih, dom urang jakar hu biai gauk mai saong ba tabiak jalan ramik pasiam. Ong Nguyễn Văn Nghị, Akaok UBND phuong Phú Thủy khan lac, bruk nan kayua dom danak dak angaok mbon ceik dang kandong ngak ia sre trun gah ala labik dhong.

Mbang hajan angin pagam angin khang rah tabiak di malam 30/9 di rilo labik di tinh An Giang ngak ka 44 baoh sang papeih pabung, phun kayau jaleih. Urak ini di dom xa, phuong patui veik kuhria khan ka khat lahik, gam haong nan jak ba kapul urang daong di labik daong rahra pasiam pakajap sang danaok, ramik phun kayau saong pasiam dom labik gaok kan kandah. Bruk dil samu rivang tangi, daong ngak ka dom baoh sang rahra njauk khat lahik aval drah tamni tanat raidiuk.

Mbang hajan ia sua dalam dom harei tapa di Campuchia ngak dauk labaih 160.000 ha taneh ngak nong, ralo lac padai haliem. Yau nan min, dom urang jakar negar ini brei mboh thaik binguk bruk ngak nong taong abih hu pasang iek saong oh kan kandah hagait tal bruk padai brah negar atau pablei brah tabiak negar langiu. Yau nan min,  piah khik caga bruk kan kandah rah tabiak, gah ngak nong Campuchia ba tabiak jalan daong meng atah.

Hajan praong dalam harei 30/9 di Malaysia rah tabiak ia sua theik, ia dauk, rilo labik ciuk kan kandah trak ngan haong rilo jalan ia dauk dalam, jalan mbak kan kandah. Di ban Johor Bahru, kapul daong padam apui hu daong salamat 44 gru pato saong anek saih gar tavak di sa sang bac mam non njauk ia sua vang vil. Cuc Kuhria Langik tasik Kraong ribaong Malaysia patui veik paatabiak kakei caga hajan angin meda rah tabiak, mbuan njauk kan kandah ia sua theik saong ia dauk rah tabiak srau kadau jang.

Harei ini lac harei akaok meti Australia padeih mek jien dom pakat the. Tui kuhria di Gilang pariak Khik piah Australia, bruk nan daong ka urang blei pandar di negar ini patak pataom labaih 1,6 ti AUD sa thun ka bruk pandar  thẻ piah bayar jien. Yau nan min, dom gilang pariak pablei salih daok duah jalan karei piah mek jien meng tuai damuai yau bruk trun takik kein laba ngan haong urang pandar the tin dung atau tagok jien khik the yaok thun./.