Hadei 2 harei ngak bruk samar, page ini, Nyaom biai mang 15 BCH Trung uong Dang mbang 13 ngak hu salah blaoh taong abih asar kadha, danak dak ba tabiak hu njauk hatai glong abih, asar siam saong ginum biai tamat. Brei panuac tamat, Tong Bi thu Tô Lâm ndem lac, BCH Trung uong njauk hatai abih gauk pathau khan ka dom urang jakar di Đảng piah khan dalam Nyaom roya mbang XIV di Đảng saong yer tangin brei angan dom urang hu tame BCH Trung uong mbang XIV, yaih khan dom urang ngak bruk Mentri Chinh tri, Ban Bi thu, urang ngak praong di Đảng saong Karja  vaktu 2026-2031 piah pok Nyaom raya Đảng pakat negar mbang ka XIV pasang iek, ba tabiak bruk ngak saong palih ruah  tui hukum adat ba tabiak di Đảng.

Vaktu meng thun 2019 - 2025 tinh Lâm Đồng  taduan hu 133 kadha, danak dak, dom bruk ngak di kapol nyaom langiu Rajaei negar langiu daong jien kuhria abih tih labiah 18 trieu 250 ribau USD. Hadei tuk pagam tame, tinh Lam Dong birau tadaun hu 4 danak dak, bruk ngak langiu Rajaei negar langiu hu jaik 21 ti dong. Dom danak dak, bruk ngak rik brei patagok kinh te - xa hoi, khik brei tani tanat raidiuk, patruh iek, patrun kathaot, kuhria gah y te, pato megru, paglong prein yawa bac megru, paglong jalan sahaneng di bhap bini bhum danak dak, rik  tame ngak brei patagok raidiuk bhap bini, njauk ndem tal bhum urang bangsa takik.

UBND TPHCM ba tabiak bruk ramik pasiam jalan Metro ka 2 ( Ben Thanh - Tham Luong) ngak atah veik labaih 200 m, pambuak ga Ben Thanh piah pambuak jalan metro ka 1. Tui nan, danak dak metro ka 2 atah hu jaik 11,27 km, akaok jalan diah meng ga Ben Thanh, labik akaok gah ini di depot Tham Lương. Danak dak  nao tapa 14 phuong di Ban raya HCM dahlau diah. Tui bruk ba tabiak, Ban raya HCM brei padang ngak abih jalan dahlau harei 15/1/2026 uan raok Nyaom raya Đảng pakat negar mbang ka XIV.

Piah khik saong pakhang karo prein yawa ka urang kumei, rik tame ngak brei patrun ruak kik saong metai kayua ung thu co tu cung, tinh Dong Nai hu Mentri Y te palih ruah peih ngak iek  Danak dak Dut iek ruak, pasang iek saong kuhria ka ruak ung thu co tu cung vaktu 2020 -2025. Tukvak ini, dalam tinh hu dut iek ruak ung thu co tu cung ka labaih 50 ribau urang kumei. Tapa nan duah mboh hu 179 urang ruak oh thau, sumu ba nao taong ruak. Gam haong bruk pasang iek, bruk pathau khan, pato pakai prein yawa jeng hu gah y te jhul pasamar.

Kong an tinh Lam Dong khan duah dom baoh sang urang gaok khat lahik kayua talah binek ia padang di palei 2, xã Tuy Phong di melam 1/11 meng blaoh. Binek ia talah ngak kan kandah tal 374 baoh sang, labaih 125 ha taneh pala drak, njam patam, phun kayau saong athur raong khat lahik…Piah pasang iek duah thau, kong an eiw dom gah, urang gaok khat lahik pambuak haong PC01 - Kong an tinh Lam Dong atau mai jabat ngak bruk Kong an xã Tuy Phong hu tacei pato, kuhria tui hukum ba tabiak.

Dom jabat Thai Lan saong Campuchia  kuhria taom gauk ginum biai di harei paguh 24/12 piah brei padeih patuh phao mesruh metak. Bruk nan ba tabiak hadei Nyaom biai dac biet dom Akok Mentri Ngoại giao ASEAN peih ngak di Kuala Lumpur (Malaysia), taong yaom ka bruk kham merat hu makna biak praong piah trun kan kandah di dua taneh ia jiak taphia Dong Nam A. Dom akaok mentri ASEAN njauk hatai bruk Thai Lan saong Campuchia mai taom gauk, gam khan brei thau ka bruk  caong khin nan hu samar trun takik kandah gauk.

Taka so di Rajaei An Do khan lac brah khik piah dalam dom gilang karja tagok jaik 12% dut saong tukvak ini thun dahlau, tagok glong abih di bilan 12, hadei tuk dom jabat karja blei brah tame rilo di akaok bilan yuak kuak. Padai brah blei tame khik piah rilo meda ba tal taneh ia pablei brah tabiak negar langiu ralo abih di dunya ini.Hiep hoi dom Kapol pablei brah tabiak negar langiu di An Do dalam thun ini tagok jaik 25% dut saong thun dahlau, tagok tal 22,5 trieu tan.

Blah web brei pah robot akaok meti di Trung Quoc angan Botshare - Qingtian zu hu tabiak mbaok di Thuong Hai. Bruk nan di nen tang piah “pah robot mbuan yau pah nda sac caga ka phone” hu jeng biak, tapa bruk pambuak urang pandar, urang brei pah, urang cih vak asar kadha saong gah ngak tabiak ndap nda. Meng tuk tabiak rai, blah web ini hu padang di 50 ban raya praong di Trung Quoc hu labaih 600 jitvu./.