Labaih 35,3 ty dong hu 79 kapol nyaom, đơn vị, urang rik jien tame Kadung jien “Anit tasik kaoh pulao palei negar - Daong ka bhum akok Negar” TPHCM dalam danak dak daoh tamia peih ngak melam kabroi, kayua UBMT negar Viet Nam Ban raya pambuak haong Rayo papar binguk TPHCM. Danak daoh tamia ngan haong kadha “Pamong tal bhum taphia negar, kaoh pulao tasik, palei Negar” mbang 11 thun 2024 hu dom kadha daoh meyaom taneh ia palei negar. Danak dak hu brei mboh thaot binguk ka raidiuk di urang jakar, urang lin saong bhap bini di dom bhum taphia negar, kaoh pulao harei melam khik iek tasik, kaoh pulao, tangin pan kajap phao karaong khik bruk ngak po di taneh ia.

Tinh Dong Nai harei kabroi peih ngak Adat taduan Sarak di UBTV Quoc hoi ka bruk ramik đơn vi hanh chinh pakat xa. Dong Nai  hu 4 đơn vị hành chính pakat xã njauk ramik veik di 4 bhum palei: Tân Phú, Vinh Cuu, Bien Hoa, Long Khanh. Hadei tuk ramik, tinh Dong Nai trun daok 11 don vi hanh chinh pakat xa, meng 170 daok 159 don vi. Bi thu Tinh uy Dong Nai Nguyễn Hồng Lĩnh caong khin, dom bhum palei njauk brei pataom tame jhul pakhang bruk pathau khan, pambak praong, tacei ba tal dom urang jakar, urang đảng saong bhap bini. Hu yau nan, hu njauk gauk glong abih dalam he thong chinh tri saong taong abih rahra tuk ngak tui sarak.

Harei kabroi, HĐ bhap bini tỉnh Ninh Thuận peih Nyaom taom mbaok cử tri ngan hoang bruk “Jhul pakhang patagok kinh te tasik pambuak haong bruk paglong raidiuk, jalan sahaneng ka bhap bini, khik brei mboh bruk ngak po tasik, pulao”. Di nyaom biai, Sở Ngak nong saong Patagok palei pala Ninh Thuận khan lac, tukvak tapa, Sở gam Bol lin Bien phong tinh, karja dom palei tapen tasik pathau khan quy định di Hukum Kaya ikan tasik 2017, dom panuac kakei di Lien minh chau Au pambuak tal bruk ngak tui hukum IUU. Rilo cư tri  Ninh Thuan likau tinh paglong saong peih praong tapen ikan  Đông Hải, pasiam sang xưởng, pasiam gilai ikan, daong pagam mac jamraih ka gilai ikan…

Tinh bhum ceik Binh Phuoc hu labaih 1 trieu rahra, dalam nan hu jaik 20% lac bhap bini bangsa takik, diuk rai pataom tame  di dom xa bhum ceik, bhum atah bayah saong tapen negar. Peih ngak Danak dak pakat negar, paglong raidiuk  bhap bini bangsa takik, tỉnh kham merat peih ngak Danak dak 1 piah daong taneh daok, sang daok, taneh ngak mbang saong ia pandar ka 58 xã bhum urang bangsa takik saong bhum ceik, daong mikva tani tanat raidiuk saong patagok kinh te. Tui Mban bangsa tinh Binh Phuoc, Danak dak 1 hu daong taneh pala drak, salih bruk ngak ka  taong abih 1.200 baoh sang.

Mbiah tal ini, gah jien je Can Thơ mek hu labaih 8.550 ty dong, sumu labaih 70%  dalam thun saong tagok 15% dut saong tukvak ini thun dahlau. Ban ini daok 3 bilan tra piah ngak kham mek hu 12.000 ty dong dalam thun ini. Thu ini, Cục jien je ban Can Tho oh jao jien pandar taneh ka dom danak dak ka quan, huyen.

Daok 2 adit tra tal harei palih ruah, ung cu vien tong thong ndang Dan chu Kamala Harris saong gah diah lac Cong hoa Donald Trump daok pakacah gauk drah samar piah mebleh hu rilo urang njauk hatai di dom tieu bang. Tui duah thau, urang tame negar suan hukum lac bruk nyauk caik hatai camereip di cu tri saong ong Trump hu rilo urang sahaneng lac ngak hu siam abih. Daok amuk Phó Tổng thống Harris daok kham jak ba urang kumei di klau tieu bang Trung Tay lac ong Tong thong Trump dahlau diah  ngak kan ka bruk labuh anek, bruk salamat taneh ia.

Thu tuong Ấn Độ Narendra Modi harei kabroi nao rivang nehgar  Nga dalam 2 harei piah hu mbaok tame Nyaom biai pakat glong Nyaom dom taneh ia kinh tế birau patagok (BRICS). Thủ tướng Modi sahaneng lac, Ấn Độ iek praong bruk ngak mbang haong gauk dalam BRICS, meng lavik mai lac bruk praong piah ndem biai nao mai ka bruk patagok di dunya, salih birau chu nghia, BĐKH, ngak mbang kinh te, padang bruk pablei pandap panda, jhul pakhang bruk pambuak ilamo saong taom gaok bhap bini.

Ribuk nhiet doi Oscar tuh tame Cuba ngak hajan praong saong langik mbuan rah tabiak bala di gah Timur negar ini. Takik di nyu 6 urang metai kayua ribuk. Tui pathau khan di rajaei, ribuk Oscar ngak khat lahik trak di Guantanamo, dalam nan hu ban San Antonio saong Imias ia sua trak. Gah Timur negar Cuba kuhria mboh hajan ia meng 170 - 350mm, hu dom labik tagok tal 500mm. Langiu di nan, urang jakar hu kakei lac ribuk ia sua khang dalam saong glut jaleih taneh, bala ngak metai manuac./.