Jala pandiak harei kabroi (9/10), Thu tuong Phạm Minh Chính dang akaok mbang nyaom biai Thuong truc Rajaei ka bruk pasiam kanjah jhak di bala hadei ribuk ka 11, samar drah tani tanat raidiuk rahra. Ndom meyai dalam nyaom biai, Thu tuong Phạm Minh Chính lac, bruk rah tabiak biak srau kadau, ngak tabiak dom tanut ia sua praong di meng nan ini mai, ngak khat lahik praong ka urang saong drap ar jien padai, jeng daok brei patui veik kuhria; saong daok meda njauk ia dauk suai atah…Thu tuong pandar Jabat Rajaei, Jabat Trung uong pataom, taong yaom khat lahik taong abih, ba tabiak bruk patui veik; hu daong prein, thau dil samu, hu kuhria ka njauk piah ngak bruk.

UBTƯ Mat tran Negar Viet Nam khan lac, kuhria tal harei 8 bilan 10, hu labaih 1 trieu mbang daong ka dom bhum palei khat lahik kayua ribuk ia sua ka 10 saong 11 kuhria hu jaik 799 ti dong. Dahlau di nan, harei 2 bilan 10 thun 2025, UBTƯ Mat tran Negar Viet Nam hu peih bruk iew da-a bhap bini rik daong ka mikva ramik pasiam veik hadei ribuk ia sua mbang ka 10. Tuk peih ngak, kuhria jien daong tagok tal 673 ti dong, dalam nan Kadung jien Thiện Tâm di Kapol nyaom Vingroup rik daong hu 500 ti dong saong Ban Ha Noi rik daong 100 ti dong…Bruk parabha jien daong hu peih ngak samar, sumu saong cambaic laic.

Ngak tui panuac ieu da-a di Ndoan Chu tich Uy mban Trung uong Mat tran Negar Viet Nam tinh Lam Dong rik daong ka mikva njauk khat lahik kayua ribuk ngak tabiak, di mbang caga di nyaom roya Ndang bo tinh Lam Dong mbang ka I di harei kabroi hu taduan meng 128 Ndang bo truc thuoc saong rahra ngan haong paok jien jaik 28 ty dong. Langiu di dom urang lambaok vakil hu mbaok tame nyaom roya jeng rik daong tapa bruk payua jien tal Uy mban Mat tran negar Viet Nam tinh Lam Dong.

Bhum taneran kraong Cuu Long lac bhum taneh ngak rilo padai di abih dalam negar, rik tame daong labaih 50% padai ngak ngak tabiak saong labaih 90 % padai brah ngak tabiak. Danak dak “ Patagok  khang kajap 1 trieu hecta padai asar siam saong takik tathuak nerak gam bruk cakrok patagok hijao di Bhum taneran kraong Cuu Long tal thun 2030” brei mboh bruk ngak hu siam takik tathuak nerak sang camin, paglong asar padai brah saong takik ngak tathuak nerak. Peih ngak Danak dak, dalam thun 2025, Ban Can Tho hu 104.500 ha ngan haong 191 HTX hu mbaok tame, kham merat tal thun 2030 taneh hamu padai hu 170.000 ha.

Tui Phaok Akaok UB Bhap bini Ban raya Ho Chi Minh Bùi Xuân Cường, bruk gar tavak di jalan mbak dalam Ban raya daok patui veik rah tabiak srau kadau, abih di nyu nan lac di labik pasak saong dom jalan yau jalan Raya Quoc lo 13, tatua Bình Triệu 1, tatua Phú Cường, Quoc lo 1, Quoc lo 51, Quoc lo 22, canah jalan An Phú, pabah lamnge Cát Lái, pabah Lamnge Binh Duong… Ban raya jao ka Gah pasang iek dom danak dak jhul khang tukvak dom danak dak hu makna yau ye canah jalan An Phú, Vanh dai 2, Vanh dai 3 saong canah jalan Mỹ Thủy, gam haong nan hu jalan langyah pabak ka tukvak ngak haong dom danak dak ngak suai tukvak.

Rajaei Thái Lan birau khan brei thau jak ba urang rik tame hu 720 ti Baht sumu 22 ti USD piah patagok dom danak dak nang luong, abih di nyu nan lac dien ia harei saong mek veik, khik caga carbon, pamong tal thun 2050 oh daok tathuak nerak. Thai Lan jeng daok peih ngak rilo sarak pachreih doanh nghiep saong bhap bini brei buh jien tame ngak dien ia harei piah pablei ka rajaei. Tui kuhria mboh dahlau hu labaih 90.000 baoh sang pagam dien ia harei di tabung sang jeng hu daong tui sarak oh mek jien je.  

Karja ban ine Jakarta di Indonesia daok duah jalan ba tabiak trai phieu ban medin di thun anak tal. Jalan sahaneng ini mai meng bruk salih bruk di karja trung uong ka kadung jien di Jakarta hu njauk cakak klaoh meng 95 ribau ty Rp (5,7 ty USD) trun daok 79 ribau ty Rp ka thun 2026. Bo truong Jien padai Indonesia Purbaya taong yaom kac jalan sahaneng ini lac “biak hu caong takre”, min brei thau ong hu “daong prein ka jalan ngak” saong paok jien jak ba hu meng bruk ba tabiak trai phieu oh lac hu pandar di Jakarta “bo daok di dom labik karei”.

Oh lac karja Philiipines buh tame yaok ti dola My ka dom danak dak kuhria caga ia ribuk sua, di Labik ban ine Manila dauk dalam ia hadei dom mbang ribuk ia sua praong. Ralo danak dak padang ngak piah caga ia ribuk hu tuh betong.Yau nan min, Philiipines hu dom jalan langyah pambak tame langik tasik, yau ramik pasiam, ngak laneng lanoi, peih praong ribaong kraong piah ia mbuan nduac tabiak./.