UBND tinh Gia Lai daok pataom tame tacei pato padang ngak dom sang bac gam bac gam daok, daok huak jala pandiak di 7 xã bhum gah Pei negar, pabak tui bruk bac da-a, labik mein, ndih daok  ka labaih 7000 anek saih, ralo lac anek saih bangsa takik. Thun ini, tinh Gia Lai pataom tame ngak pasiam veik dua sang bac bangsa gam bac gam daok pakat Tieu hoc saong THCS  xã Ia Púch saong xã Ia Mơ. Ini lac bhum palei hu 75% anek saih lac anek urang bangsa takik, rilo kamuan nao bac atah meng 8 tal 20 km jalan. Tui kuhria mboh dahlau, jien buh tame ngak labaih 100 ti dong.

HĐ bhap bini tinh An Giang birau brei tapa sarak daong jien ka urang jakar, kong chuc, vien chuc. Tui nan, urang kong chuc, vien chuc ngak bruk di ndac khu hu daong 30% jien bilan yau urak ini; urang ngak bruk di puk palei hu daong 70% jien daong phu cap yaok bilan; urang ngak bruk oh chuyen trach pakat xa; urang jakar akaok palei; urang ngak bruk di Kapol khik brei salamat, trat tu hu daong 80% jien phu cap yaok bilan.  Ta-eng urang jakar, urang vien chuc ngak praong di xã hu daong 25% jien bilan yau urak ini.

Ong Nguyễn Thành Lâm, Pho Yam ndoc Jabat meyao meyit Gilang pariak sarak karja Đắk Mil, tỉnh Đắk Lắk khan lac: Gilang pariak brei padang bruk ngak ka lagaih hadei pagam xa, phuong, tinh tui jalan karja palei dua pakat. Jabat meyao meyit Gilang pariak sarak karja daok ngak bruk di 11 labik di 4 xã hadei pagam tame. Dom  mbang meyao meyit hu peih ngak di dom harei dalam bilan yau dahlau diah, daong mikva urang bangsa takik nao atah, patak pataom jien padai.

Jaik 1 bilan ini, Kapol Sat hach, brei salih harak gal peih radaih di Jabat Cảnh sát Jalan mbak (PC08) – Kong an TPHCM samar peih tal pakacah peih radaih dalam harei gam melam, piah langyah labaih 60.000 ho so daok khik. Yaok harei Jabat PC08 peih 9 mbang pakacah  hu 6.000 urang pakacah di dom Pasak. Bruk pakacah mek harak peih radaih brei gam gam meng 7 tuk meteh tal 21 tuk yaok harei, gam harei pauc adit. PC08 mboh lac ngak bruk langiu 8 mon karja, min bruk pakacah brei ngak njauk tui hukum ba tabiak.

Akok UBND tinh Dong Nai birau mboh harak ka danak dak buh jien tame padang ngak tatua Mã Đà. Ini lac tatua pambuak dua tinh dahlau tuk pagam lac Đồng Nai saong Bình Phước, di xã Tân Lợi saong xã Trị An. Kuhria abih tih jien buh tame ngak labaih 133 ti dong meng kadung jien karja tinh. Tatua Mã Đà rik tame brei pambuak dom bhum tinh Tay Nguyen tal Mblang kapal ahaok dunya Long Thanh saong pabah tasik Cái Mép - Thị Vải, jhul pakhang bruk cakrok patagok kinh te- xa hoi dom bhum palei.

Tui kuhria quan trac kayua Jabat kuhria iek langik tasik Nhat Ban khan lac, dom mabng riyak tasik sóng thần kayua megei baoh taneh khang 8,8 do richte rah tabiak page ini di langiu tasik Kaoh pulao Kamchatka di Nga tame Nhat Ban. Rayo Quan trac kuhria iek langik tasik di bhum tasik Nhat Ban mboh lac, meng mon 10 tuk 50 minit page ini, riyak song than akaok meti tame bhum taneh praong di Nhat Ban. Hu tal 15 bhum palei Nhat Ban riyak glong 40cm. 

Hang kapal haok negar Nga Aeroflot dom kapol haker taong tame mang khang ba tal labaih 50 mbang kapal ahaok pal brei padeih di mblang kapal haok Moscow. Dua nyaom hacker Silent Crow saong Kiberpartizany BY khan lac hu ngak bruk nan saong peih ngak sa “chien dich dui atah, pambak praong”. Labaih 7.000 mac oh daok ngak bruk hu saong labaih 20 Terabai du lieu noi bo njauk kol nyu tavak mek. Bruk nan ba tal co phieu Aeroflot trun yaom labaih 4% dalam harei.

Sa nyaom urang ilamo Trung Quoc saong Singapora birau ngak hu tabiak sa  janih vaccine ung thu hu pandar kong nghe nano, tapa nan mboh hu siam pacang hu bruk tamuh veik jit ruak saong pambak tabiak. Karei jang rilo janih jru pacang te bao ung thu bhian, vaccine ini daok taong tame dom te bao ung thu “ndih kandau” dalam rup hadei jru ruak blaoh tagok, ngak ruak veik./.