So Pato Megru tinh Dong Thap hu ba tabiak brei thau hatai caong di yaok sang bac, ba tabiak jalan buh jien tame padang 14 sang bac tieu doc saong trung hoc co so di dom xa tapen negar taneh riya. Bruk buh jien tame padang dom sang bac di labik tapen negar piah dak harei dak salah blaoh co so vat chat pato megru, paglaong bruk pato saong bac, brei kein lagaih ka anek saih bangsa takik, bhum atah bayah hu bac megru dalam labaik siam jang, daong khik kajap bruk daok dang mbang ngui saong khik karo kajap quoc phong, an ninh bhum tapen negar. Tinh Dong Thap hu labaih 50km jalan tapen negar, taphia Campuchia; hu 6 xa tapen negar, hu 28.000 baoh sang rahra.

Taong abih 124/124 xa, phuong, ndak khu di tỉnh Lâm Đồng ngak salah blaoh bruk peih ngak Nyaom Roya urang lambaok Ndang mbo mbang ka I vaktu 2025-2030. Tui taong yaom di Ban Tuyên giáo saong Dân vận Tỉnh uỷ Lâm Đồng, jaik abih harak pathau khan chính trị ba tagok nyaom roya di dom puk palei jeng ndom tagok hu dom baoh jeng siam mekre mek hu dalam 5 thun tapa, dom baoh siam, baoh jeng, dom kadha oh ka siam, dom bruk oh ka jeng saong makna di nyu. Yaom roya hu rah tabiak dalam siam mekre, thei thei jeng abih hatung hatai, ngak jeng kadha biak bui sambai, pakacah gauk, ngak jeng pren khang pambak prong dalam taong abih Ndang mbo xa, phuong, ndak khu. (VOV) 

UB Bhap bini Ban raya Ho Chi Minh bahrau hu mbaoh tangin ka bruk pasiam Kapul Ngak bruk pasang duah, taoh talaih kan kandah ka dom danak dak, labik taneh dalam bhum. Ong Nuyễn Văn Được, Akaok UB Bhap bini Ban raya Ho Chi Minh patui veik ngak Akaok Kapul ngak bruk pasang duah, taoh talaih kan kandah ka dom danak dak daok kandaong, padeih ngak, samar drah peih ngak, salah blaoh saong ba tame pandar piah pacang cakak bruk palai lahik.

Hadei di labaih 3 thun peih ngak, tatua Rạch Miễu 2 mek tapa kraong Tiền hu ngak baloh 99% bruk ngak, kuhria thong radaih dahlau di tuk Harei Negar 2.9. Baoh tatua atah labaih 17 km, labik pambuak pagam meng di huyen Châu Thành, Tiền Giang – urak ini lac tinh Đồng Tháp saong tamat di TP. Bến Tre (urak ini lac tinh Vĩnh Long). Tatua Rạch Miễu 2 ngak brei pasiam veik bruk nao mai ka tatua Rạch Miễu, taphia di nan daok pachreih palaghaih ngak brei cak rok patagok bruk ngak kong, bruk ngak nong saong rivang ma-in di bhum Taneran kraong cuu long (ĐBSCL). (Thanh niên) 

Yaom durian di rilo tinh Meraong saong Tay Nguyen tagok 3.000 – 5.000 dong/kg meng bruk siam lagaih di darak pasar Trung Quoc saong kein lagaih tame mbang paih baoh. Yaom lac tanut yaom urak ini oh ka gilac mai tanut tukvak ini 2 thun dahlau min rilo gah ngak mbang pablei salih ndom lac yaom durian meda hu siam tagok dalam tukvak anak tal. Abih di nyu nan lac, bahrau ini, gah Trung Quoc hu dom taong yaom siam jang haong dom bhum pala durian di Viet Nam hadei mbang pasang iek tapak.

Karja bol lin Myanmar brei thau ka bruk padeih tình trạng samar drah pakat negar dui atah labaih 4 thun tapa, piah jhul khang bruk kuhria caga ka mbang palih ruah prong kuhria meda rah tabiak di bilan 12 anak tal. Yau nan min, urak ini karja Myanmar jeng oh ka brei thau cambaih laih harei peih ngak bruk palih ruah prong. (TTXVN)

Thun 2024, Trung Quoc hu labaih 6 trieu yut yau tut angan khin tok gauk, trun labaih 20% dut haong tukvak ini thun dahlau, tanut trun dalam abih kuhria meng thun 1980. Jeng dalam thun blaoh, Trung Quoc hu labaih 3,5 trieu yut yau salah blaoh bruk oh daok ngak diuk pasang di gauk. Tui dom urang roh duah gah urang menuac Trung Quoc lac makna ngak bruk tut angan khin tok gauk di negar ini trun, dalam nan hu dom urang likei tal umo khin took kamei diuk rilo jang dut haong urang kamei; yaom sang di ban saong jien bayar ka adat lakhah di palei pala glaong; kateik geik di bruk ngak glaong; bruk sahaneng ka bruk tok diuk tok pasang di urang dam dara hu salih haong bruk urang kamei dak harei dak oh khin tok pasang.

Rilo urang ngak ameh di Ấn Độ daok huac kanda ka sarak taong mek jien je 25% di Mỹ ngan haong pandap panda blei tame meng negar ini. Jien je bahrau hu brei thau lac meda ngak kan kandah prong ka bruk pablei tabiak negar langiu, ngak ka darak pasar triak damak saong daok ba cuang kandah tal rai diuk di yaok triệu urang ngak ameh meng tangin. Ấn Độ nan lac pasak cakak kim cuong prong abih di dunya, peih ngak 90% kim cuong di dunya. Mỹ nan lac darak pasar blei tame prong, meblah jaik 10 tỷ đôla Mỹ dalam taong abih yaom jien mek tame mai meng bruk pablei tabiak patau hu yaom glaong saong ameh pariak di Ấn Độ. (VOV)