Pho Thu tuong Phạm Thị Thanh Trà njauk hatai haong bruk ba tabiak di Mentri Noi vu ka bruk Padeih Tet Duong lich 4 harei jaik gauk. Cambaic laic, urang kong chuc, urang ngak hu padeih 4 harei meng harei Jip (1/1/2026) tal harei Adit ( harei 4/1/2026); salih harei Suk, harei 2 bilan 1 thun 2026 tapa harei padeih sanecar lac harei 10/1/2026. Dom jabat, dom ndon vi peih ngak bruk brei parabha gauk ngak bruk piah hu lagaih, nduac bruk, ngak siam bruk duh kapol nyaom, Bhap bini, dalam nan brei urang jakar ngak bruk, vien chuc hu mbaok langyah dom bruk meda rah tabiak.

Dalam tuk thuvi thuvar dom harei puac thun, dom doanh nghiep di bhum Tay Bac (lac Binh Duong klak) di TPHCM daok kham merat jhul pakhang bruk ngak mang piah samar bayar ndap nda ka urang. Langiu bruk ngak pabak tukvak, dom bruk brei thau dahlau jien alin Tet jeng “pachreih hatai urang”, daong urang ngak sahanang hatai halan hatian ngak bruk. Yau ye Kong ty Foster hu 1.000 urang ngak, ba tabiak jien alin Tet glong abih dut saong dom thun dahlau. Langiu jien bilan 13, urang ngak daok taduan hu veik meng 20 tal 50% kuhria tui urang. Kong ty TNHH Apparel Far Eastern Việt Nam, labaih 4.500 urang ngak chreih chrai hu thau dahlau ka jien alin puac thun saong Tet.

Nyaom raya Kong doan TPHCM mbang I, vaktu 2025-2030 page ini peih tabiak praong prang. Nyaom raya  ngan haong kadha “ Patagok bruk jum pataom, ngak dahlau, hadah krah; patagok bruk salih pandar taka so piah salih birau bruk ngak; paglong bruk lambaok, khik kuhria kein lagaih ka urang ndoan, urang ngak; padang Kong doan khang kajap; pambuak haong TPHCM kajap takai dalam jaman birau”.

Melam 27/12/2025 peih pakak Nyaom raya Ilamo kraong ia Cần Thơ di tapen kraong Khai Luông - phường Cái Khế - Cần Thơ. Danak dak brei mboh veik ilamo kraong ia di Ban Can Tho tapa dom dalikan ka gaiy gilai, bruk daok dang ngak mbang pambuak haong kraong ia, raya adat cambat, yam mebang saong kaya mbang. Pasang iek bruk kuhria caga, muk Nguyễn Thị Ngọc Điệp - Pho Akok UBND TP. Cần Thơ caong hu thau cambaic laic  dom labik khik radaih, yaom kaom tui hukum; pasang khik kaya mbang hacih sa-at, khik alam moi truong. 

Urang ngak praong UBND xã Sông Đốc, tỉnh Cà Mau meyaom sa-ai Lê Vĩnh Phước kayua tapak tapaiy, siam hatai, duan hu drap ar di urang saong bayar veik. Khaw tin camereip, nao angaok jalan meng palei 7 tal palei 11, xã Sông Đốc sa-ai Phước duan hu kadung nilon dalam nan hu 1,2 luong ameh 18k saong 24 k, gam 54 trieu dong jien mbaok. Hadei di nan, sa-ai Phước ba payua veik ka  Công an xã Sông Đốc. Tapa ngak bruk, Công an xã Sông Đốc thau lac drap ar nan di sa-ai Phạm Tú Như di palei 7, xã Sông Đốc. Kong an da-a sa-ai Phước mai piah bayar veik ka sa-ai Như.

Mbang ginum biai Mban thuky UB taphia negar Thai Lan - Campuchia padeih samar hadei tuk dua gah hu ginum biai njauk gauk blaoh. Mbang ginum biai dui atah labaih 30 minit saong tamat tuk kapol urang jakar Campuchia samar mai veik negar. Brei panuac  hadei mbang ginum biai, Pho Tham muu Gah Bol lin Patao Thai Lan khan lac, dua gah njauk gauk ka bruk peih nyaom biai rilo gah di UB taphia negar Thái Lan - Campuchia di harei 25/12.

Yai xo so Powerball di Mỹ patagok jien alin tal 1,7 ti dola, tuk peih palih taka so di harei 25/12, lavik melam 24/12 tui mon gah Bờ Đông negar Mỹ, hu jeng sa dalam dom yai praong abih di xo so My meng lavik mai. Tui Mban peih bruk, jien njauk so mbang anak tal 292 trieu. Urang njauk so meda palih ruah  taong abih 1,7 ti USD tui jalan bayar parabha dalam 29 thun, atau taduan sa mbang labaih 781 trieu USD oh kuhria jien je.

Rajaei Israel meda buh tame labaih 350 ti shekel, sumu 110 ti dola dalam 10 thun  anak tal  piah patagok sa bruk ngak gah kong  nghiep vu khi doc lap, tapa nan trun bruk pambak tame taneh ia karei, kuhria gam dom taneh ia ayut sahabat. Yau nan min, Thu tuong Israel taduan bruk ngak po di drei lac oh mbuan, min brei mboh bruk ngak suai laik di Israel ngak hu rilo abih phao karaong dalam negar.