Dang akok Nyaom biai ka pachreih ba, jhul khang bruk parabha, peih brei phun jien di Kanja saong peih ngak Danak dak pasiam saong patagok kinh te xa hoi peih tabiak tuk page ini 21/2, Thủ tướng Rajaei Phạm Minh Chính brei thau, bruk jhul khang peih brei phun jien di karja saong peih ngak Danak dak pasiam saong patagok  KTXH tuk halei  jeng hu Rajaei, Thu tuong Rajaei tacei pato biak catang, njauk bruk. Yau nan min, bruk peih brei phun jien di kanja  saong peih ngak  dom sarak  di Danak dak pasiam veik saong cak rok patagok KTXH daok suai damuai; Bruk peih brei phun jien karja saong peih ngak Danak dak pasiam veik saong cak rok patagok KTXH dak harei dak trak. Nan ye, Thủ tướng  caong khin  dom mentri, dom gah, bhum palei ba jalan ngak, jalan langyah cambaic laic meng ini tal puac thun 2023 brei peih ngak siam, kein lagaih, sami samar, lagiah haong bruk rah tabiak piah samar lang talaih dom kan kandah, tavak tavaiy.

Tui LĐLĐ TP.HCM, hadei di Tet Nguyen dan thun 2023, dom urang ngak mai ngak bruk veik mboh hu labaih 95%. Min jeng daok hu rilo doanh nghiệp patrun đơn hàng saong daok pataom sit veik bruk ngak, cakak meneing urang ngak. Dom doanh nghiệp menyim, jhik, takhaoh klik jeng daok duah đơn hàng piah ngak tal bilan 6/2023 nan ye bruk ngak jeng daok rilo kan kandah. Kayua yau nan ye anak tal, LĐLĐ TP.HCM meda pataom tame padang jalan peih ngak dom bruk ka "Bilan urang ngak" mbang ka 15 pambuak haong "Bilan ngak ka salamat, hacih sa-at ngak bruk" thun 2023. Ini jeng lac mbang tabung glaong sangka daong ka urang ngak.

Dalam thun 2022, Chi cục Pala drak saong Khik caga phun pala tỉnh Bình Dương hu Cục khik caga phun pala brei 8 ma so labik pala ka 8 đơn vị pala drak. Kuhria mbiah tal ini, dalam tỉnh hu 17 ma so labik pala, dalam nan hu 12 ma so bhum pala măng cụt, patei, panat pablei tapa negar Trung Quoc saong 3 ma so labik pala kruac bung pablei tapa darak EU, Anh, Nga; 2 ma so bhum pala  darang pablei tapa Hoa Ky. Tui nan, chi cục daok iew brei pabak 13 ma so bhum pala ka dom pandap yau patei, panat, darang tapa dom darak negar Trung Quốc, Thái Lan, EU, Mỹ, Úc, New Zealand.

Tỉnh Bình Thuận lac bhum pala sa janih phun thanh long praong abih dalam taneh ia, yaok thun hu labaih 600.000 tấn baoh, dui pachreih hu labaih 30.000 urang ngak hu mbaok tame ngak. Min dalam 3 thun mai ini, yaom thanh long trun biar, labik pablei oh tani tanat, ngak brei bhap bini mbaiy mbaok haong janih phun ini. Piah cakrok thanh long khang kajap, Sở NN-PTNT tỉnh Bình Thuận mboh lac, bhap bini njauk patagok taneh pala thanh long tui jalan pataom veik, lagaih haong quy hoạch, lagaih haong darak pasar, tani tanat taneh pala daok hu yau urak ini. Gam haong nan, jhul khang bruk pala ngak tui jalan siam mekre, salamat (VietGAP, GlobalGAP).

Bilan padai Đông Xuân 2022 -2023 di Cần Thơ trun pajaih labaih 75.000 ha. Mbiah tal tukvak ini, hu labaih 15.000 ha padai yuak blaoh, hu labaih 79 tạ sa hecta, glong jang 9,8 tạ sa hecta dut saong tukvak ini thun dahlau. Gam njauk padai rilo, yaom pablei glong jang dut saong bilan Đông Xuân thun dahlau labaih 500 - 1.000 đồng sa kilo, nan ye urang ngak nong biak chreih chrai. Bilan Đông Xuân thun ini, urang ngak nong di ban Cần Thơ oh lac pablei padai hu yaom glong bo bruk pablei jeng hu mbuan lagiah.

Tổng thống Nga Vladimir Putin meda puac Harak Thông điệp liên bang di harei ini (21/2). Thông điệp thun bahrau di Tổng thống Putin brei mboh hatai jia lac Nga meda yam tapa taong abih dom kan kandah. Urang brei panuac di điện Kremlin brei thau, bruk quân sự đặc biệt di Nga peih tabiak di Ukraine nyu pambak khang tal raidiuk di urang Nga tui jalan ini atau jalan karei. Kayua yau nan ye, abih gauk jeng caong hu pang dom taong yaom di Tổng thống ka bruk quân sự đặc biệt, jeng yau taong yaom ka bruk dunya saong meta maong di Tổng thống ka jalan patagok di anak tal.

Sa urang kumei Chile angan Barbara Hernandez, umo 37 thun, jeng urang akaok meti caluai tapa labik atah 2,5km di bhum tasik Nam Cực la-ar yau ia khan. Anai Hernandez caluai  abih tih 45 minit meteh di harei 5/2, angui khan ao caluai ia bhian mboh, oh hu cuk camin meta, tuah mot saong pang lanye tangi. Nhiệt độ ia tasik di labik ini  lac biar labaih 2 độ C. Hadei di caluai tal labik, Hernandez hu srong tagok truh ia khan la-ar saong ba tame labik dut iek ruak angaok gilai hải quân. Nhiệt độ rup anai tuk nan tok 27 độ C, hadei di nan 2 mon, anai meng gilac veik rup drei.

Tui Pasak pasang iek jit ruak Nigeria, meng akaok thun tal ini, hu 85 urang metai kayua pandiak Lassa di taneh ia ini. Ini lac sa janih pandiak tabiak darah kayua vi-rut Lassa, jhak jang rilo duk haong pandiak tabiak darah dengue, kayua dom menuac metai saong dom kan kandah caik veik meng ruak lac biak glaong. Tui gah Y tế Dunya, hu tuk, pandiak Lassa mboh dreih yau ruak pandiak dom, nyu tamuh ruak meng sa tal 3 adit hadei di tuk taom gaok vi-rút. Meyah hanjul, ruak ngak brei pandiak, glaih glar, lavang lavaih saong pandik akaok./.