Pahadar 95 thun Harei dak padang Ndoan Dam dara CSHCM, page ini harei 26/3, Bộ Chỉ huy Bol lin tỉnh Đắk Lắk peih ngak danak dak “Dam dara bol lin kajap takai yam tui ala hala dok di Dang”. Dam dara bol lin Dak Lak peih ngak 136 bruk, hadah krah, dalam nan hu 8 bruk hadah krah mek hu yai pakat Quan khu. Kapol dam dara brei ngak dahlau dalam bruk pacang caga bala meng langik yaok ribau mbang urang jakar, urang lin; hu mbaok tame pajeng kaya kan, daong bruk ramik pasiam hadei ribuk ia sua, alin labaih 3.600 paok kaya alin ka rahra raidiuk kan kandah.

Kapol Thaik binguk TPHCM parang iek 114 kadha, khan brei thau dom siam gheih di kaoh pulao tathik;  thaik binguk khang kadang, khang hatai di bol lin saong bhap bini di labik riyak praong hangin khang. Parang iek njauk harei pahadar 95 thun harei padang Kapol Dam dara (26/3), yaih khan kadha cih vak di 4 urang nan lac: Lê Nguyễn, Lê Khái Nhân, Nguyễn Đình Quang saong Nguyễn Thanh Phong. Dom thaot binguk lac dom dalikan ka kaoh pulai Truong Sa, sang gian DK1gam rilo kaoh pulao Lý Sơn, Cồn Cỏ, Phú Quốc, Thổ Chu, Nam Du, Hòn Khoai...

Tinh Ca Mau birau peih ngak darak pasar bruk ngak thun 2026. Thun ini, Cà Mau kham merat langyah duah bruk ngak ka 59.000 urang, tui nan ba 1.000 urang nao ngak bruk di negar langiu tui harak pambuak bruk. Cà Mau pamong tal bruk paglong ilamo urang ngak bruk tal 68% urang ngak tapa pato pakai; takik urang ngak lahik bruk ngak 2%; kham merat hu blei BHXH tal 97%.

Karja saong gah chuc nang tinh Dong Thap daok daong ka bhap bini trun takik kan kandah kurang ia pandar kayua njom ia mbak. Piah khik hu halau ia hacih duh ka bruk pandar yaok harei di dom labik kan kandah, Kong ty Cổ phần Sang mac ia Đồng Tâm bhian pasang iek, ba tame pandar balai njuk pruh ia Sáu Ầu saong kuac 6 baoh bingun ia piah caga pabak ia tamo, khik ka sang mac ngak bruk ba ia ka bhap bini.

Bruk radaih juah dien duh ka bhap bini hu peih ngak di dom balai  Thương xá Tax ( jalan Nguyễn Huệ - Lê Lợi, phường Sài Gòn, TP Hồ Chí Minh). Hadei sa adit ba tame ngak iek, jit vu 50 radaih juah meng dien duh ka bhap bini di labik ini pachreih labaih 2.600 urang pandar, rik tame peih praong bruk palih ruah piah nao mai saong jhul khang bruk nao  mai hacih sa-at. Tui kuhria tal puac bilan 3 thun 2026, don vi peih pambak praong tal 500 radaih, hu rilo balai di ban raya.

Thu tuong Malaysia brei thau, jien daong yaom menyek di taneh ia ini tagok labaih 4 mbang dalam oh ka bak sa adit. Bruk kayua yaom menyek dunya tagok khang hadei  dom mbang klaik klaoh dalam bruk pajeng ba tui jalan tatik di Trung Dong. Rajaei  Malaysia brei pakhang pabak jien daong yaom piah klak meneing kan kandah piah khik ka raidiuk bhap bini.

Kapol kong nghe dang kaok negar Trung Quoc Alibaba birau yaih khan sa mau chip birau ka dom urang ngak tabiak AI – tri tue nhan tao saong kuhri kuhria, tapa nan ngak salah he sinh thai ban dẫn piah jhul pakhang bruk ngak tabiak AI. Alibaba urak ini lac sa dalam  dom doanh nghiep AI praong abih di Trung Quoc. Tong yam doc Alibaba Ngô Vĩnh Minh brei thau bruk pakhang AI kayua kong ty patagok bruk ngak tabiak rilo.

Bilan di ung tapung bingu di Nhat Ban bhian rah tabiak meng bilan 2 tal bilan 5 yaok thun, njauk ndem tal bilan tabung glong lac bilan 3, ba tal yaok trieu  urang ruak pandik meta, ba-har gam gam. Dom urang ilamo gah y te kakei, piah pacang caga bruk di ung tapung bingu, cuh pataik pacang pabah idung lac bruk ngak hu lagaih, atah klak tal 99% tapung bingu dalam yawa langik, atau me-om tamo, cuah camin meta…