UBND tinh Dong Nai birau hu harak tacei pato duah thau bruk sahaneng di bhap bini ka Danak dak padang ban Dong Nai di Trung uong saong Danak dak padang dom phuong. Tui nan, bruk duah thau hatai sahaneng di bhap bini hu ngak tui bru ba tabiak di Rajaei ka jalan ngak, harak gal padang, ramik labik pagam dom jabat ngak bruk di karja. UBND dom xa, phuong hu peih bruk duah thau hatai caong khin di bhap bini ka bruk padang ban Dong Nai; tui nan kuhria taong abih, pakhan haong So Noi vu.

Peih ngak tui tacei pato di Thu tuong Rajaei ka bruk taong chap ikan hadang suan hukum, oh khan brei thau saong oh tui hukum IUU, meng harei 1/7 anak, taong abih gilai ikan atah meng 24 met tagok di tinh Lam Dong brei ngak tui Mac jamraih Nhat ky taong chap ikan hadang saong Nhat ky blei veik, pajeng ba kaya ikan dien tu. Gam hukum ini, tinh Lam Dong daok peih ngak catang, sumu rilo jalan piah lang talaih gam haong negar lang talaih “pakat the kanjik” IUU, pamong tal bruk cakrok patagok kaya ia khang kajap, ngak bruk.

Tui Pasak Khik iek Jalan radeih pajeng bhap bini TPHCM, tuai damuai pandar metro saong radaih buyt di TPHCM tagok khang meng akaok bilan 3, labaih 340.000 bang sa harei, tagok 35% dut saong bilan 2. Kayua rilo bruk yau anek saih  nao bac, jit vu salih birau saong sarak daong ngak brei bhap bini takre nao mai meng  radaih buyt. Yaom xang menyek  tagok  ba tal bhap bini pandar radaih buyt rilo jang.

Pasak Klauk jru caga ruak VNVC khan lac, dalam sa adit ini, urang mai klaiuk jru pacang caga ruak não mô cầu di jaik 260 Pasak klauk jru  di negar tagok jaik 100% dut saong  dahlau diah. Urang mai klauk jru hu rilo umo thu karei di gauk, meng uraniah sit tal dam dara, urang umo thun taha, urang kumei cara metian anek. Di dom Pasak klauk jru VNVC, urang klauk jru hu bac si iek veik bruk klauk jru saong dut iek prein yawa tani tanat, tacei pato brei klauk jru ginup dom janih vaccin pacang ruak não mô cầu hu khik caga taong abih gah.

Rilo bhap bini di palei Dương Hòa, xã Tân Hòa, tỉnh Đồng Tháp duh hatai anak bruk rilo var raong manuk mebaoh di labik ini bhian mbau bruk, ron sir ngak jhak tal raidiuk saong prein yawa. Bruk njauk caik hatai lac dui atah labaih 5 thun tapa. Bhap bini caong khin karja saong jabat chuc nang bhum palei samar tame ngak bruk, pandar dom labik raong manuk brei ramik hacih  labik daok ka bhap bini.

Mentri Pato megru Ai Cap harei kabroi brei kareik pabah mbang taong abih sang bac dalam negar dalam 2 harei harei 25 saong harei 26/3, piah khik siam mekre salamat ka anek saih jeng yau gru pato, dalam tuk langik oh lagaih. Bruk langik salih karei saong oh tani tanat, rah tabiak di bhum tathik gah Tay Bac Ai Cap, hadei di nan pambak tabiak labik karei. Rilo bhum taneh meda hu hajan praong gam tamrak, hangin khang.

Kapal Vũ trụ Mỹ (NASA) kuhria buh tabiak labaih 20 ti USD padang labik ngak bruk di Ia bulan dalam 7 thun anak tal, salih ka balai quy ndao dahlau diah. Bruk salih dom mac jamraih di danak dak tapa bruk birau taong yaom oh lac mbuan. Dom bruk ramik pasiam danak dak Ia bulan Artemit daok  ramik veik rilo harak pambua bruk praong di Mỹ, dalam tuk Trung Quoc  ba tabiak samar ba manuac tagok Ia bulan di thun 2030.

Bhum Dong Nam A daok dang anak langik pandiak jang saong thu lagu jang. Dom urang ilamo kakei bruk ngak tabiak “ Sieu El Nino”, ngak pandiak bhang, tua riya saong ngak trak tal kaya mbang. Dom negar ngak tabiak rilo yau Thai Lan, Viet Nam saong Indonesia meda dang anak bilan mek tame khat lahik jang ngan haong dom janih phun pala yau padai, tabau saong menyek cọ, meda jhul yaom padai brah tagok glong./.