Tỉnh ủy Bình Thuận daok pataom tame tacei ba jalan ngak bruk, pakhang, salaih birau bruk jak ba di Đảng di bhum urang bangsa takik. Raidiuk bhum urang bangsa takik tukvak tapa hu salih birau mboh di anak meta, bruk hạ tầng hu pasiam jang, taong abih xã hu jalan ô tô hu tuh menyek luac tal pasak xã; taong abih xã hu pabak riyak truyen hinh, papar sap saong hu sang ilamu; taong abih palei, mbon hu sang ilamu bhap bini; 98% baoh sang hu pandar điện pakat negar; 88,3% baoh sang hu pandar ia hacih. Dom bruk ngak mbang pala drak, pablei salih kein laba hu sangka buh jien tame ngak saong pambak praong, baoh sang kathaot hu trun…Mban Dân vận Tỉnh ủy saong Mban Bangsa tỉnh bhian tui iek bhum palei, duah thau samar hatai sahaneng di bhap bini, caong khin di urang bangsa takik piah samar khan brei pakat uy, karja bhum palei langyah dom bruk haduh hatai, kan kandah mblo tabiak dalam raidiuk di bhap bini.

Tapa 10 thun peih ngak Sarak 20 di Mban Chấp hành Trung ương Đảng (mbang XI) ka patagok khoa học công nghệ (KHCN) duh ka bruk CNH-HĐH dalam tuk KT darak pasar tui jalan XHCN saong yam tame dunya, TP.HCM hu 21.210 urang ngak gah KHCN. Dalam nan hu 188 Giáo sư, 1.116 Phó Giáo sư dalam abih tih labaih 6.800 tiến sĩ. Bruk gah ngak kong dalam TP hu glaong tagok, ilamu CN dak harei dak siam, bahrau, ngak tabiak rilo janih pandap KHCN salih bahrau khang di rilo gah yau ye: y tế, cơ khí chế tạo, năng lượng, khik ramik đô thị, vi chip điện tử, công nghệ nano, bruk ngak nong ilamu glaong...

Yaom lac daok rilo kan kandah, UB bhap bini tỉnh Ninh Thuận saong dom huyen, ban dalam tinh tuk halei jeng sangka brei buh tabiak meng kadung jien karja palei tapa Gilang pariak sarak karja piah pabak phun jien brei mesre, daong ka urang kathaot saong dom urang dalam sarak karei. Kuhria ta-eng thun 2022, phun jien meng UB bhap bini tỉnh saong dom huyen, ban di Ninh Thuận hu 15,25 tỷ đồng, patagok abih tih phun jien meng kadung jien karja tapa Gilang pariak sarak karja tagok labaih 85 tỷ đồng. Meng phun jien pabak brei, dom danak dak brei mesre hu peih ngak gam tani tanat, kuhria abih tih jien brei mesre urak ini lac  2.936 tỷ đồng, pataom tame  bhum ngak mbang kan kandah, bhum tapen tasik saong bhum urang bangsa takik, rik tame salih birau raidiuk, patagok jien mek tame saong patrun kan kathaot khang kajap.

UBND tỉnh Đồng Nai bahrau ngak bruk haong Tổng Cty Truyền tải điện pakat negar ka bruk padang ngak dom danak dak điện cao áp di dalam tinh. Đồng Nai urak ini hu 10 danak dak điện cao áp, dalam nan hu 5 danak dak daok padang ngak, hu dom labik oh ka peih hu taneh, oh ka hu jalan bayar jien; 5 danak dak jaik ngak oh ka hu mboh di mangaok bản đồ quy hoạch pandar taneh saong njauk ba tame quy hoạch pabak mbaok taneh. Tui Akaok UBND tỉnh Đồng Nai Cao Tiến Dũng, urak ini hu dom labik kurang điện saong tuk mblang kapal haoh Long Thành tame bruk ngak ye bruk pandar điện tagok glaong, nan ye sở ngành, puk palei njauk pambuak bruk khang kajap haong po đầu tư, pasang iek, pabak tame bruk pandar taneh meng thun 2023; daong langyah tavak tavaiy gah harak gar , duk iek, cih ngak, pagam bản đồ.

Labaih 3 thun dahlau diah, ikan kèo laik yaom biar, rilo bhap bini  Cà Mau salih tapa raong dom janih kaya ikan karei. Thun 2022, yaom ikan kèo dak harei dak tagok saong jaik ini tagok khang kayua kurang ikan. Tukvak dahlau saong hadei Tet nguyen dan 2023, yaom ikan keo di Cà Mau tagok glong, meng 120 ribau đồng sa kilo tagok 160 ribau đồng sa kilo urak ini daok di yaom glong abih lac 220 ribau đồng sa kilo. Ta-eng ikan kèo pambu thu, yaom meng 600 - 700 ribau đồng sa kilo. Anak bruk yaom ikan kèo tagok glong, rilo bhap bini Cà Mau kuhria raong gilac veik  ikan kèo ye gaok kan kandah kayua kurang ikan pajaih.

Harei 16/2, nyaom biai di Thường vụ Bộ Chính trị Trung ương Đảng Cộng sản Trung Quốc ka bruk pacang caga Covid-19 hu tabiak panuac lac taneh ia ini mek hu jayah praong dalam bruk pacang caga Covid-19 saong hu tani tanat yam tame tukvak siam mekre, pasang iek jit ruak. Nyaom biai brei thau, hu labaih 200 triệu rahra hu iek ruak, taong ruak, jaik 800.000 urang ruak trak hu taong ruak thit abih, dom menuac metai kayua Covid-19 daok di tanut biar abih di dunyai”. Nyaom biai oh brei thau cambaih hadom menuac metai kayua jit ruak. Dom chuyên gia taneh ia ndom lac, bruk tabiak panuac lac jayah anak Covid-19 brei mboh Trung Quốc hu yam tabiak truh jit praong saong Covid-19 daok jeng ruak đặc hữu.

Rajaei Bolivia daok glaih glar haong mbang tamuh ruak pandiak tabiak darah trak damak di abih kuhria meng hadei di jit COVID-19, ba tal jaik abih sang iek ruak oh daok labik piah ndih iek ruak, dalam nan uranaih lac sa dalam dom urang ruak trak abih. Tui rilo video hu ba tagok di dom rayo papar binguk, harak mbao di labik nan, biak ralo uranaih saong dam dara daok truyen dich tui rak darah saong rilo urang mboh dreih ruak pandiak tabiak darah daok cang iek ruak di gah langiu di rilo sang iek ruak. Dom urang ilamu mboh dahlau, bruk qua tai dui atah di dom sang iek ruak rilo mbuan ba tal bruk oh daok ngak bruk hu di gah y te taneh ia ini. Mbiah tal ini, ruak pandiak tabiak darah birau di taneh ia ini ngak brei 26 urang metai.

Jabat brei thau Địa lý Nhật Bản khan lac, yaok pataom veik hadei di 35 thun meng bản đồ kỹ thuật số, abih tih dom pulao di Japon lac 14.125 baoh, rilo jang 7.273 baoh pulao duk saong panuac khan dahlau daih. Bruk pasang iek bahrau meng bản đồ kỹ thuật số rah tabiak hadei di tuk hu rilo panuac lac dữ liệu urak ini oh njauk saong bruk yaok pataom veik dom pulao lac bruk njauk ngak. Japon meda brei thau bruk yaok pataom bahrau dalam dom adit tal, saong ndom lac bruk tagok labaih 7.000 baoh pulao oh hu makna lac taneh riya atau bhum tasik di Japon nyu salih karei duk haong dahlau daih./.