Meng harei kabroi mbiah tal harei 21/12, radaih ndien jalan metro 1 (Bến Thành – Suối Tiên) hu peih nduac iek mbang puac abih dahlau peih nduac biak, kuhria meng harei 22 bilan 12 thun 2024. Meda hu 200 mbang peih pajeng tuai yaok harei dalam tukvak ini. HĐND TPHCM mbang X hu brei tapa Sarak daong taong abih harak ve ka tuai damuai pandar  radaih pajeng tuai công cộng meng radaih ndien dalam sa bilan. Daong taong abih  jien ve ka tuai damuai  ndik dom radaik buyt  nao mai metro ka 1.

Hadei 3 thun peih ngak danak dak “ Padang bruk pala phun mbang baoh tui jalan VietGAP piah patagok pandap tamo gam blei veik pandap ngak tabiak di dom tỉnh Tay Nguyen meng thun 2022 tal thun 2024” hu 180 hecta  taneh pala phun durian, bơ, mit saong 40 hecta  pala phun chanh leo, ngan haong 241 baoh sang bhap bini tame; hu peih 13 tal bac  pasram peih praong taneh pala tui ka 390 urang. Danak dak hu daong  ka bhap bini pala phun kayau brei rilo baoh labaih 10%, ngak tabiak pandap tui tanut chuan pablei dalam negar saong pablei tabiak negar langiu.

Thun 2024, tỉnh Sóc Trăng trum labaih 4 ribau baoh sang kathaot saong trun jaik 4 ribau 600 baoh sang jaik kathaot. Kuhria rah tapa baoh sang kathaot trun thun 2024 di tỉnh lac 1%, dalam nan, baoh sang urang bangsa Khmer  kathaot lac 2%. Thau lac duah hu bruk ngak lac makna praong dalam bruk cakrok patagok kinh te – xa hoi, paglong urang hu ilamo bruk ngak, patrun raidiuk di bhap bini, tỉnh Sóc Trăng jhul khang bruk pato pakai bruk ngak, tacei pato, duah bruk ngak ka bhap bini.

Bruk ngak lan di urang Mnông xã Yang Tao, huyện Lắk, tỉnh Đắk Lắk birau hu Mentri Ilamo, Padhih saong Dilich taduan angan lac Drap ar ilamo phi vật thể pakat negar.  Tapa dom bruk kan kandah, mbiah tal ini urang bangsa Mnông xã Yang Tao daok khik hu bruk ngak lan meng tangin di mukkei. Bhap bini Mnông  ngak lan tui ilamo siam gheih di drei. Lan hu ngak meng gluh lan oh meluh hagait, ngak meng tangin, mbeik bingula meng gai la-ar kreim cih tagok mbeik thaik riyak, dom padap lan am meng njuh langiu langik, ngak tagok sambo mau meng kam.

Thun ini, gah yulit tỉnh Tiền Giang daok sangka, brei buh jien tame ngak saong ba mai rilo jak jeng saim mekre. Mbiah tal bilan 12 ini, tỉnh taduan raok labaih 1 trieu 650 ribau mbang tuai damuai, tagok jaik 18% dut saong tukvak ini thun dahlau. Abih di nyu nan lac adit akok  bilan 12 ini, tỉnh taduan raok 1.000 tuai damuai mai meng  Ấn Độ rivang ma-in dom labik sinh thai kraong Tiền. Tỉnh Tiền Giang patui bruk peih ngak yulit  “ Labik ngak yulit saong ngak dom pandap bingi karei oh labik halei hu di tỉnh Tiền Giang”; pataom tame patagok yulit pambuak haong dom drap ar ilamo, sajarah,  bruk peih ngak adat cambat saong ba tame pandar dom ilamo, nghe thuat, dom urang danei angan, yulit tasik Gò Công.

Tổng thống Mỹ birau hu palih pok ngak veik lac ong Donald Trump hu harak tap chi  Times di Mỹ palih ngak ngak Manuac siam di thun 2024, angan nan piah brei mboh bruk gilac veik ngak chinh tri biak praong di ong Trump jeng yau ong yam paklak hu bruk khin pametai  saong dom bruk ndem puac lac ngak suan hukum.  Tap chi Times cihvak lac “ Kayua ngak brei talauk veik dalam sajarah dakrai, kayua hu ngak brei jhul pakhang ramik veik gah chinh tri oh ka bhian mboh, padang veik tani tanat rai tổng thống Mỹ saong brei mboh bruk salih karei di Mỹ di dunya, Donald Trump hu harak Times palih ruah ngak Manuac di Thun 2024.”

Dom jabat chuc nang Campuchia brei peih ngak dom bruk chap mek dom urang pambuak tal bruk nan saong kareik pabah mbang dom labik peih bruk ma-in mbia suan hukum tui ralo jalan. Meng akaok thun mbiah tal ini, jabat chuc nang Campuchia hu peih ngak labaih 900 mbang chap mek dom labik ma-in mbia suan hukum, dalam nan hu labaih 400 mbang ba tabiak langyah, daok veik hu langyah  saong pato padar ngak siam veik, juai ngak suan gilac.

Jaik 2.000 lin padam apui khuah daok ngak bruk padam apui khauh di bang California, Mỹ kuhria meng apui khuah di harei akaok adit. Apui khuah mbang labaih 1.620 ha taneh, ngak tayak 9 baoh saong glong rilo tal saong njauk panduan ba samar labaih 20.000 bhap bini  nao labik karei. Cục Langik tasik  Taneh ia Mỹ  hu patabiak harak bhong meriak kayua hangin khang saong thu lagu ngak apui khuah pambak praong. Yaom lac, hangin hu cadu trun dalam dom harei anak tal, min langik tasik  pandiak ngak kan kandah biak ralo ka bruk padam apui.