Thanh tra Rajaei ba tabiak bruk pasang duah di UB Bhap bini tinh Ca Mau dalam bruk ngak pacang, caga taong mek IUU, dalam nan pataom tame bruk taong bhat dom bruk ngak chung hanh chinh tukvak thun 2019 - 2025. Urak ini dalam tinh Ca Mau hu labaih 5.170 gilai taong mek ikan hadang. Tukvak tapa, tinh hu pambuak khang haong dom kapul chuc nang dalam bruk taong mek IUU. Dalam nan, bruk taong bhat hanh chinh dalam gah taong mek IUU hu sangka pato tacei, taong bhat dil samu. Min, bruk ini jeng daok dom kan kandah.

Tỉnh An Giang urak ini hu 14 xã, phường bhum taphia negar, raidiuk mikva saong grauk ayut gaok rilo kan kandah. Yau nan ye, tinh kuhria bruk buh jien tame padang ngak sang bac  di dom labik taphia negar lac bruk praong. Tỉnh padang ngak 3 sang bac gam bac gam daok dom pakat di bhum taphia negar kuhria jien buh tame ngak labaih 837 ti dong. Tukvak anak tal, tỉnh  brei pasang iek , jien buh tame ngak ka 11 xã, phuong taphia negar  daok veik, pambuak dom sarak daong ka gru pato, anek saih saong pato ka urang jakar thau sap bangsa Khmer.

Xa Nhu Gia, ban Can Tho (tinh Soc Trang klak) hu rilo mikva urang bangsa Khmer diukrai. Dalam dom thun tapa, meng bruk daong di dom danak dak buh jien tame ka bhum urang bangsa takik saong Danak dak padang palei pala bahrau, raidiuk di urang bangsa Khmer di xa Nhu Gia dak harei dak cakrok patagok. Tal thun 2025, xa Nhu Gia tok hu 71 baoh sang kathaot. Abih di nyu nan lac, dom baoh sang kathaot saong jaik kathaot dalam mikva bangsa takik trun rilo, brei mboh siam lagaih tantu meng dom sarak daong di Karja.

UBND TPHCM ba tabiak jalan pacang caga, pacang pandiak bhang, kurang ia saong njom ia mbak dalam bilan pandiak. Dalam nan, eiw dom jabat chuc nang tui iek catang bruk ia ndik trun ndik, piah padang ia lagaih di dom danao, ribaong saong padang jalan peih ngak lagaih piah caga bruk oh lagaih rah tabiak. Meyah njom ia mbak trak, halau ia piah pandar, brei ka athur menyum saong ba ia pruh ka dom janih phun pala hu yaom glong.

Dom harei ini dom palei ngak ikan rik thu tapen tasik Vinh Long yam tame bilan ngak mbang tabung glaong abih dalam thun. Rilo palei ngak ikan rik thu hu ngak bruk tagok 3 mbang piah hu ginup kaya duh Tet. Ndap nda kaya di palei hu ngak meng rilo jalan ngak, dalam nan hu ikan rik thu tui jalan bhap bini, ikan ndam kaya bangi, ikan bambu sa pandiak…Palei ngak ikan rik thu urak ini hu 26 baoh sang ba drei tame ngak, bruk ngak hu kuhria rah tapa hu labaih 1 tan ikan rik thu yaok harei; daok bingun Tet, bruk ngak hu tagok 2 tal 3 mbang dut saong harei bhian.

Trung Quoc hu padang ngak jalan gah meraong dui talei ba ndien glong cao áp Tây Tạng - Quảng Đông. Jalan dui ba dien glong cao ap nan hu pambuak dom danak dak  thuy dien, dien ia harei saong dien hangin praong di labik khu tu tri Tay Tạng haong dom medil kong nghiep yau Quảng Châu saong Thâm Quyến. Tui dom urang padang ngak dien, yaok thun danak dak ba hu meteh ndien ngak tabiak di Binek ia Tam Hiệp, binek ia thuy dien  praong abih di dunya. 

Sang Tong thong Han Quoc pathau khan brei ngak catang piah raok ba mai negar ka 73 rahra negar ini daok njauk mek kareik di Campuchia. Dom urang ini hu ba mai negar Han Quoc piah duh pasang iek dom bruk kaoh duas pambuak tal duas chot pagat praong. Ini hu maong yau lac mbang mai negar dom urang duas hinh su praong abih meng dahlau mai dalam bruk pambuak pasang duah dua gah di Han Quoc saong Campuchia.

Urang ba panuac di Lien hop quoc mboh lac My urak oh lac hu mbaok tame dom bruk di Gah Y te Dunya. Thun dahlau, Tong thong Mỹ Donald Trump mbaoh harak tabiak truh WHO saong padeih rik jien ka dom bruk di Gah ini. Tui Tân Hoa xã, kuhria tal tuk vak ini, Mỹ oh ka bayar jien ka dom negar daok tavak sre ka dua, thun 2024 - 2025./.