Thu tuong Phạm Minh Chính bahrau hu Harak pandar dom mentri, dom gah, dom labik hu pambuak brei samar chip caga ka Harei peih pakak, peih dom danak dak praong, hu makna salam uan Nyaom roya lambaok vakil dalam negar mbang ka XIV di Ndang. Ini lac bruk chinh tri hu makna, tapa nan kuhria iek veik jalan ngak dalam 5 thun (2021-2025) ngak salah blaoh samar drah jalan patagok ket cau ha tang samu gauk, bahrau tui Sarak nyaom roya Ndang mbang ka XIII, brei mboh dom bruk jak jeng kinh te – xa hoi mek hu saong brei sa bruk daong prein bahrau ka tukvak patagok patui veik. Kayua nan Thu tuong pandar: Pasang duah tani tanat, patui veik tut angan pabak dom danak dak peih ngak, peih pakak; Srap gap grauk kein lagaih ndap nda kaya, ilamo ky thuat, peih Harei peih pakak, peih ngak.

Meng kreh bilan 11 mbiah tal ini, darak pasar patagok tui tukvak. Anak bruk nan, Mentri Kong thuong caong khin dom So Kong thuong tui iek darak pasar, brei caga kaya ndap nda saong pacang caga bruk blei piah, ngak yaom tagok. Di Ban raya HCM, doanh nghiep saong jabat chuc nang daok peih ngak rilo jalan sumu gauk piah khik tani tanat  yaom kaom saong khik hu bruk blei. Chi cuc khik iek darak pasar TPHCM khan lac, meda pakhang bruk pasang iek, langyah bruk taong phat kayua yaom tagok oh lagaih, khik darak pasar puac thun hu tani tanat.

Uy mban Mat tran Negar Viet Nam tinh Vinh Long bahrau buh tabiak Kadung jien di tinh 34 ty dong piah daong rahra 20 tinh, ban daok ciuk khat lahik trak kayua hajan ia sua. Paglaong hatai “anit ranam”, dom kapul, urang menuac dalam tinh – dang akaok lac Kapul Chu thap do – hu peih rilo bruk rik daong, peih dom labik taduan ndap nda kaya njauk hu piah gam haong gauk daong rahra bhum ia sua. Tal ini, dom labik dalam tinh Vinh Long taduan hu yaok rituh banah ndap nda, hu yaom labaih 3 ty dong.

Meng akaok thun tal ini, tinh Dong Thap hu labaih 7.500 urang ruak pandiak tabiak darah tagok labaih 31% dut saong tukva ini thun dahlau. Piah pacang caga ruak pandiak tabiak darah, gah y te patui bruk peih ngak rilo jalan yau: peih bruk tui iek yaok adit di dom xa, phuong mbuan rah tabiak; jak ba pametai  lang quang hu mbaok di bhap bini, kapol nyaom; pruh jru di ralo labik praong hu urang ruak ralo; pasang iek yaok baoh sang saong tacei pato ngak hacih labik daok, rao ndap nda padang ia. 

Xa Năm Căn, tinh Ca Mau hu taneh raong pala hadang aring jaik 5.640ha, dalam nan hu 4.500 ha raong hadang aring pambuak gauk. Yoak baoh sang raong aring hu jien mek tame labaih 100 trieu dong sa thun. Piah bruk ngak mbang saong pambuak pablei aring tani tanat, karo kajap, tukvak anak tal, xa Năm Căn peih veik bruk ngak tui kapul pambuak bruk, hop tac xa piah pataom baoh sang raong, yasa jalan ngak mbang, pasang iek asar siam; Daong rahra pataom bac pasram ilamo ky thuat raong hadah krah, pasang iek ia saong pandar ndap nda sinh hoc piah patakik bruk mbuan tamuh jit ruak.

Kuhria mbiah ini, apui khuah sang chung cu di Hong Kong (Trung Quốc) ngak metai 151 urang. Urak ini, chap mek hu 13 urang pambuak tal bruk apui khuah. 13 urang njauk cảnh sát chap mek lac ngak metai manuac, dalam nan hu yam ndoc dom kong ty ky thuat, tacei pato ky thuat saong dom po thau ngak bruk di gian giap saong danieng gah langiu. Canh sat ngak blaoh taong abih kuhria 5 baoh sang glong rilo tal dalam 2 harei tapa saong daok pasang iek 2 baoh sang glong rilo tal. 

Tong thu ky Lien Hop Quoc hu ba tabiak jalan ngak ka bruk cakak patrun 577 trieu USD ka kadung jien piah ngak bruk dalam thun 2026 anak tal, gam haong nan cakak patrun labaih 18% bruk ngak. Urang dang akaok Lien Hop Quoc hu ba tabiak kadha, kadung jien hu makna ka bruk di Lien Hop Quoc dalam thun anak tal lac 3,2 ty USD, patrun 15% dut saong thun ini. Banah kadung jien ini hu bayar ka dom bruk chinh tri, pahla, giải trừ quân bị, kinh te xa hoi… Dom jabat karei di Lien Hop Quoc hu jien tui tanut rik daong halan tian.

Gah khik iek ar tathik di Mauritani daong diuk ka 141 urang klak palei negar nao suan hukum meng sa glai theik di tathik Đại Tây Dương. Taong abih dom urang ini lac urang nao suan hukum, dalam nan hu rilo urang kumei saong uranaih. Urak ini,  Mauritani jeng labik tabiak nao di urang klak palei chau Phi caong nao tal chau Au duah raidiuk birau, nao tapa tathik Đại Tây Dương meng dom kapal gilai mbuan rah tabiak bala./.