Mentri Ngak nong saong Alam moi truong gam haong Mentri Kong an ba tabiak bruk ngak tal puac thun brei padang ngak he thong khaw tin pakat negar ka bruk taneh riya, njauk hatai, sumu gauk, hu ralo bruk ngan haong labaih 106 trieu taneh dalam negar. Bruk nan hu peih ngak meng harei 1/4 tal harei 31/12, peih ngak sumu gauk meng Trung uong tal bhum palei pala, tame tal pakat xã, palei pala,  kapol nyaom bhap bini.Tui nan, dom bhum palei brei pataom tame dut kuhria, padang ban ndo taneh riya, tut angan taneh saong padang ngak cơ sở dữ liệu ngan haong labaih 45 trieu taneh oh ka ba tame angka so piah khik iek, pandar.

Ngan haong bruk pambak praong, ba tame pandar hu ralo piah patagok meng Danak dak Mblang kapal haok dunya Long Thành, tỉnh Dong Nai daok caong khin dom don vi pambuak tal jhul pasamar peih ngak 4 danak dak pambuak tal dom jalan tinh haong dom bhum palei tal Mblang kapal haok Long Thanh. Dalam nan hu peih ngak dom danak paglong, pambak praong, padang ngak 5 jalan tinh nan lac: 769, 769E, 773, 770B saong jalan pambuak tatua Mã Đà tal jalan vanh dai 4 - TPHCM. Njauk ndem tal, dom danak dak padang ngak dalam thun ini.

Bhum taneran kraong Cuu Long daok yam tame tabung glong di bilan thu. Pandiak catang di ralo labik. Yau nan min, kien laba meng dom danak dak, binek kraong ribaong hu padang ngak  dalam tukvak tapa, hu yau nan bhap bini hu ginup ia piah pandar saong pruh ka phun pala. Meyah bilan thu thun 2015-2016, dalam bhum hu labaih 200.000 baoh sang kurang ia pandar, jaik 90.000 ha phun pala metai, mbiah tal ini, hu pabak ia ginup. Dom danak dak ribaong kraong, binek padang ia taba daok ba mai kein laba tapak ka yaok trieu baoh sang dalam bhum.

Yaom padai brah di Bhum taneran kraong Cuu Long daok trun lap. Urak ini urang blei padai Dong Xuan di urang ngak hamu yaom meng 5.000 – 5.500 dong sa kilo, trun 1.000 đồng sa kilo dut saong adit dahlau. Rilo doanh nghiep ngak mbang pablei salih padai brah khan lac, yaom padai trun kayua rilo bruk kan kandah  di dunya oh karo, yaom xang menyek tagok glong saong bruk pablei salih  daok kan kandah. Anak bruk nan, karja dom tinh daok peih ngak rilo jalan daong urang ngak nong, tani tanat darak padai brah.

Darak pasar baoh durian di bhum taneran kraong Cuu Long khan lac yaom trun biar dut haong dom adit dahlau di nan, ba tal rilo po bein mboh catuah drei. Urak ini durian RI6 janih 1 daok 55.000 – 60.000 dong sa kilo, trun meng 30.000- 40.000 dong sa kilo dut tukvak dahlau. Tui ong Trần Thiện Thanh, Pho Yam ndoc Hợp tác xã Sầu riêng Trường Phát (di Ban Cần Thơ), mbang trun yaom nan lac hu rilo doanh nghiep pablei tabiak negar langiu ralo baoh durian. Kadha nan ba tal yaom kaom trun biar, ba tui yaom durian trun dalam dom harei jaik ini.

Gilang pakat negar Malaysia khan lac bruk kan kandah an ninh mạng daok ngak haduh hatai  dom kapol jien padai dalam thun ini, dalam tuk dom kol kanjiak jhak dak harei dak kan thau meda ngak jhak tal bruk ngak, jien padai saong angan je. Langiu di nan, dom kapol jien padai daok dang anak bruk kan kandah kayua salih bruk ngak mbang pablei salih  piah pabak tui sumu hatai urang blei, meriak gauk saong bruk patagok di kong nghe.

Bruk ngak di rilo mblang kapal ahaok di My dak harei dak tani tanat hadei rilo adit padeih kayua labaih 50.000 urang an ninh oh bayar jien bilan. Dahlau di nan dom nghi si Dan chu di Quoc hoi My brei padeih brei phun jien ka Mentri An ninh dalam neger, gam iew brei ramik dom hukum pambuak tal bruk urang negar langiu tame. Dom mblang kapal haok di Mỹ urak ini dang anak bruk tuai damuai tagok glong dalam tuk padeih bilan pataih.

Labaih 70 urang hu thau lac metai dalam mbang patuh phao sre darah birau rah tabiak di lubang  ameh di Nam Sudan puac adit dahlau. Bhap bini bhum palei  mboh ini lac meda lac bruk taong cagar gauk di dom kapol nyam kauc mek ameh. Dahlau di nan, lubang ameh di bhum ceik Jebel Iraq, jeng hu rilo mbang taong cagar gauk saong ngak njuak rambuac dalam dom kapol kuac mek ameh dalam bhum./.