Anak bruk sraw kadau ribuk ka 13, Pho Thu tuong Trần Hồng Hà hu harak payua dom tinh nan lac Quảng Trị, Huế, Đà Nẵng, Quảng Ngãi, Gia Lai, Đắk Lắk, Khánh Hòa; dom Mentri: Quoc phong, Kong an, Ngak nong saong Moi truong, Padang ngak, Kong thuong, Khoa hoc saong Kong nghe; Jabat Mban tacei ba bruk bol lin pakat negar pataom tame  peih ngak dom bruk pacang caga ribuk ka 13. Ini lac ribuk hu kuhria dahlau tuk tame tal baoh taneh ye daok khang, ia ndik tagok glong, ngak kan kandah rilo labik, gam hajan praong, mbuan ba tal glut jaleih saong ia sua, glut taneh, abih di nyu lac dom labik hu hajan praong dui atah meng rilo harei tapa. Dalam harei 5/11, dom bhum palei meng Quang Tri tal Khanh Hoa – Dak Lak daok pasang iek panduan ba bhap bini di labik mbuan glut jaleih nao labik karei salamat; pacang kak sang danaok, sang bac, sang iek ruak.

Dom harei akaok bilan 11 ini, bhap bini Vinh Long sa mbang tra gaok ia ndik tagok glong di bilan 9 tui saka ia bulan. Rilo jalan pasak dauk dalam ia meng 20 tal 40cm, ngak kan kandah tal bruk nao mai di bhap bini. Tui So Ngak nong saong Moi truong tinh Vinh Long, hu labaih 338 hecta padai, 2.587 hecta phun mbang baoh dauk, 15 hecta phun pala yaok thun saong 227 hecta njam patam palai pajua. Ralo taneh ia dauk di bhum dhaong tapen kraong, rilo labik padai daok sroh nerang atau jaik yuak ba tal khat lahik rilo.

Anak dom bruk kan kandah kayua langik salih karei, jien buh tame ngak mbang patagok saong bruk meriak gauk di dunya, gah ngak tabau saradang tinh Tay Ninh daok kham merat  ngak veik, ba ilamo kong nghe tame saong paglong jien mek tame ka urang pala tabau. Kuhria ka bruk ngak mbang patagok hu  suai lavik, kajap karo, Công ty Cổ phần Thành Thành Công – Biên Hòa ngak blaoh saong daok ngak brei mboh bruk ngak dahlau di gah tabau saradang Tay Ninh, dak harei dak khik brei tani tanat labik pala tabau, brei mboh bruk kein lagaih, daok ba bruk ngak mbang duah jien tame ka urang pala tabau.

Hadei 2 harei peih ngak dalam chreih chrai, Yai pakacah ghe Ngo di urang bangsa Khmer tamat, tui nan tamat Harei Roya Óoc Om Bóc – Pakacah ghe Ngo ban Cần Thơ thun 2025. Thun ini, pakacah ghe Ngo hu 61 kapol nyaom, dalam nan hu 53 kapol ghe Ngo likei saong 8 kapol ghe Ngo kumei mai meng dom bhum palei dalam ban Can Tho saong tinh Cà Mau. Baha Tum Núp, xã An Ninh, ban  Cần Thơ mek hu dua yai pakacah ghe Ngo kapol likei gam kumei.

“ Harei nyaom pataom Aring Cà Mau – Mbang ka II” ngan haong kadha “Aring Cà Mau: Pahe phun glai – Mbak carak ia tathik”, hu peih ngak meng harei 16 tal harei 22/11. Bruk njauk caik dalam hatai lac labik prang iek, pablei salih, hu labaih 500 labik. Dalam nan, hu labaih 300 labik parang iek Aring, pandap OCOP saong bruk padang mbang ngui birau. Njauk ndem tal, yaok melam parang iek, ngak dom kaya mbang meng aring . Dom harei ini, tinh Ca Mau hu peih Nyaom biai pakat dunya “ Salih birau hadah krah patagok khang kajap gah Aring tathik Cà Mau - Việt Nam”, hu mbaok di rilo urang ilamo dalam negar saong dunya mai meng negar Thai Lan, Indonesia saong Philippines.

Harei 5/11, bhap bini bhum kreh negar Philippines brei ramik gluh baok angaok jalan saong sang danaok hadei ribuk Kalmaegi bah tapa labik ini, ngak takik abih lac 85 urang metai saong yaok pluh urang lahik oh ka duah mboh. Di tinh Cebu, labik sirah rivang ma-in danei angan, bruk tayak tayaic sang danaok, radaih tableik trun, pambuk patau kayau jaleih saong raidiuk kan kandah. Gah chuc nang daok daong dom urang daok gal tavak jeng yau ramik dom labik cong cong, sang bac, pambuak pasiam jalan gom dien, ia hacih.

Tong thong Nga caong khin dom urang jakar pakat glong brei ngak veik harak pok tagok likau ngak iek vu khi hat nhan. Caong khin di Tong thong Putin ka bruk ramik ngak iek vu khi hat nhan brei ngak catang anak panuac brei pambuak bruk ngak iek di My. Bruk nan ngak haduh hatai catang tagok bruk Nga – My saong mbuan ba tal oh khik caga hu bruk  vu khi hat nhan di dunya.

Melam harei 5/11, bhap bini di rilo ban di grauk negar Ấn Độ saong Trung Quốc hu iek ia bulan praong abih saong pasang pahadah jangaih abih dalam thun ini. Yaom lac ia Bulan  oh salih karei, min bruk daok jaik Baoh taneh  abih dalam thun ngak brei mboh praong jang saong hadah jang, hu iek ia bulan praong hadar dalam hatai ka yaok trieu urang takre roh duah gah langik tathik. Ia bulan praong rah tabiak  tuk Ia bulan praong bak baoh mai jaik baoh Taneh di quy ndao elip,  praong jaik 7% dut haong ia bulan bhian mboh.