Kapol rajakar pasang iek di Kapol urang Quoc hoi tinh Vinh Long birau pasang iek bruk ngak tui sarak, hukum ka urang jakar bangsa takik dalam tinh meng tuk poagam tame tal ini. Vĩnh Long urak ini hu labaih 373.000 urang bangsa takik, meblah 11% taong abih bhap bini, ralo lac urang bangsa Khmer, Hoa. Lambaok Kapol urang jakar khan lac, tukvak anak tal UBND tinh brei ngak njauk tui tanut du lieu ka urang jakar, kong chuc, vien chuc, urang bangsa takik; padang ngak “ talaoh ban ndo urang jakar bangsa takik” dalam meng 3 tal 5 harei anak tal. Tỉnh pasang iek tui yaok gah, bhum palei piah thau labik halei daok kurang piah kuhria brei bac megru pabak urang jakar.

Xã Vị Thanh 1, ban raya Can Tho birau peih Nyaom biai kadha: “ Paglong jalan ngak brei cakrok patagok kinh te dalam bhap bini bangsa takik, agama dalam xã”. Nyaom biai piah kuhria njauk bruk, thau cambaic laic ka dom bruk kan kandah, ba tabiak jalan ngak cambaic laic, paglong jien mek tame, salih raidiuk saong cakrok patagok khang kajap dalam bhap bini bangsa, agama. Dalam xã Vị Thanh 1 hu 139 baoh sang bangsa Khmer  hu 775 urang. Mikva tuk halei jeng hu karja  bhum palei ba mbuan lagaih piah cakrok patagok  bruk ngak mbang, paglong raidiuk.

Hadei tuk taduan bruk khik iek jalan Long Xuyên meng bilan 6 thun 2026, Sở Padang ngak tinh An Giang daok samar pambuak hoang dom don vi pambuak tal brei pasang iek, ngak dahlau langyah dom labik glut jaleih di jalan tame tatua. Yaom lac hu parabha 50 ti dong dut saong bruk caong khin hu 480 ti dong, karja palei ngak salah blaoh labik tatua Rạch Mương Thơm saong tatua Ông Câu piah hu salamat jalan mbak. Sở Pang ngak daok pasang iek saong brei ngak dahlau phun jien piah padang ngak dom tatua hadei veik.

Kapol Pataom atau talang liet si daok peih bruk duah pataom atau talang liet si di rãnh ka 2 ( Khu A), Bein bingu Lê Thị Riêng-TPHCM. Dalam harei 16/9, bol lin duah mboh, pataom hu 14 atau takang liet si, dalam nan hu sa atau talang hu kaya kan gam tui. Kuhria tal ini, dom gah bol lin hu duah mboh, pataom hu 646 atau talang liet si, dalam nan hu 297 atau talang gam tui kaya kan.

Cuc Khi tuong –Thuy van( Mentri Ngak nong saong Alam moi truong)  khan brei thau, langak EI Nino hu 98%  meda bika khang meng bilan 10 tal bilan 12 thun ini, rilo rah tabiak meng akaok bilan hè thun 2027. Kayua langik El Nino, Nam bộ  meda langik pandik meng bilan 2 thun 2027, aval jang ralo thun.

Lien minh chau Au (EU) brei padang sa “ lien minh bao hiem khi hau” piah peih praong labik khik iek anak dom khat lahik kayua langik pandiak hajan oh lagaih, dalam tuk chau luc birau hu bilan he tua riya, apui khuah glai saong dom mbang pandiak catang. Bruk ngak hadah krah hu ba tabiak hadei sa bilan he biak pandiak di chau Au. Langik pandiak hajan oh lagaih di chau Au hu jeng labik pandiak abih di dunya, pandiak glong dua mbang dut saong pandiak dom thun dahlau di dunya.

Giao hoang Leo XIV birau kakei bruk pandar tri tue nhan tao (AI) dak harei dak ralo meda ba tal dom bruk anek manuac takik sahaneng ta-eng drei jang, gam ba tui bruk jao abih ka dom thuat toan. Giao hoang Leo XIV rilo mbang iew padang dom jalan khik iek salamat dalam bruk patagok saong pandar AI,  kakei ka kong nghe brei thau kuhria, sahaneng saong bruk ngak di anek manuac.

Urang brei panuac di Mentri Quoc phong Trieu Tien ndem puac bruk ginum biai rah tabiak di harei 10/9, dalam nan hu Mỹ saong Hàn Quoc njauk hatai padang he thong pathau khan ka phao karaong vu khi pametai ralo di Trieu Tien. Tui nan, mboh lac gah nan daok kuhria taong meng vu khi pametai ralo cagar veik Trieu Tien bo Binh Nhuong bruk kan kandah sraw kadau biak trak./.