Thu tuong Rajaei meyaom tỉnh Ca Mau samar pataom tame tacei pato, lang talaih dom kan kandah, tavak tavaiy piah samar peih ngak dom danak dak sang daok xa hoi. Dahlau di nan, tinh Ca Mau  hu tacei pato biak tani tanat, cambaic laic ka bruk  padang ngak sang daok xa hoi. Ngan haong dom danak dak labik daok di bhap bini hu buh jien tame ngak sang pablei, dalam nan hu 20% taneh piah ngak sang daok xa hoi ye caong khin peih ngak sang daok xa hoi chip; dom sarak daong, harak gal piah pablei tui hukum ba tabiak di Karja; bhian pasang iek, langyah dom bruk ngak suan hukum…

Tinh Kon Tum kham ngak brei labaih 1.350 baoh sang abih taik tahak di bhum dalam thun 2024, dalam nan hu 1.200 baoh sang hu ngak bahrau, labaih 150 baoh sang hu ngak pasiam. Thun 2025, tinh Kon Tum hu ba tabiak jalan ngak brei oh daok baoh sang taik tahak anak harei 30 bilan 6. Tapa di nan brei mboh prein kham marat di tinh Kon Tum dalam bruk brei oh daok baoh sang taik tahak. Ni lac sa guan siam piah ka baoh sang kathaot hu sang daok drah samar yam tagok patruh kathaot hu khang kajap.

Di Ban raya Ho Chi Minh, dom doanh nghiep hu tame danak dak tani tanat pablei pandap khik yaom kaom hu caga blaoh phun jien labaih 22.000 tỷ đồng, dalam nan, labaih 8.000 tỷ đồng caga pandap kaya mbang biak lagaih. Urak ini, prein blei di ralo labik tagok meng 30-40% dut saong dom bilan dahlau. Tet saka ia harei meng blaoh jeng lac tuk pablei salih pandap Tet tame bilan tabung glong yau nan ye jaik abih dom jalan pablei pandap hu pabak pandap, tani tanat yaom kaom saong khik iek pandap panda. 

Hajan oh njauk bilan di bhum taneh praong ngak ka manuac pala bangu Tet di tinh Ba Ria – Vung Tau daok susah hatai. Mikva pala bangu di huyen Châu Đức khan lac, tukvak ni urang blei hu caik jien khik takai jaik 60% chau bangu di bein. Min, urakni langik hajan hamit, la-an nan bangu tabiak oh sumu gauk ngak ka mikva daok susah huac nda bangu oh tabiak njauk tuk Tet. Kayua daok kan kandah, nan urang pala bangu Tet biak caong hu jien mek tame di dom harei puac thun.

Di tinh Ben Tre, ia mbak 10 angaok 1000 độ mboh tagok catuah di kraong Giao Hòa, huyện Châu Thành, atah pabah kraong Cửa Đại labaih 40km. Anak bruk njom ia mbak aval saong độ mbak glong yau urak ini rilo po bein brei caga  khik piah ia taba, yau nan min di dom huyen Châu Thành ye daok dang anak bruk kurang ia taba ka njam patam pala piah pablei tet. Dom baoh sang pala bingu te di xa Giao Long, huyen Châu Thành jeng haduh hatai tuk njom ia mbak tame dom ribaong ndo mbak glong 2 angaok 1000 độ.

Thun 2024 lac thun pandiak siam abih di Trung Quoc kuhria meng labaih 6 pluh thun dahlau saong lac thun di 2 jaik gauk dom tanut ngak hu blaoh. Pandiak kuhria rah tapa di nagar ni thun 2024 lac 0,92 ndo C, glaong labaih 1 ndo dut haong thun 2023. Ngan haong ban Thuong Hai, thun 2024 lac thun pandiak siam abih meng di jaman 19, langik pandiak kuhria rah tapa 18,8 ndo C. Langik alam pandiak pagam haong dom rabuk praong, hajan praong jang ngak bruk pandar ndien patagok drah samar.

Dalam thun 2024, hu labaih 36.800 urang tapa tasik Manche tame negar Anh. Dom urang nan tagok tal 25% dut haong thun dahlau, dalam nan hu yaok pluh urang metai. Ini lac thun hu rilo urang metai abih kuhria meng dahlau mai kayua tapa tasik nan. Labik sit abih di tasik Manche tok praong  21 dặm, hu jeng sa dalam dom jalan mbuan metai lahik ngan haong dom urang klak negar caong khin tame negar Anh. Dom sarak  urang karei tame negar hu khik kajap jang saong pasiam iek tapen negar  hu pakhang ba tal  rilo urang di cư nduac duah plaik njiak bruk mesruh metak, iek lapa.

Thun 2024, glai nhiet doi Amazon di Brazil hu dom mbang apui ghuah glaong abih dalam 17 thun tapa. Sa dalam halau ngak apui ghuah ni lac kayua tukvak langik tua katung lavik. Dom kanjah jhak di apui ghuah oh padeih di glai Amazon. Dom asak lapan meng dom mbang apui ghuah hu apar pambak tal dom ban praong, ngak narak langik alam katung atah dalam ralo adit, kanjah jhak tal prein yawa manuac./.