UBND TPHCM mbaoh harak brei khik kajap glai pacang caga di Cần Giờ mbiah tal thun 2030. Pamong tal bruk pandar hu siam, khik hu tamo taneh glai pacang caga di Cần Giờ; khik hu ralo janih phun, athur glai; pandar hu siam dom siam gheih, alam moi truong glai; ba tame ngak patagok bruk sirah rivang sinh thai, klak rabha kein laba meng glai haong dom gah khik iek glai. Gam haong nan pabak dom kein lagaih, jitvu moi truong glai hu tani tanat, khik kajap meng glai piah hu ginup jien kuhria ka urang ngak glai saong njauk ndem tal bruk khik iek hu siam.

Mentri Padang ngak mbaoh harak Quy hoach patagok glai bhum taneh, mbaok ia tathik Bà Rịa - Vũng Tàu (dahlau diah) vaktu 2021 - 2030, pamong tal thun 2050. Tui nan, pamong tal thun 2030, pandap panda  tapa dom labik tapen tathik meng 215 trieu tan tal labaih 236 trieu tan; tuai damuai tal jaik 2,9 trieu mbang mai labik ini. Kuhria hu tal 60 tapen kraong, tathik dalam nan hu 117 tatua pambuak tame tathik ye hu tal 123 tatua brei ka gilai praong pataok tame hu abih tih hu jaik 30 ribau met.

Dom bhum palei di Bhum kreh negar daok sami samar ramik pasiam hadei ribuk ia sua, pataom tame daong ka bhum glut jaleih, ia dauk pacang klaoh oh nao mai hu, gam peih ngak rilo jalan pacang caga ribuk ka 13. Kuhria tal page ini, ia ribuk meng Quang Tri tal Quang Ngai ngal 50 urang metai, lahik. Labaih 100 baoh sang glut jaleih, ia ba theik. Urak ini hu jaik 48 ribau baoh sang dauk dalam ia, dalam nan ta-eng Da Nang hu labaih 16 ribau baoh sang njauk ia dauk.

Ia ribuk praong gam ia sua gah angaok kraong tuh mai ngak ka tinh Tay Ninh khat lahik labaih 33 ti dong. Labaih 2.200 hecta padai dauk dalam ia, jaik 1.000 ha lahik abih cih. Anak bruk ia ndik di bilan 11 meda tagok pakat 3, bhum palei daok kham ngak kajap ar pacang, khik caga jaik 8.000 hecta padai saong njam patam daok veik. Balai Bien phong Pabak kraong Sông Trăng peih ngak 5 mbang mai daong bhap bini yuak padai hadei bruk talah binek, ikak sang danaok kajap…Meng hu bruk daong sumu gauk, rilo labik ar binek mbuan talah hu daong samar, takik talah ar saong khat lahik ralo.

Ndem tal bruk talah binek padang ia di Kong ti  Trang Trại Việt ba theik 4 urang di harei 1 bilan 11 meng blaoh, dom binek padang ia nan oh ka hu harak padang ngak. Bruk talah binek ngak khat lahik di labaih 100 baoh sang rahra, labaih 100 hecta  taneh pala khat lahik. Anak bruk khat lahik trak yau nan, UBND tinh Lam Dong iek Kong ti Trang trại Việt brei yak klak taong abih binek ia, oh brei padang ia. Tui Kong an tinh Lam Dong pasang iek bruk talah binek ia, langyah tui hukum di taong abih danak dak piah ngak bruk tui hukum.

Dom brah di dalam negar Indonesia thun ini mek hu ralo abih kuhria dalam 5 thun tapa, tagok 4 trieu tan dut saong thun 2024. Bruk ngak hu rilo brah lac bruk praong pamaong tal bruk ngak tabiak padai brah pabak dalam negar di Indonesia. Bruk nan oh lac brei mboh labik dang di Indonesia khik hu bruk nga po padai brah, bo daok brei mboh bruk ngak siam dom sarak kayua rajaei peih ngak.

Hu takik di nyu 8 urang metai saong dom urang karei njauk rambuac tuk sa radaih pui pajeng tuai ginuh tame radaih pui pajeng kaya ndap nda di bhum kreh negar An Do. Tuk rah tabiak bala, radaih pui pajeng kaya kan daok dang padeih saong radaih pui pajeng tuai ginuh tame gah likuh, ngak rilo raong radaih pui khut tayak. Bala jalan pasei bhian rah tabiak di An Do. Bala jhak abih dalam dom thun jiak ini lac thun 2023, tuk 3 sruh radaih thaok gauk di bang Odisha, ba tal 288 urang metai.

Australia brei pabak tame sarak angan dom mang xa hoi pakauk uranaih umo ala 16 thun. Yau nan Australia pakauk uranaih umo ala 16 thun di taneh ia ini  pandar 9 mang xa hoi nan lac Facebook, Instagram, Snapchat, Threads, TikTok, X, YouTube, Kick saong Reddit. Meng harei 10 bilan 12 anak tal, dom mang xa hoi nan  brei ba tabiak jalan pacang caga urang umo ala 16 thun tame meyah oh pacang hu meda njauk taong phat tagok tal 49,5 trieu AUD.