Ngak tui bruk tacei ba di Thu tuong Rajaei, tal ini, tinh Dong Thap peih bruk alin jien Tet Doc lap hu yaom 100.000 dong sa urang ka labaih 4,2 trieu rahra, taong abih paok jien tagok tal 424 ty dong. Rahra taduan hu jien alin di Rajaei biak chreih chrai anak bruk sangka di Ndang saong Karja dalam bingun raya di taneh ia. Bruk buh jien tabiak, alin jien hu ngak njauk adat lac payua jien tapa tai khoan An sinh xa hoi di angaok ung dung VneID saong brei ka po sang taduan ka taong abih urang dalam sang.

Hadei sa tukvak laik yaom lap, baoh durian di bhum ĐBSCL daok tagok gilac veik. Durian Ri6 dahlau diah labaih 30 ribau dong sa kilo tagok jaik 50 ribau dong sa kilo janih baoh praong siam abih. Baoh durian Monthong dahlau diah yaom ala 60 ribau dong sa kilo, urak ini jaik 90 ribau dong. Yaom ini, yaok kilo durian laba labaih meng 10 tal 30 ribau dong  tui baoh praong atau sit. Taneh pala durian di Bhum taneran kraong Cuu Long peih praong labaih 40.000 ha, pataom tame pala rilo di tinh Đồng Tháp, Vĩnh Long saong Ban Cần Thơ.

Piah khik kajap bruk pabak ka darak pasar, Kongti Co phan tapuk saong Ndap nda kaya dalam sang bac Dak Lak hu blei mai labaih 4 trieu mbaok tapuk (samu 45 ty dong), labaih 1 trieu blah tapuk siphau (jaik 4 ty dong) saong labaih 25 ty dong ndap nda karei duh ka bruk bac megru. Njauk caik hatai sangka, thun ini dom ndap nda duh ka thun bac bahrau hu ngak meng dalam taneh ia meblah 70-80%. Dom angan je Viet hu salih bahrau siam gheih ka thaik thaot, asar siam, yaom kaom lagaih, hu amaik ame je tame pilih ruah.

Thuong ta Nguyễn Ngọc Nam, Phaok akaok Jabat Cảnh sát jalan mbak, Kong an TP.HCM khan lac, ban raya hu 125.000 anek saih pakacah mek harak peih radaih hu gam blaoh min oh ka brei harak peih radaih. Dalam tuk jao veik harak gar ka kong an bhum phuong xa ngak bruk, kayua salih jamraih mac moc yau nan ye oh ka sumu pabak phoi piah mbat in tabiak saong brei ka dom urang hu pakacah hu gam blaoh. Yau nan min, canh sat jalan mbak hu ba tame taong abih du lieu gam tame harak peih radaih ka urang hu pakacah blaoh tame VneID.

Kong an Ban raya Can Tho hu pathau khan, di hadah page harei 02/9, dalam luac jalan pasang iek khik kajap ka an ninh siam mekre dalam labik, binh nhì Tăng Minh Phú, bol lin Kapul Canh sat co dong, Jabat canh sat co dong Kong an Ban raya Can Tho hu duan sa kadung hu 40 trieu dong jien mbaok, gam haong dom janih harak gar hu makna karei hu angan Huỳnh Khánh Huy (SN 2000), daok di xa Phong Điền, Ban raya Cần Thơ. Hadei nan, Kong an Ban raya Can Tho hu ngak tantu saong bayar taong abih jien ka sa-ai Huỳnh Khánh Huy.

Akok Hạ viện Thái Lan Wan Muhamad Noor Matha melam blaoh khan lac, Ha vien Thai Lan peih bruk buh phieu palih ruah Thu tuong birau di harei paguh -harei 5 bilan 9. Bruk buh phieu rah tabiak dalam tuk chinh tri Thai Lan daok yam tame jaman birau, hadei Toa an Hukum harei 29/8 ba tabiak harak brei amuk Paetongtarn Shinawatra padeih ngak Thu tuong kayua ngak suan dom jalan diukrai.

Dalam kadha ndom meyai di angaok pahar binguk negar Nga hadei mbang nao ngak bruk di Bac Kinh, Yam ndok Kapul nang luong Nguyen tu Negar Kien bang Nga (Rosatom), ong Alexei Likhachev brei thau Nga hu daong Trung Quoc truh tapa My piah jeng sa negar ngak tabiak ndien hat nhan praong abih dalam dunya. Trung Quoc daok kacah yaok pluh lò phản ứng hu kong suat lò phản ứng ndien hat nhan daok hu ngak lac 53,2 GW.

Indonesia brei adat ka tuai damuai tame taneh ia ini brei khan khaw tin taka so, tapa ung All Indonesia pambuak haong he thong bruk tame tabiak negar. Jalan ngan nan peih tabiak pambak praong dalam negar, di taong abih dom pabahmbang negar meng harei 1 bilan 10 anak tal. Ung dung brei urang ngak harak gar tame negar, jien je hai quan, y te saong dut iek jit ruak dalam sa brah ba-ar haong gauk. Tuai damuai meda ngak harak gar dahlau tuk nao 3 harei./.