Hoi ndong bhap bini TPHCM mbang X hu yer tangin brei tapa hukum sarak ka bruk meyaom, daong tui kapol nyaom, urang ngak siam bruk dan so di Ban raya. Njauk ndem tal bruk meyah urang kumei ndih tapui ginup 2 urang anek  dahlau umo 35 thun ye hu daong 3 trieu dong. Piah pacang bruk likei kumei oh sumu gauk tuk ndik tapui, Akok UB bhap bini  pakat huyen  hu alin brei harak meyaom gam daong 1 trieu dong ngan haong xã hu taong abih palei hu asar kadha pacang bruk likei kumei oh sumu gauk tuk ndik tapui tame adat cambat hukum palei; daong 2 trieu ndong ka urang kumei metain, baoh sang kathaot, jaik kathaot, di xã kaoh pulao  piah dut iek ruak dahlau ndik tapui, duk iek prein yawa ka anek kuman.

Hoi ndong bhap bini tinh Dong Nai mbang X thun 2021 - 2026 peih pakak Mbang nyaom ka 22. Di mbang nyaom, HĐND tỉnh tangi suar meng harak 4 bruk hu cu tri, mikva sangka caik hatai. Nan lac patagok sang daok ka rahra; bruk ngak hu di danak dak pandar taneh bhum jaik taphia dom danak dak ha tang jalan mbak dalam tinh piah hu jien patagok ngak jalan nao mai siam lagaih; bruk khik iek, pandar drap ar karja saong bruk pacang caga, jit ruak tagok baoh sởi dalam tỉnh.

Urak ini, dalam tỉnh Bình Dương hu 713 sang bac. Yaom lac tỉnh kham merat padang ngak birau saong pasiam veik rilo sang bac min oh pabak sumu anek saih patagok meng 20.000 tal 25.000 urang yaok thun. Langiu di bruk kurang sang bac, bruk kurang gru pato jeng lac sa bruk kan kandah ralo. Piah bruk pato pakai hu siam, tui hukum, Bình Dương  brei palih ruah tame  1.000 gru pato yaok thun.  Yau nan min, yaok thun,  brei palih ruah hu labaih 600 gru pato, daok kurang gru pato biak ralo.

UBND tinh Kien Giang saong Tong kaong ty Dien luc Maraong nagar hu mbaoh harak peih ngak 4 danak dak praong gah ndien dalam tỉnh Kien Giang pak Ban Phu Quoc. Dalam nan kuhria peih ngak danak dak brei dien luoi nagar ka xã An Sơn saong xã Nam Du, huyện Kiên Hải dahlau harei 30/8/2025. Tui ong Giang Thanh Khoa - Phaok akaok UBND tinh Kien Giang bruk buh jien tame luoi dien ka dom xã kaoh pulao huyện Kiên Hải saong Ban Phú Quốc nan sa bruk chinh tri praong, rik prein daong patagok kinh te - xa hoi di tinh.

Yaom lac tame puac bilan pajaih phun panat, yau nan min, rilo urang  blei daok mai huyen Chợ Lách, Bến Tre blei dom janih phun pajaih panat hatai bhong meriak, samar brei baoh, kayua yaom panat tagok glong dua mbang dut haong akaok thun. Urak ini, yaom phun panat pajaih meng 30.000đ tal 65.000 đồng sa phun kuhria tui baoh praong atau sit. Ong Trần Hữu Nghị, Pho akaok jabat Ngak nong saong Patagok palei pala huyện Chợ Lách, pachreih dom urang ngak nong pabam pajaih phun panat brei hu jalan ngak ka lagaih, ngak tabiak tui harak caong blei, oh ngak tabiak ralo meda gaok rilo kan kandah tuk yaom kaom darak pasar oh hu tani tanat.

Karja Australia bahrau khan lac hu ngak lihik ratuh mau virus ngak matai manuac di sa bilik duk iek salamat sinh hoc pak Queensland di thun 2021. Bruk ni trak damah ini hu thau meng di bilan 8/2023 min bahrau khan ka ralo manuac thau di akaok adit ni, ngak ka ralo urang takatuak. Caik hatai abih, bruk ni oh hu khan atau oh thei thau dalam jaik dua thun, tal tuk ni tra meng hu yaok kuhria di thun 2023.

UB chau Au hu mbaoh harak daong 20 trieu Euro sumu labaih 21 trieu USD haong sa kongti kong nghe sinh hoc Đan Mạch. Bruk ginum biai nan piah caga bruk pacang jru kháng sinh dak harei dak tagok rilo di dunya. Ini lac sa bruk hu makna praong piah langyah  hu pacang jru kháng sinh lac sa dalam dom bruk ka prein yawa di manuac sia dunya samar abih.

Malaysia lac sa negar ngak manyek co praong dang ka 2 di dunya, hadei di Indonesia, nan min bruk khik piah manyek co di Malaysia patrun hamiet dalam bilan 11, bilan patrun ka 2 patui gauk. Bruk khik piah manyek co patrun nan ngaok paglaong yaom pablei manyek co ngaok dunya, nan yaom jaik tal tanut glaong abih dalam 2 thun tapa. Manyek co lac sa manyek pandar ka labaih klau ty manuac, ralo abih manuac chau A, yaom pablei salih manyek co tagok glaong nan biak kan kandah ka rai diuk, mayai khan bruk lam phat kaya pandar abih dunya daok dui atah./.