Nyaom Roya dom bangsa takik mbang IV thun 2024 di tỉnh  Tây Ninh hu peih ngak birau ini hu ba tabiak bruk kham tal thun 2029 nan lac: Patrun baoh sang kathaot dalam bhum urang bangsa takik mek hu tanut chuan palei pala birau; taong abih  xã, puk palei bhum urang bangsa diukrai hu ginup ha tang jalan mbak nao mai mbuan lagaih, sang bac, balai  iek ruak, sang danaok laneng lanoi… piah cak rok patagok kinh te - xa hoi jeng yau  raidiuk  di bhap bini. Urang bangsa takik umo thun ngak bruk hu bac bruk ngak labaih 50%. Tỉnh  kham merat labaih 95% dom urang jakar, urang jakar pakat xã  lac urang bangsa takik hu ilamo trung cap tagok.

Soc Trang hu jaik 400.000 urang bangsa Khmer, mablah jaik 31% bhap bini dalam tinh. Di danak pakat nagar patagok kinh te - xa hoi bhum mikva bangsa takik saong bhum ceik, Soc Trang hu taduan mbang tui 9 Danak dak. Dom danak dak hu ngak blaoh saong daok marat hatai peih ngak, jhul catang bruk buh jien tame piah patagok kinh te, xa hoi bhum mikva bangsa takik. Pasang tui yaok bhum palei nan, tacei jalan piah pilih ruah peih ngak piah hu lagaih, dalam nan bruk raong limo binai njauk brei ngak dahlau abih. Jalan ngak ni takik khat lahik, rik daong ralo tame bruk patruh iek pattrun kathaot ka  rahra. Lingiu di nan, danak dak daok daong ralo bruk yau ia pandar, daong anak athun piah raong…

Urak ini, dom doanh nghiep pablei salih di tỉnh Cà Mau ba tabiak jalan piah caga pandap kuhria tui jien labaih 1.380 tỷ đồng piah pabak ka darak pasar Tet Nguyen dan Ula Naih 2025. Dom nyaom pandap piah caga  hu ralo janih, ralo pandap di Viet Nam. Sở Kong thuong tỉnh Cà Mau kuhria mboh, darak pasar pandap Tet  Ula Naih 2025 khik yaom tani tanat, oh trun tagok ralo dut haong bhian harei, bruk caong khin blei tuk Tet tagok labaih 10% dut haong bhian harei.

Hadei 7 bilan taduan hu ilamo pagam than meng di dom urang ilimo Sang iek ruak Cho Ray, tal ni Sang iek ruak Da khoa Trung uong Can Tho hu 5 mbang pagam than ka urang hu siam ruak, dalam nan 3 urang lac gauk gar, 2 urang oh njauk gauk gar, urakni urang ruak hu khang kadang hadei di tuk pagam than. Dom mbang urang hu pagam than hu siam ruak ba mai ka ka urang nan saong baoh sang hu hanim phol. Siam ralo abih, tuk ky thuat pagam than peih ngak hu jak jeng siam mekre di bhum Taneran kraong Cuu Long nan daong ka urang ruak lagaih jang takik abih jien padai jang yau bruk iek ruak.

Tui pasak Kuhria iek langik tasik pakat Negar, meng harei ini tal harei 17/12, di labik tapen tasik Dong Nam Bo meda hu ia ndik. Ia ndik tagok glong abih di Balai Vũng Tàu di harei 15/12 tagok tal labaih 4 met; brei pacang caga bruk ia dauk labik biar dhaong, tapen kraong saong bhum langiu ar pacang labik tapen tasik gah Dong Nam Bo. Langiu di nan, meng bilan 12 thun 2024 mbiah tal bilan 2 thun 2025, bhum tapen tasik Dong Nam Bo hu 4 mbang ia ndik. Dom urang ilamo gah langik tasik kakei lac, ia ndik meda ngak suai tathuak ia di dom kraong gah Dong Nam Bo. Dom labik biar dhong, tapen tasik, tapen kraong, langiu ar pacang gah Dong Nam Bo meda ngak dauk ia tuk page saong biar harei pandiak.

Chinh tri srau dau dak harei dak trak damak hadei di tuk tong thong Han Quoc tabiak thiet quan luat ngak kan kandah ka bruk jirah rivang di nagar ni. Meng dom aduk bilik blaic raih ngak mekre tal dom kaong ti yulit haong dom sang padeih padei pak Han Quoc jeng daok susah hatai kayua kanjah jhak mai meng bruk chinh tri swau kadau, tuai damuai ia lingiu klak abih bruk jirah rivang hadei di thiet quan luat katut harei meng adit dahlau. Thi truong Seoul Oh Se-hoon brei caik hatai nan dak harei dak ralo tuai damuai ia lingiu oh khin mai jirah rivang Seoul haong suak katut veik harei padeih padei.

Di Syri, yaok trieu urang klak negar nao hu gilac veik mai palei negar drei tuk mboh taneh ia dak harei dak sron mbon gilac veik. Di pabah mbang negar di gah Meraong Thổ Nhĩ Kỳ, dom urang Syri dui dak gauk atah daok cang piah hu mai veik palei negar drei dalam hatai caong khin hu raidiuk siam mekre  jang hadei sa pluh thun mesruh metak. Tui Cao ủy Lien hop quoc ka urang klak palei nao, urak ini hu labaih 4 trieu urang Syri hu tut angan  di dom taneh ia dalam bhum, dalam nan ralo daok dalam labik brei ka urang ti nan. Thu tuong Rajaei taduan veik Syri sanya lac brei khik taong abih rahra saong papak dom jitvu njauk brei hu.

Jabat Kuhria iek lingik tasik negar Anh bahrau brei thau, thun 2025 mbuan laik tame Kapul 3 thun pandiak abih di baoh taneh. Kuhria ni ngak susah hatai di bruk lingik alam dak harei dak salih kanjak jhak. Tui kuhria, pandiak rah tapa di baoh taneh thun 2025 nan tagok labaih meng 1,29 tal 1,53 do C dut haong dahlau di tuk kong nghiep hoa. Dom urang ilimo khoa hoc lang yah ka bruk ngak nan lac baoh taneh pandiak yau ni kayua tasuak thak nerak tagok glaong meng di sang kareih camin, ralo abih nan bruh manuac sia cuh manyek hoa thach./.