Patui danak dak Mbang nyaom ka 8, ginum biai  ka danak dak Hukum Du lieu dalam page ini, dom urang jakar caong khin ramik brei pasiam veik Hukum brei khik kandauk saong khik bruk ta-eng di rahra. Dom urang jakar mboh lac  urak ini bruk ngak mblo tabiak, klaik mek quyen ta-eng  dak harei dak ralo njauk brei ba tabik bruk ngak cambaic laic khik kandauk saong khik quyen ta-eng di urang pandar. Dom urang caong khin ngak brei cambaic laic  dom bruk khik brei salamat tai nguyen du lieu, lagaih haong bruk  rah tabiak tukvak  salih tapa pandar taka so, abih di nyu lac pasang iek bruk jao brei dom du lieu tabiak negar langiu.

Dalam negar daok labaih 400.000 baoh sang taik tahak, oh ginup “3 khang” atau kurang kajap. Jalan ngak meng ini tal abih thun 2025 brei oh daok sang taik tahak, tukvak daok biak katut, caong takre hu daong prein haong gauk dalam Ndang, dalam rahra, dalam bol lin, taong abih he thong chinh tri saong bol bhap doanh nghiep. Kayua nan thứ trưởng Mentri Ngak bruk, Thuong binh saong Xa hoi Lê Văn Thanh brei kanal, ngak bruk daong brei oh daok sang taik tahak brei khik kajap tantu cambaic laic, njauk adat hukum, oh luai kurang lahik, kanjak jhak, tham nhung.

Danak dak  Ba Tet mai sang di BCH T.Ư Kapol dama dara thun ini hu alin brei 580 harak vé kapal haok, 4.455 harak vé radaih ô tô saong dom paok pandap  ka sinh vien, dam dara, urang ngak bruk di Ban raya HCM, Đồng Nai, Bình Dương palei daok tinh gah Barak negar, bhum kreh saong Tay Nguyen hu raidiuk kan kandah mai palei mbang Tet. Yau nan ye, T.Ư Ndoan  caong khin, dom tỉnh, ban peih bruk brei thau, khau tin, pasang iek saong yaih khan ka sinh vien, dam dara ngak kong, urang ngak lagaih yau bruk ba tabiak nan piah Mban peih bruk palih ruak ba tame danak dak.

Uy mban Mat tran Negar Viet Nam tinh An Giang bahrau peih ngak Nyaom biai sua tangi javap jaloi haong Ban Đại diện bhap bini Islam tinh An Giang. Di var ndem biai nao mai, dom ong Hakim, urang hu angan je dalam bol bhap Cam hu ndom tagok dom bruk pambuak tal gah: Tame tabiak negar langiu, bac di negar langiu, sarak patakik jien atau oh mek jien bac saong ba tabiak rilo jalan lang yah piah patagok yulit ilamo bhap bini Cam…Akaok Uy mban Mat tran Negar Viet Nam tinh An Giang Đặng Thị Hoa Rây brei thau, nyaom biai mbang ini hu ba tabiak bruk yasa glaong dalam bruk peih ngak dom jalan ngak, sarak pambuak tal raidiuk di bhap bini Cam. Tapa nan, paglaong bruk gul pataom dalam bangsa dak harei dak khang kajap.

UBND tỉnh Gia Lai birau peih pakak Adit bingu dã quỳ - ceik pui Chư Đăng Ya thun 2024. Bruk nan hu tỉnh Gia Lai patagok pakat tỉnh piah jhuk pakhang  jang bruk cak rok patagok yulit saong khik ilamo di bhum palei. Dalam bruk nan, gam duah thau dom siam gheih di ceik pui saong sambo mau bingu hadah tanjiak, tuai damuai hu pak yot, menyim khan bai haong dom nghe nhan, hu me-in dom kadha bhap bini. Tapa nan, rik tame khik ramik, patagok ilamo dom bangsa; meda lac labik rivang ma-in, pambuak bruk yaih khan thaot binguk, yaih khan  kein lagaih, patagok yulit, ngak nong, ngak kong di Gia Lai.

Trung Quốc ba tabiak bruk brei pabak thị thực tame rilo mbang dalam 5 thun ka dom urang ngak mbang hu ginup kein lagaih meng 5 negar Mekong hu, Lào, Myanmar, Thái Lan saong Việt Nam. Trung Quốc brei mboh hatai caong pambuak haong dom negar Mekong “nao tame dalam bruk pambuak dom gah cong nghiep pin nang luong bahrau, radaih o to saong quang ndien, peih praong bruk pambuak dalam dom gah bahrau yau nang luong hacih, bruk ngak tabiak hadah krah, du lieu praong saong ban hadah krah”.

Ha vien Prang hu brei tapa hukum piah pakhang bruk khik iek jitvu daok padeih padei yulit Airbnb piah lang yah dom bruk kurang sang yaom lap. Sarak hukum – Dự luật  nan piah  cakak trun dom jien je ka dom gah taneh riya yulit, takik brei papah tukvak katut panak dalam tuk kurang sang yaom lap. Tui dom urang ngak hukum, bruk tamuh tagok dom bruk brei papah sang takik harei tui jalan Airbnb piah pachreih  urang blei piah saong ngak sraw kadau veik bruk urang blei hu sang daok.

Gah chức trách Mexico hu duah mboh 11 urang metai, dalam nan hu 2 urang sit thun umo, dalam sruh radaih bán tải klak mejua angaok jalan ine di bang Guerrero, gah Meraong negar ini. Dom pháp y hu ieu mai tal labik nan piah brei thau angan dom urang metai saong jabat chuc nang daok pasang iek  tui bruk pamatai urang menuac. Tui gah truyền thông di bhum palei, dom urang metai nan meda daok dalam kapul urang pablei pandap panda lahik meng 2 adit blaoh. Bang Guerrero daok dalam bruk taong paoh kanjak jhak rilo thun tapa, kayua bruk ikak saong ngak tabiak jru phiel.