Jabat chuc nang di tinh Tay Ninh bahrau ngak salah blaoh bruk taduan saong pasang iek khau tin ngan haong 177 urang Viet Nam kayua Dai su quan Viet Nam di Campuchia bayar mai. Dom urang ini hu pambuak tal bruk ngak saong daok pandaok suan hukum di Campuchia. Njauk caik hatai sangka, hu 176 urang ngak bruk dalam kongti pachot pagat di tal 11 sang glaong, labik Kim Sa 4, pabah pambang Bavet, Campuchia ngak bruk pachot pagat online. Kong an tinh Tay Ninh daok ngak cambaih laih bruk medhil hu pambuak tal bruk pachot pagat co blah drap ar saong pablei salih urang menuac.

Akaok UB Bhap bini tinh Ca Mau caong khin Bol lin Bien phong saong dom jabat pambuak bruk jhul catang, dom bruk ngak ba hu, jalan pacang caga chap mek ikan suan hukun, oh pathau khan saong oh tui hukum (IUU). Thun 2024 saong dom bilan akaok thun ini, jabat chuc nang Ca Mau hu ba tabiak kaoh duis ralo bruk ngak suan hukum. Tame puac bilan 9/2024, bruk pambak tal 4 urang hu ba manuac dauk nao nagar langiu piah chap mek kaya tasik suan hukum jang hu ba tabiak kaoh duis peih paha ka ralo urang thau.

Di padai Dong Xuan 2024 - 2025 di tinh Hau Giang, halak jamoh ngak palai pajua khat lahik jaik 250ha padai dong xuan di urang nong. Bruk njauk duh hatai lac halak ini daok rah tabiak di rilo mblang hamu padai. Kayua tukvak ini di tinh Hau Giang langik la-an saong hu ia kakuer kapal dalam subuh page, yau nan ye gam jamoh ngak palai pajua ye daok hu dom janih halak haling palai kaik ngak jhak abih tih phun pala di taneh praong  labaih 3.600ha.

Kong ty co phan Kapal gilai peih samar Phu Quoc (Phu Quoc Express) hu ba tame pandar veik kapal gilai peih samar Thang Long labaih 1.000 labik, duh ka jalan tasik Vung Tau – Con Dao saong gilac veik, hadei jaik 5 bilan padeih. Dahlau ba tame pandar gilac, gah Phu Quoc Express hu ba kapal ahaok nao pasang iek abih tih di sang ngak kapal gilai di Can Tho piah pabak hu salamat. Jalan Vung Tau – Con Dao atah jaik 185km (97 hai ly) saong kapal gilai peih samar Thăng Long lahik jaik 3h30 minit yaok mbang nduac.

Rilo rahra bhum tapen tasik saong tuai damuai meng grauk labik hu mai tal Kalan Ong Duyên Hải di xa Vĩnh Thịnh (huyen Hòa Bình, tinh Bac Lieu) piah hu mbaok tame adat Raok Ong Duyên hải. Di tuk gram guh page, rahra dalam saong langiu tinh hu mbaok di Kalan Ong cang iek adat raok Ong meng tasik tame kalan piah ngak adat paling, thau dhar phol tui adat cambat di rahra bhum palei. Adat camereip mai hu ngak meng bruk diễu hành, raok Ong meng tasik mai haong kapul gilai taong ikan dalam sap caing, sap hagar biak sameng. Dom urang taha, kamei dara…daok raok Ong dalam khan ao biak siam gheih, ngak adat di Kalan Ong Duyên Hải tui adat meng kan di mikva bhum tasik piah langkar lakau ka angin hajan siam makre, kapal gilan tabiak tasik hu ginup pabak ikan hadang.

Lien Hop Quoc daok ieu pandar padeih srau kadau di gah Pur Cong hoa Dan chu Congo, dalam raidiuk hu jaik 3.000 urang plang lahik di Goma hadei tuk ban ini njauk kol sraw kadau meblah. Dalam tuk CHDC Congo jang daok pandar sa mbang pasang iek di Hoi dong Nhan quyen Lien Hop Quoc di dom mayai duis ngak suan hukum nhan quyen di Goma. Tong thu ky Lien hop quoc Antonio Guterres hu ghak, bruk daong manuac sia dalam saong jaik taphia Goma daok ralo cuang kandah, tuk yaok rabau manuac hu panduan nao labik karei.

Njauk yau kuhria mboh dahlau mboh ralo susah di dom urang kinh te Nhat Ban, mbang mesuh metiak gah pablei salih Mỹ - Trung daok tame pambak praong ngan haong rilo bruk bahrau meng gah Mỹ. dahlau di nan, Mentri Jien padai Mỹ pathau khan brei ba tame harak taong bhat dom doanh nghiep, urang menuac, kapal gilai di Trung Quoc, An Do, Dom Taneh ia sit A Rap Thong Nhat (UAE)…hu pambuak tal bruk pablei tabiak menyek di Iran tapa Trung Quoc.Manuac Palestine di Gaza tayah klak panuac di Akaok Mentri Quoc phong Israel pandar bol lin di Tel Aviv ba tabiak bruk panduan manuac nao labik karei di bhum taneh ini. Dahlau nan harei 6/2, Akaok Mentri Quoc phong Israel hu tacei pato bol lin nagar ini kuhria caga bruk brei manuac Palestine “caong hatai tabiak truh” di Dai Gaza. Panuac tacei pato ini hu ba tabiak hadei pathau khan ngak ralo manuac masao gauk di Tong thong My Donald Trump di bruk kuhria ka Washington mai khik Gaza saong padaok labik barau ka manuac Palestine di bhum taneh ini./.