Di var pataom mbaok, meyaom urang naih gheih, patagok bruk ngak di urang hu ngan je di bhum urang bangsa takik di tinh Vinh Long, Pho Akok UBND tinh Vinh Long Đặng Văn Chính caong khin urang hu agan je  njauk brei patagok bruk ngak brei urang bac megru tui, pakhang  bruk pathau khan, jak ba, lac urang yau kareih camin dalam bruk padang papraong jum pataom taong abih bangsa, patui veik ngak brei pahadah bruk ngak mbang pala drak, khik caga an ninh, salamat, khik ramik ilamo bangsa takik. Dalam tinh urak ni hu 46 urang hu ngan je dalam bhap bini bangsa takik lac bruk pakhang jum pataom taong abih bangsa. 

Mban Bangsa tinh Binh Phuoc pambuak haong Hoc vien Chinh tri Negar HCM birau peih tal pata pabak ilamo bangsa ka 320 urang. Tal bac piah paglong  ilamo bangsa takik, sarak bangsa saong sap ndem ka urang jakar, kong chuc,  vien chuc ngak bruk bangsa. Meng nan rik tame ngak siam bruk pathau khan, jak ba urang bangsa takik  ngak mbang patagok kinh te – xa hoi tui jalan tacei ba di Ndang saong Karja, papraong bruk  jum pataom bangsa.

Tinh Ben Tre hu 10 Kalup kapol “ Urang ngak nong jien ty” kayua Kapol urang ngak nong tinh padang tabiak. Piah daong gauk patagok kinh te, yaok Kalup kapol hu padang ngak dom bruk piah pambak praong yau:  bruk pala durien, bruk raong hadang kong nghe glong hu hlang ia meng Chlorin Gas ba mai kein laba gling, bruk pala la-u hacih sa-at…Ini lac bruk ngak siam hu laba glong, jalan ngak mbang birau, piah daong urang nong di kapol bac megru ngak tui.

Rayo Dut iek langik tasik tinh Hau Giang khan lac, kayua halau ia di kraong Mekong tuh mai Bhum taneran kraong Cuu Long dalam dom bilan pandiak thun 2025 biar jang rilo thun meng 5 tal 12% yau nan ye kuhria mboh ia mbak njom tame bhum taneh ini glong jang yaok thun. Dom bhum palei gaok kan kandah lac huyen Châu Thành, ban Ngã Bảy saong huyen Phụng Hiệp. Langiu di nan, bruk pabak ia meng kraong Hậu ka bhum taneh ini dalam bilan pandiak thun 2025 kurang meng 5 tal 15%.

UBND xã Lương An Trà saong xa Ô Lâm huyen Tri Tôn, tinh An Giang pambuak bruk brei ba tatua Ninh Phước tame pandar, kuhria tui jien labaih 2,2 ty dong. Tatua ini hu batame pandar  ngak brei patagok kinh te - xa hoi. Ong Cao Quang Liêm, Bi thu Huyen uy Tri Tôn caong khin tukvak anak tal hu rilo urang sang ka daong bruk bac da- a ka uranaih bangsa Khmer di bhum ini.

Thuong vien Mỹ brei buh phieu khan tapa hukum gilang pariak  caga taneh ia yaom 895 ty USD brei ka Lầu Năm Góc. Jien padai thun 2025 brei patagok bruk ngak bol lin yaok thun di Mỹ tagok 895 ty USD, nan lac dom bruk blei  gilai kapal , haok saong phao ndao, gam haong bruk karei piah caga Trung Quốc haong Nga. Langiu di nan daok paglong raidiuk ka bol lin Mỹ.

Mentri Y te Cong hoa Dan chu Congo brei mboh ruak oh bhian mboh  daok di bhum Panzi di taneh ia ini lac ruak la-ar daom trak. Dahlau di nan, kuhria meng harei 24/10 tal harei 5/12, taneh ia ini hu 406 mbang urang ruak  oh thau cambaic laic, tok mboh pandiak, pandik akok, patuh, ba-har saong pandik rup saih. Tui kuhria  ruak nan ngak metai 143 urang dalam bilan 11.

Rilo đơn vị di An Do ngak tabiak rilo janih jru hu prein khang pacang caga anek ruak pacang jru khang sinh. Ấn Độ lac sa dalam dom taneh ia gaok khat lahik trak kayua anek ruak pacang jru khang sinh. Kuhria dalam thun 2019, njom ruak kayua khang sinh  ngak metai 300.000 urang metai. Yau nan min, sa janih jru birau rilo caong khin siam mekre kayua An Do patagok  pacang hu jit ruak.