Uan Tet bhap bini Chôl Chnam Thmây thun ini, rahra bangsa Khmer di tinh Tra Vinh hu padei dalam 3 harei 14, 15, 16/4 anak tal. Akaok UB Bhap bini tinh Tra Vinh pandar So Bangsa saong Agama dang ngak, pambuak haong dom so, nganh hu pambuak saong UB Bhap bini dom huyen, ban sit, ban peih ngak siam bruk taom mbaok, tangi ravang, alin hadiah pandap kaya ka baoh sang mbang tui sarak, dom sang baha Bhat yao Nam tông Khmer dalam tinh khik kajap karo salamat saong patak pataom. Dom so, nganh peih ngak siam dom bruk ilamo, padhih, sangka prein yava ka rahra saong khik ramik an ninh siam mekre dalam bingun Tet bhap bini Chôl Chnam Thmây.

Meng akok thun mbiah tal ini, Labik khik ramik Ilamo bangsa S’tieng bhum soc Bom Bo, huyện Bù Đăng, tỉnh Bình Phước pachreih yaok ribau mbang tuai damuai dalam saong langiu tinh. Labik Khik ramik Ilamo bangsa S’tieng hu ramik caga biak tani tanat piah duh ka tuai damuai yau dom kadha ma-in di bhap bini, ma-in rabap patau, kong chieng…Tukvak anak tal, don vi patui bruk peih ngak dom bruk ilamo ndung bak ilamo di bangsa  S’tieng saong dom bangsa adei sa-ai daok di labik ini piah yaih khan tal tuai damuai.

Ngan haong rahra bangsa takik daok di tinh Kon Tum, sang rông hu maong lac “binguk yava” di palei, lac labik pataom dom siam gheih di ilamo bhap bini saong hu bhap bini bangsa takik khik ramik, patagok. Dom harei ini, mikva bangsa Xơ Đăng daok di palei Măng Rương, xa Văn Lem, huyen Đăk Tô hu gul pataom sa hatai, jum tangin, rik prein pasiam veik sang rông bhap bini, piah pabak hatai caong ngak bruk bhap bini di bol bhap rahra. Sang rông palei Măng Rương praong 8m, atah 13m, glaong 13m, lac labik pataom, daok dang saong peih ngak adat bhap bini di bangsa Xơ Đăng.

Danak dak “Taom gaok pambuak bruk ngak mbang pablei salih di dom doanh nghiep yulit Binh Thuan saong Hàn Quốc” birau peih ngak di Ban Phan Thiết, tinh Bình Thuận. Dalam Danak dak, tinh Binh Thuan yaih khan bruk kein lagaih gah jirah rivang yulit saong sanya pataom tame bruk ngak brei hu rilo bruk jirah ma-in birau, takre, lagaih haong bruk caong takre di tuai damuai Han Quoc. Kapol Famtrip Han Quoc hu mbaok tame dom pandap yulit biak gheih yau: labik mblang taong golf, Sang lau Alak vang, inem krung Sang bac Dục Thanh, inem krung bimon Pô Sah Inư  saong mbang yaom dom kaya bingi…

Harei pataom Aring Ca Mau mbang ka 2 kuhria peih ngak gam haong rilo danak dak adaoh tamia, pahat padhih dalam puac thun ini. Bruk dui pachreih di danak dak ini lac bruk parang dom pandap ka Aring Ca Mau, pambuak yaih khan dom pandap OCOP karei di tinh. Harei raya brei hu rilo urang dang akaok ging danei angan pataom mai di ini piah parang iek, ngak dom pandap mbang meng aring, ngak jeng labik hu rilo pandap mbang. Harei raya Aring Ca Mau thun ini lac bruk daok dalam Danak dak “Ca Mau – Labik Jirah di 2025” saong rilo danak dak karei piah dui pachreih tuai damuai yulit.

Tauk khan bai meriak bhong Hollywood, Mỹ birau ini gom truac hadah tanyiak  dom urang hu ngan je rilo urang thau tal di gah daoh tamia  pataom mai pakacah Yai thuong alat ragam ragu iHeartradio. Dom nghe si lavik thun yau Mariah Carey, Lady Gaga saong rapper Nelly hu pok meyaom alin yai. Bruk biak chreih sambai  vin taom dar Sang daoh Dolby pak di Hollywood, Mỹ tuk hu dom kapol urang daoh kadha rock Linkin Park, Green Day saong Tiesto hu parang iek di sa labik dalam dom melam daoh tamia praong abih di dunya. Yai thuong alat ragam ragu iHeartradio yaok thun piah meyaom dom nghe si saong kadha daoh hu peih rilo abih di riyak radio.

Harei raya Fallas lac sa dalam dom danak dak ilamo siam gheih abih di Tay Ban Nha, dui pachreih tuai damuai meng grauk labik dalam dunya. Harei raya ini danei angan haong dom mbang dieu hanh, mbang cuh phao bangu, me-in ragu ragam haong ragam tamia bhap bini, ngak jeng sa bruk bui sambai chreih chrai grauk di ban Valencia. Pasak dalam harei adat lac dom rup patau “ninots" praong hu ngak gheih ghang meng phun kayau, ngak ka ban Valencia jeng sa gilang khik drap ar langiu mblang langik.

Sa janih jru ruak ung thu phoi birau angan Ivonescimab, kayua sa kong ti Trung Quoc ngak tabiak, ngak brei manuac sia caik hatai sangka tal gah kong nghe sinh hoc di dunya saong dui katut panak jiak sumu dom kong ti ngak tabiak jru dang akok. Tien si Michelle Xia, Chu tich gam hoang Yam ndoc  ngak bruk di kong ti ngak tabiak jru biak hadah mbaok meti khan lac: Dalam sa bruk ngak iek dalam 3 bruk roh duah, janih jru ini hu tapa mbaok Keytruda lac janih jru dang akok di urak ini dalam bruk taong jru ruak ung thu./.