Tui Pasak Kuhria dahlau Langik tathik pakat Negar, melam harei 6/11, ribuk ka 13 tame taneh riya dom tinh Gia Lai - Dak Lak  angin khang pakat 9, pakat 11, ngak hajan biak praong saong angin yuh khang di rilo labik meng Quang Ngai tal Dak Lak. Tal mon t tuk page 7/11 ribuk hu kurang jeng hajan. Ribuk meda ngak hajan biak praong di dom tinh meng Quang Trị tal Dak Lak, hajan laik rilo meng 200-400mm, hu labik labaih 600mm, dom tinh Ha Tinh, Khanh Hoa saong Lam Dong jeng hu hajan praong biak praong, hajan meng 150-300mm, mbuan rah tabiak bala yau ia sua, ia theik, glut jaleih taneh di bhum ceik saong ia dauk di bhum dhaong biar, tapen kraong, labik ban medin, rilo meng lac di dom labik njauk hajan praong meng bahrau blaoh.

Ia ndik tagok glong abih dalam thun saong glong jang ia ndik dom thun dahkau di biar harei kabroi 6/11 ba tal rilo labik di Ban raya HCM dauk dalam ia, mbuan gaok bala jalan mbak saong khat lahik ka drap ar. Ia ndik tagok glong ngak labik ar pacang ala tatua Ba Thôn 2, jalan Tô Ngọc Vân, phường Thới An talah. Ia tagok glong meng 0,5 tal 1 met sa tukvak haong gauk ia ndik tagok glong kayua nan ye drap ar, kaya pandar di rahra bhap bini khut, tayak. 

Di Bhum taneran kraong Cuu Long, ia ndik tagok glaong, rilo labik dauk dalam ia, talah ar pacang. Di Ban Can Tho, ia ndik glaong abih di tanut 2,35m, gloang jang tanut njauk kakei caga ka 3 lac 0,35m. Njauk caik hatai sangka, sa banah ar pacang di con Sơn (phuong Bình Thủy) atah 10m pacah, ngak ia dauk 8 baoh sang saong hu labaih 5ha bein phun mbang baoh, njam patam gam haong rilo danao raong ikan hadang. Di tinh Vinh Long, meng ini tal harei 9-11, ia ndik patui veik tagok glaong, meda ngak ia dauk di rilo labik. Dalam glaong abih dalam labaih 40 - 80cm patui bhum taneh saong rah tabiak di ia ndik yaok harei.

Viet Nam daok dalam nyaom 10 taneh ia hu taneh pala saong ngak tabiak la-u ralo abih di dunya, dalam nan di bhum Taneran kraong Cuu Long meblah 80%. Yau nan min, gah ngak tabiak la-u  gaok rilo kan kandah yau langik salih karei oh lagaih, ruak halak halin saong dom tanut chuan dunya dak harei dak kan daman. Yau nan ye khin hu bruk pambuak urang roh duah saong urang pala la-u, piah duah jalan paglong bruk pala drak, pabak hatai caong khin dak harei dak rilo di darak pasar dalam saong langiu negar.

Lien hiep dom kapul cuak ayut Ban raya Ho Chi Minh saong Kapul Cuak ayut Viet Nam – Campuchia Ban raya bahrau peih mbang pataom mbaok pahadar 72 thun Harei Bebas Negar Campuchia. Di harei pahadar ini, ong Chan Sorikan, Tong Lanh su Campuchia di Ban raya Ho Chi Minh taong yaom bruk ngak di Ban raya Ho Chi Minh dalam bruk pabak hatai ayut cuai sahabat di dua negar biak siam gheih, taong abih jang meng nan ini mai. Gam haong nan brei mboh, Tong Lanh su quan quan Campuchia di Ban raya Ho Chi Minh brei patui veik pambuak khang haong dom kapul, gah ngak mbang pablei salih Viet Nam piah jhul tagok bruk ngak mbang, buh jien tame, pamaong tal jalan paglaong kim ngach dua gah tagok 20 ty USD.

Trung Quoc birau ini kakei blei dua mbang hamu padai lúa mì di Mỹ, kuhria abih tih labaih 120.000 tấn saong tui kuhria hu jao brei dalam bilan 12 anak tal. Bruk nan ngak brei takik kan kandah dalam bruk pablei salih hadei oh suai lavik bruk Tong thong My saong Kaok negar Trung Quoc  pak Han Quoc di harei 30 bilan 10 meng blaoh. Dalam sa bruk karei, Trung Quoc birau ini khan brei thau atah klak jien je 15% ka dom janih kaya nong Mỹ kuhria meng harei 10/11 anak tal.

An Do peih mbang ahaok pajeng mai sang ka dom urang di negar ini bahrau paklah truh di labik chot pagat online di Myanmar. Mbang ahaok par pajeng dom urang An Do mai sang akaok meti hu pajeng meng Thai Lan ba tui 270 urang; kuhria harei 10/11 anak tal dom urang An Do daok veik jeng brei hu pajeng gilac mai sang. Kuhria dom kapul duas chot pagat praong grauk labik di negar Myanmar, Campuchia saong Lao ngak tabiak jaik 40 ty dolla yaok thun.

Rajaei Indonesia kuhria caga kadung jien labaih 50 ribau ti Rupiah sumu 3 ti dola Mỹ, piah jhul pakhang bruk cakrok patagok kinh te dalam thun sumu 5,2%. Urak ini, rajaei daok jhul pakhang bruk ngak mbang kinh te tapa dom sarak jien padai catang jang, pambuak dom gah jien padai soang labik buh jien tame ngak mbang hu lagaih piha ba mai kein laba glong, karo kajap saong sumu gauk./.