Biar harei 11/01 di tinh Thai Nguyen, Thu tuong Rajaei Phạm Minh Chính hu mbaok Padang ngak 2 danak dak ka dom Sang bac chuyen biet - Sang bac pho thong bhum Viet Bac, Sang bac du bi dai hoc TP. Ho Chi Minh saong Sang bac bi dai hoc bangsa Sầm Sơn. Ini lac dom danak dak salam uan nyaom roya Dang pakat negar mbang XIV. Tuk salah dom danak dak brei pabak, pakhang tal bac, bilik bac, paglong prein pato pakai, salih birau labik bac, rik tame paglong bruk patao bac dahlau tame dai hoc ka urang bangsa takik, pakhang kajap ilamo ka dom adei bac da-a tagok glong.

UB Bhap bini Ban raya Can Tho birau mbaoh harak angan palei, di bhum urang bangsa takik, palei, bhum taneh biak kan kandah; xa, phuong di urang bangsa takik, xa bhum I, II, III. Tui Harak ini, Can Tho hu 406 palei, bhum urang bangsa takik, 164 palei, bhum taneh biak kan kandah di 56 xa , phuong. Ini lac bruk bruk piah  thau bhum  palei ngak tui sarak bangsa takik saong dom sarak karei bhum urang bangsa takik vaktu 2026 -2030 di ban Can Tho.

Kapol urang ngak bruk di Bo Tu lenh bhum 5 Hai quan saong kapol urang jakar dom tinh, ban, doanh nghiep, jabat bao chi hu mai rivang kaoh pulao Hòn Khoai, tinh Cà Mau mai rivang, ayuh Tet, alin pandap ka urang jakar, uranglin, bhap bini dom kaoh pulao di tathik Tay Nam di Taneh ia. Kapol urang jakar di bhum 5 Hai quan gam haong dom don vi, mai rivang, ayuh Tet, alin pandap hu di bhum taneh yau: Phun đào, quất gam dom janih kaya ahar alin ka urang jakar, urang lin, dom gah ngak bruk di kaoh pulao.

Harei 15/1, Ban raya HCM padang ngak 4 danak dak praong ka jalan mbak saong mblang padhih pasram the thao. Kuhria abih tih jien buh tame ngak dom danak dak tagok tal labaih 239.000 ti dong, caong khin  brei salih mbaok meta saong pabak prein khang birau ka ban raya. 4 danak dak praong hu padang ngak meng phun jien karja lac jalan Metro ka 2 (Bến Thành – Tham Lương) saong 3 danak dak hu peih ngak tui jalan pambuak bruk karja saong urang gah langiu iew lac PPP hu Danak dak Khu liên hợp padhih the duc pakat negar Rạch Chiếc, Danak dak tatua Cần Giờ saong Danak dak tatua Phú Mỹ 2.

Thun 2026, tinh Dong Thap kham merat GRDP tagok 8 - 8,5%, GRDP kuhria tui yaok akaok manuac sumu 94 trieu dong; jien mek tame meng bruk pablei salih 10 ti USD; padang birau 3.000 daonh nghiep; jien mek di karja labaih 23.000 ti dong. Piah ngak hu bruk ba tabiak, Akok UBND tinh Đồng Tháp, ong Phạm Thành Ngại, caong khin dom pakat, dom gah khik caga kuhria bruk ngak di Rajaei  thun 2026: “ Ky cuong, bruk ngak; kuhria dahlau; salih birau, hadah karah; cakrok patagok samar kajap”…

Tong thong My Donald Trump  mbaoh harak ba tabiak hukum khik jien pablei menyek di Venezuela daok khik di Gilang  jien pariak My. Dom paok jien nan, hu jien mek meng menyek saong tai nguyen alam dunya di Venezuela kayua Mentri Jien padai Mỹ “ khik piah” , meyah jien mek tame ngak “khat lahik trak” tal an ninh pakat negar saong sarak pablei salih di Mỹ. Ong Trump khan lac piah dom toa an atau dom gah pambuak tavak veik atau khik veik dom kadung jien nan pacang biak trak dom bruk praong di My piah tani tanat kinh te saong chinh tri di Venezuela.

Hang kapal haok pakat negar Ethiopia padang ngak mblang kapal ahaok praong abih di bhum chau Phi, kuhria jien tagok tal 12,5 ti USD, tui kuhria ngak salah blah di thun 2030. Thu tuong Ethiopia ‌Abiy Ahmed Ali brei mboh mblang kapal ahaok dunya Bishoftu glong 4 mbang  mblang kapal ahaok dunya di taneh ia saong meda lac mblang kapal ahaok praong abih meng lavik mai di chau Phi. Tuk ngak salah, mbang kapal ahaok ngak bruk tal 270 kapal ahaok, brei taduan tuai 110 trieu yaok thun. 

Di kalan Teppozu Inari ban ine Tokyo di Nhật Bản, hu biak ralo urang tui agama oh huac la-ar ba rup drei tame ia patau (ia khan) piah langkan. Ini lac sa adat  hu meng kan mai piah ngak rup drei hadah krah saong panuac drei likau ka thun birai hu siam mekre, karo kajap. Thun ini lac thun ka 71 adat cambat ini hu peih ngak yaok thun, di harei adit  ka 2 di bilan akaok thun birau. Bingun ini, bhap bini bhum palei saong tuai damuai tagok meng subuh page, ba gauk pataom tame kalan piah tamia, daoh take saong uan raok harei birau dahlau trun menei ia patau./.