Tinh Dak Lak daok srap gap majam bruk ngak Thun Jirah rivang 2026, dalam nan hu pataom tame danak dak peih pakak kadha “Dak Lak – Gilac mai bhum drap ar”. Thun Jirah rivang 2026 brei peih pakak di melam paguh 29/3 di Mblang bein Phu Yen, phuong tuy Hòa. Danak dak brei ba tabiak majam danak dak pachreih jirah rivang, harak labik jirah rivang lek taka saong danak dak seni nghe thuat pagam di jalan meng kal – jaman bahrau, ndom khang ka ilamo ceik glai pagam haong ngak tantu “labik mai ka drap ar”. Dom danak dak pagam haong jalan ngak yaih khan thaik thaot Dak Lak salamat, siam mekre, meda ilamo, ngak jeng bruk patagok samar ba jirah rivang jeng gah kinh te hu makna di bhum palei.

Harei roya Yulit TPHCM mbang ka 22 thun 2026 ngan haong kadha “Chreih chrai bilan hè” rah tabiak meng harei 2 tal harei 5/4 anak, di Bein bingu 23/9, phuong Bến Thành. Harei Yulit TPHCM thun ini pataom hu labaih 20 tinh, ban gam haong rilo doanh nghiep ngak gah yulit dalam negar gam haong 130 labik parang kaya drap ar biak gheih. Bruk gheih abih lac danak dak darak pasar  pachreih urang sirah rivang ma-in, pambuak labaih 100 doanh nghiep  gam haong  yaok rituh kaya kan, jit vu daong yaom lap 50% ka tuai damuai dalam bilan he.

Dom thun jaik ini, dom danaok palei tapen tasik di tinh Lam Dong hu rahra dam dara duah tal rivang me-in, thaot binguk saong khan ao meng kal, khan ao bhap bini. Di bhum tasik Lam Dong urak ini hu 54 danaok palei, dalam nan hu 10 danaok palei danei angan hu Mentri Ilamo, Pahat padhih saong Jirah rivang dak tame drap ar pakat negar. Ini lac dom baoh danaok ndung rilo yaom kaom nghe thuat, sajarah, ilamo bhap bini naih gheih saong pagam haong sajarah rahra panduan mai daok, peih mbaok taneh, siam gheih ka ilamo sajarah, kien truc.

Tinh Dong Thap urak ini hu 2.430 sang raong cim yen, pataom tame ralo di tinh Tien Giang dahlau diah. Yaok thun, tinh pablei hu labaih 2 tấn sruh cim yến pabak ka darak pasar dalam saong langiu negar. Urak ini, sruh cim yến  tamo yaom mneg 15 tal 18 trieu dong sa kilo, sruh com yến  tapa ngak hacih blaoh  yaom 30 trieu dong sa kilo. Kapol urang raong com yến  tinh Dong Thap brei pataom  abih dom urang raong cim yến. Meng nan pambuak bruk ngak mbang mek yến pablei di urang dalam kapol blei veik yaom jien glong hu yau nan raidiuk urang tani tanat.

Thao Cam Vien Sai Gon lac sa dalam dom bein athur suai lavik abih di dunya – bahrau peih harei pahadar 162 thun padang. Ini lac labik daok pandaok di labaih 2.000 anek athur dalam 135 janih athur, dalam nan hu oh takik janih njauk pacang khik chip yau trĩ sao, chà vá, vượn mbaok kanyik, jambangu apui saong jambangu. Majam phun kayau di ini jeng rilo hu 2.500 phun hijao dalam labaih 900 janih. Thao Cam Vien oh lac labik rivang me-in blaoh daok lac sa “sang bac peih” biak praong.

Nhà Trắng birau padang rup thaik di urang negar Italia angan Christopher Columbus dalam mblang taneh labik ini. Ini lac bruk kham merat birau abih di karja Tong thong Donald Trump piah padang veik sajarah dakrai saong ilamo Mỹ. Dalam kadha ong Trump iew Christopher Columbus lac “urang anh hung” akok meti di taneh ia Mỹ saong lac sa dalam dom urang likei naih joi, khang kadang saong thau kuhria atah dhua abaih hu cuah takai mai  taneh Mỹ.

Tui Pathau khan Haniem phol Dunya khan bahrau ini, Phan Lan sa mbang tra dang akaok harak dak labik dang dalam dunya, lac negar haniem phol abih dalam dunya dalam thun ka 9 danak. Costa Rica tagok labik dang ka 4 – tanut glaong abih meng dahlau mai. Thuy Si gilac veik dang ka 10 hadei tuk tabiak truh harak dak labik thun dahlau…Dalam tuk nan, dom negar njauk kan kandah kayua mesuh metak saong srau kadau patui veik daok di kapul luac.

Ban ine London di negar  Anh, tuai damuai meda hu sa mbang nao rivang main dalam labik padang ngak yau biak tui thaik bingu 3 gah piah duah thau Ai Cap meng kan dahlau. Ngan haong  kadha “ Cleopatra: rivang ma-in” hu 9 duk bilik rivang, parang iek ba tuai damuai tame rivang Ai Cập meng kan dahlau, sa drap ar  ngak bhap bini biak takre meng dom pluh thun tapa, piah duah thau raidiuk saong bruk ngak di Anrk kumei patao Cleopatra, patao Pharaoh  luac rai di Ai Cập.