Page ini 16/2, Thủ tướng Rajaei Phạm Minh Chính ngak bruk saong urang ngak praong tỉnh Bến Tre ka bruk ngak kinh te - xã hội di tỉnh. Thun 2022, Bến Tre patagok kinh te 7,33%, ramik cơ cấu kinh tế njauk jalan; dom gah ilamu, pato megru, y  tế hu sangka; peih ngak siam bruk tani tanat xa hoi. Thủ tướng Phạm Minh Chính langyah brei cambaic laic kein lagaih, tacei tabiak dom bruk daok tavak tavaiy di tỉnh. Thủ tướng tacei tabiak, Bến Tre nan lac tinh hu prein khang lagaih ka bruk cak rok patagok kinh te tasik, dulich ilamu sajarah darai - sinh thai, brei caik hatai rilo ka bruk patagok sumu gauk kinh tế, van hoa - xa hoi saong khik caga alam moi truong sinh thai pagam haong bruk khik caga quoc phong, an ninh salamat; oh var klak bruk patagok, sumu gauk dalam xa hoi, moi truong kinh te piah salih ka bruk cak rok patagok kinh te ta-eng. 

Dah page ini (16/2), di mbang nyaom biai langyah dom panuac likau patui veik hu rami ramik mblang pataok radaih di mblang taneh 3.500 m2 di jalan Bạch Đằng- Trường Sơn- Hồng Hà, quận Tân Bình, TP.HCM piah pabak ka bruk nao mai pajeng ba di Mblang kapar haoh dunya Tân Sơn Nhất, lambaok ka gah kapar haoh likau hu patui veik pandar mblang đệm piah pabak ka tuai di tukvak lễ 30/4- 1/5 saong tukvak tabung glaong di hè 2023. Tui kapul ini, di dom tukvak tabung glaong, dom tuai tui kuhria nao kapar haoh biak glaong ngan haong 52.000 tuai sa harei saong dom sruh radaih taxi caong piah pabak jeng hu samu. Kayua yau nan ye, bruk patui veik khik tani tanat mblang pataok radaih taxi tạm di dom labik nan tal tuk halei Kanja brei buh jien padang ngak, peih ngak bhum taneh tui quy hoạch.

Dalam dom thun tapa, bruk patrun kathaot saong bruk daong urang kathaot tuk halei jeng hu dom pakat, dom gah di huyen Đồng Phú, tỉnh Bình Phước sangka peih ngak saong iek praong bruk ngak. Rilo bruk ngak brei patrun kathaot ba mbuan lagaih daong ka urang kathaot hu yam tagok patruh kathaot khang kajap. Hu yau nan, mbiah tal ini dalam huyện tok daok 79 baoh sang kathaot, meblah 0,31% saong 115 baoh sang kathaot, meblah 0,45%. Cambaic laic, Đồng Phú peih ngak sarak brei mesre ưu đãi ka baoh sang kathaot, baoh sang urang bangsa takik, daong jien bac megru, mbang jala pandiak, paok jien bac, daong jien ka anek saih bangsa takik, bhian dut iek prein yawa; sangka bruk tacei pato, pato bruk ngak saong duah  bruk ngak ka bhap bini…

 Dom harei jaik di ini, nhiệt độ tagok glaong, pandiak dui atah ngak ka Labik khik ramik janih sinh canh Bein cim Bạc Liêu di ban Bạc Liêu, tỉnh Bạc Liêu daok dalam tanut njauk kakei ka bruk khuah glai pakat 4- lac njauk pakat kan kandah mbuan rahtabiak bruk khuah glai khang. Mban khik ramik glai đặc dụng saong pacang caga tapen tasik di tỉnh Bạc Liêu hu peih bruk parabha kapul pasang iek luac harei melam; peih bruk mek ia tui bruk ia tagok khik caga ba tame dom binek, piah patagok độ ẩm glai saong khik caga pabak ka bruk padam khuah glai tuk njauk ngak; pathau khan dom baoh sang bhum đệm paglaong hatai pacang caga padam khuah glai. Labik khik ramik janih sinh cảnh Bein cam Bạc Liêu hu abih tih mblang taneh gam bhum loi saong bhum dem praong labaih 380ha, ngan haong labaih 60.000 ribau janih di labaih 100 janih cim brim...

Harei ini (16/2),  Bộ Tư lệnh Bhum Cảnh sát tasik 3 brei thau, gah chức năng dui ba gilai TG93698TS pajeng ba labaih 25.000 lít menyek DO oh thau cambaic laic ka cảng Hải đội 301 di ban Vũng Tàu piah patui bruk pasang iek langyah tui bruk ba tabiak di hukum. Dahlau di nan, mong 16 tuk  harei 14/2, di bhum tasik gah đông nam Côn Đảo labaih 60 hải lý, gah chức năng di Bộ Tư lệnh Bhum Cảnh sát tasik 3 hu mboh gilai ngak meng kayau so TG93698TS mboh karei yau nan ye brei pasang iek, mboh gilai daok pajeng ba 25.000 lít menyek DO min oh hu harak gal brei mboh pandap mneg halei mai.

 Harei ini (16/2), Akaok Mintri Giao thông Công chính Campuchia Sun Chanthol hu brei thau lac, gah jalan cao tốc pambuak haong ban ine Phnom Penh ngan haong ban Bavet, tỉnh Svay Rieng (jaik taphia haong pabah negar Mộc Bài, tỉnh Tây Ninh di Việt Nam) meda hu peih bruk padang ngak di bilan 6/ 2023 ngan haong bruk caga phun jien padang ngak labaih 1,6 tỉ USD. Gah jalan cao tốc Phnom Penh- Bavet atah 138 km saong dalam nan hu padang ngak sa mbaik tatua atah tapa kraong Mekong. Danak dak meda ngak salah di thun 2027, gam haong tukvak di gah Việt Nam ngak salah gah jalan cao tốc meng TP.HCM tal pabah negar Mộc Bài piah hu pambuak haong gauk. Gah jalan cao tốc ini hu makna biak praong dalam bruk pambuak haong Trung Quốc, Myanmar, Thái Lan, Campuchia saong Việt Nam.

Thủ tướng Nhật Bản Kishida Fumio birau sanya brei patagok kadung jien ka bruk pato haong raong uranaih tagok 4% kuhria taong abih pandap dalam taneh ia piah langyah bruk takik ndih tapui anek. Jien cai pandar  di Nhật Bản ka dom sarak daong uranaih saong baoh sang meblah labaih 2% GDP dalam thun 2021 saong rajaei ba tabiak bruk kham merat brei patagok dua mbang paok jien nan dalam dom thun tal. Yau nan min, Thủ tướng Kishida Fumio oh ka ba tabiak domn jalan ngak brei cambaic laic piah pabak kadung jien daong dom baoh sang ndih tapui anek saong raong uranaih, rilo manuac sahaneng lac ong meda brei peih ngak dom mbang tagok jien je pambak praong piah mek jien ngak bruk nan

Piah pasiam veik bruk mbuan lahik an ninh pandap mbang, Rajaei dom Tiểu vương quốc A-rập thống nhất (UAE) hu peih bruk padang ngak mblang pala padai lúa mì di ban sit Mleiha, di ban Sharjah saong pandar ia ngak hacih sara piah pruh. Di mblang pala padai lúa mì praong 400 ha di kreih bhum sa mạc di ban sit Mleiha hu padang ngak di puac thun dahlau, pandar abih tih ia khử sara piah pruh, tui kuhria meda mek hu sản lượng labaih 1.600 tấn yaok thun. Mblang taneh pala padai ini jeng hu pandar ilamo nhân tạo saong thaot binguk pandiak piah pataom mek dữ liệu ka langik tasik saong taneh riya piah rami ramik jalan pruh ia saong patui iak bruk praong tagok di phun./.