UB Bhap bini Ban raya Ho Chi Minh bahrau ba tabiak Sarak taong yaom danak dak Padang yaom taneh mbang akaok meti dalam bhum Ban raya Ho Chi Minh pandar meng harei 1-1-2026. Tui sarak, bruk padang yaom taneh hu ngak tui ilamo khoa hoc, samu gauk, njauk haong darak pasar taneh riya sang danaok saong adat hukum urak ini; khik kajap bruk tantu cambaih laih saong duh siam lagaih ka bruk pasang iek karja ka taneh riya. Gam haong nan, yaom taneh brei pabak yaom taneh tui bruk tagok trun di darak pasar saong kein lagaih kinh te - xa hoi di Ban raya Ho Chi Minh.

Urak ini, urang raong hadang tathik di tinh Dong Thap biak uan tabuan chreih chrai kayua yaom hadang tagok glong; abih di nyu nan lac, bruk raong hadang tui kong nghe glong ba mai kein laba glong. Tuk ini, hadang takai patih tui kong nghe glong janih 40 drei sa kilo hu yaom 130 ribau dong sa kilo. Dalam tuk nan, yaom ngak tabiak yaok kilo hadang labaih 90 ribau dong. Dong Thap hu taong abih taneh raong kaya dalam ia tapen tathik labaih 12.630 ha. Ta-eng bruk raong hadang takai patih tui kong nghe glong hu 100 ha, pataom tame di dom xã tapen tathik di tỉnh.

Bilan padai he – thu thun ini di tinh Ca Mau laik tame bruk kan kandah. Yaom padai tok rah di tanut 5.000 dong sa kilo, dalam tukvak ini thun dahlau, pajaih padai Đài Thơm saong OM hu blei meng 6.5000 – 7.000 dong sa kilo. Abih di nyu nan lac, hadei tuk Philippines anak meta brei padeih blei tame brah, bruk pataom blei padai dalam bhum jeng padeih gilac, ngak ka urang ngak nong duh hatai. Urang pala padai daok duah gah ikak blei piah pablei padai bahrau yuak hu piah bayar ka ndap nda. Rilo baoh sang rahra hu pataom blei min oh pablei hu padai, yaom lac dahlau nan hu pambuak saong hu gah ikak blei pagun sanya hu pataom blei.

Page ini harei 12/9, gah chuc nang phuong Trung Mỹ Tây pambuak haong Kong an TPHCM pacang duah thau bruk ba tal apui khuah mbang sang pablei kaya ndap nda radaih patuh di Quan 12 klak, ba tal sa urang likei umo 84 thun metai. Jaik mon 4 tuk page, sa bhap bini daok jaik mehit sap iew daong meng baoh sang ka 316 di jalan Lê Quang Đạo. Tuk nduac tabiak pasang iek, urang mboh apui khuah saong apui khuah glong meng dalam sang tabiak. Tuk apui khuah, dalam sang hu dua urang umo taha. Sa urang samar tabiak truh gah langiu, ong N.M.T oh sumu tabiak truh nan metai.

Hadah page mesup ini, hajan praong dui atah ngak ia dauk di xa Bình An, huyen Long Thành dahlau diah (ini daok dalam tinh Dong Nai), abih di nyu nan lac di labik tapen kraong ia Giang Điền, puk palei An Bình. Ia craoh tagok glaong ngak ka dom baoh sang rahra gaok kan kandah trak, brei panduan nao labik karei samar chip. Urak ini, dom kapul chuc nang daok pasang khik iek tani tanat bruk hajan ia sua saong srap gap peih tabiak dom jalan thraong daong patui veik, piah khik kajap salamat abih ka rahra bhum ia dauk.

Canh sat ban ine Bangkok, Thái Lan birau ini duah mboh, chap mek labaih 5 trieu 4 rituh ribau asar matuy, kuhria tui jien labaih 200 trieu baht, sumu labaih 6 trieu USD. Dom asar matuy nan padauk dalam 37 kadung bao tai khak drak, hu padauk dalam sa sruh radaih hu taka so ja di quan Lat Krabang. Meng bilan 10 thun 2024 tal bilan 7 thun 2025, gah chuc nang di Thái Lan chap hu labaih 200.000 urang pambuak tal bruk blei ma tuy, khik hu kabaih 850 trieu sara matuy patau, 40 tấn matuy asar patau asar saong 1,2 tấn heroin.

Mentri Jien padai My hu jalan kuhria taom gaok Phaok Thu tuong Trung Quoc Hà Lập Phong dalam adit anak tal di Tay Ban Nha, piah patui veik nyaom biai ka dom asal kadha pablei salih, kinh te saong an ninh negar. Ini lac mbang nyaom biai tapak hu makna ka pak di dua urang jakar kinh te dang akaok di My – Trung dalam thun ini tuk dua gah duah jalan khik tani tanat bruk mbaoh tangin padeih meraik gauk di bruk pablei salih, daong patrun jien je taong tame gauk di dua gah saong pasiam drap ar taneh kan si hu di Trung Quoc tapa My.

Urak ini, kuhria abih tih bruk ngak tabiak dien di Cuba hu 1.600 MW sa harei pabak hu 50 % bruk khin pandar, ba tal jabat karja brei cakak ndien salih harei dalam negar. Bruk lahik ndien dui atah rilo tukvak ngak kan kandah trak tal raidiuk saong bruk ngak kinh te, phun jien trun jaik 2% dalam thun 2023 saong 1,1% dalam thun 2024. Bruk kurang dien di Cuba ralo kan kandah jang kuhria meng kreh thun 2024, brei mboh tapa bruk lahik ndien dui atah./.