Thanh doan TPHCM melam karoi pahdar 95 thun Harei padang Kapol Doan  (26/3/1931 – 26/3/2026) saong alin yai Hồ Hảo Hớn hu 9 bruk hadah krah, jalan ngak siam lagaih. Brei panuac di var pahadar, sa-ai Ngô Minh Hải, Bi thu Thành đoàn TP.HCM mboh lac,  luac 95 thun tapa, dom rairah  dam dara Viet Nam ndem lac, dalam nan hu dam dara TPHCM oh padeih ngak bruk daong taneh ia, var klak rup drei, brei mboh jalan sahaneng di dam dara dalam bruk dak padang taneh ia saong khik palei negar. Bruk nan pabak tame sajarah dakrai hadah hadai, pato veik ka dom rai hadei dang tagok padang saong khik caga Taneh ia, nao dahlau dalam bruk patagok di negar.

Tinh ndoan Dak Lak peih bruk pahadar 95 thun Harei padang Ndoan Dam dara CSHCM ngan haong kadha “ Dam dara dom bangsa takik Dak Lak - Caong khin ba drei patagok haong taneh ia” saong meyaom 56 urang naih joi vaktu 2020-2025. Dam dara Dak Lak patui bruk ngak dahlau, hadah krah  tapa rilo bruk jak ba biak lagaih, peih ngak yaok ribau danak dak, bruk ngak di dam dara di dom gah yau padang ngak palei pala birau, khik hacih alam moi truong, pandar taka so, padang mbang ngui birau saong tani tanat raidiuk xa hoi, pamedeih tagok bruk ngak saong caong khin daong taneh ia di dam dara.

Harei ini 22/3, Kong an  tinh Gia Lai peih ngak Harei Olympic daong khik pein yawa ka taong abih bhap bini, daong khik Taneh ia thun 2026. Brei panuac di var nan, Đại tá Ngô Cự Vinh, Pho Yam doc Công an tỉnh Gia Lai kakei lac, harei nduac pakacah nduac oh lac pasram the thao bo daok ndung bak makna chinh tri dalam, rik tame  paglong jalan sahaneng, padang ngak jalan diukrai siam mekre, daong ka hasa Viet Nam patagok khang kajap. Harei 27/3/1946, Chu tich Ho Chi Minh iew da-a taong abih bhap bini pasram the thao. Tapa labaih 80 thun gam haong panuac pachreih da-a, nan lac jalan ngak piah pasram the thao di taong abih Dang, taong bhap bini, abih bol lin.

          Pahadar Harei Ia Dunya 22/3, UBND phuong Khánh Hòa, ban Cần Thơ pambuak  haong dom don vi daong jien padang ngak ba bala halang ia tame pandar  meng nang luong ia harei duh ia mikva bhum kurang ia taba di bilan thu. Ngan haong mac hlang ia ini, bruk pabak ka hacih ka bhap bini dalam phuong hu ginup ia pandar, caga bruk langik salih karei oh lagaih, pandiak saong njom ia mbak, tui nan salih birau raidiuk di bhap bini.

Page harei 21/3, sa-ai Nguyễn Thị Kim Phương lac po shop bingu di xã Chợ Lách, tỉnh Vĩnh Long  duan hu 1 kadung balo dalam nan hu rilo drap ar yau: sa baoh dong ho Rolex, karah, drap ar karei… gam harak gal karei. Hadei di nan, sa-ai Phuong ba mai bayar ka kong an xã Chợ Lách  piah khan veik duah po drap ar dalam kadung nan lac sa-ai L.K.D. (umo 23 thun, daok xã Phú Phụng, tỉnh Vĩnh Long) bayar. 

Indonesia lac taneh ia hiu rilo urang Islam abih di dunya ini uan raok roya Eid al-Fitr. Ini  lac sa dalam di adat roya cang maong ralo di Indonesia. Langiu di bruk talaik iek tamat bilan Ramadan, Eid al-Fitr daok brei mboh dom ilamo biak siam gheih tapa rilo rairah di Indonesia. Dom harei dahlau Roya, yaok trieu urang Indonesia daok ban raya nao palei, lac bruk nao mai hu ralo manuac abih di dunya.

Trung Quoc tapa mbaok Nhat Ban dalam thun 2025, yam tagok dang akaok di dunya ka bruk pablei radaih oto hu jaiak 27 trieu sruh, mbang akaok meti tapa mbaok negar Nhat Ban. Dalam tuk nan, jien mek tame meng pablei radaih di Nhat Ban tabiak dunya trun daok labaih 25 trieu sruh. Dalam nan, dom urang pablei radaih ndien Trung Quoc, yau BYD saong Geely pabei hu rilo jang Nissan saong Honda.

Iran khan lac, eo tathik Hormuz peih pabah mbang ka taong abih dom kapak gilai, langiu dom gilai hu pambuak tal “gah cagar Iran”. Panuac nan hu ba tabiak hadei  tuk Tong thong Mỹ Donal Trump gham cuh tayak dom sang mac ndien di Iran meyah eo tathik ini oh hu “peih pabah mbang praong” dalam 48 mon. Kayua mesruh metak, jaik abih dom gilai oh nao tapa eo tathik ini, labik pajeng ba labaih 20% menye dam mo saong khi dot ia di dunya./.