Dom harei ini, bhap bini Cam Aval (Bani) di tinh Binh Thuan chreih chrai raok mukei uan bilan Ramưwan. Dahlau pambang payak mukei, urang Cam Awal nao ghur rak, rabau rasa manuac angui cuh khan ao di bangsa drei, akaok ndua ndol hla, ba tui kaya pandap piah da-a mukkei mai sang haong anek taco bilan Ramưwan.

Raok mukei uan bilan Ramưwan 2025, urang ngak praong di UBMT negar Viet Nam tinh Ninh Thuan hu mai rivang saong ayuh dom hahlau janeng, ong car, imem, po gru saong urang Cam Awal saong ong tuol, na-ep, hakim jeng yau mikva urang Cam Islam. UBMT negar Viet Nam tinh Ninh Thuan caong khin halau janeng agama patui veik bruk jak ba mikva hatai jia gauk, brei ngak tui jalan tacei pato, sarak di Dang saong Karja, rik tame bruk cakrok patagok di tinh Ninh Thuan.

Ban raya HCM birau padang danak dak peih praong, paglong jalan Chu Văn An di quan Binh Thanh kuhria jien buh tame ngak jaik 1.100 ti dong. Danak dak ngak pasiam jalan Chu Văn An peih akaok dom danak dak jalan mbak hu makna praong di Ban raya HCM, dalam nan brei ramik pasiam  ribong Xuyên Tâm, brei panduan ba dom jalan ky thuat saong peih mbaok taneh jalan peih drah samar TP.HCM - Mộc Bài, sang jalan Vành đai 2 tukvak ka 1 di ban Thủ Đức. Ini lac danak dak peih tabiak akaok dom danak dak ngak jalan mbak hu makna prang pamong tal 50 thun Peih paha gah merong negar, yasa taneh ia.

Tinh Sóc Trăng gam haong Công ty TNHH Esuhai peih ngak Danak Roh duah saong ngak tabiak pajaih padai pacang caga langik salih karei (NU1). Danak dak hu peih ngak dahlau di abih di labik ngak tabiak padai pajaih di huyen Long Phú hu labik njom ia mbak biak lagaih piah roh duah ka danak dak nan. Gru Giáo sư Fujimaki Yoshiro di Sang bac  đại học Niigata  nan lac urang roh duah tabiak pajaih padai NU1 hatai caong takre danak dak peih ngak hu jak jeng ba mai rilo kein laba ka urang ngak hamu. Sóc Trăng hu labaih 330.000 ha taneh hamu padai sa thun, yuka hu jaik 2 trieu tan, ralo lac padai đặc sản, asar siam.

Pandiak bhang tua riya ia mbak njom tame mblang hamu, ngak kan kandah tal bruk pala drak, raidiuk di bhap bini di bhum gah Pei negar. Urak tinh Trà Vinh  oh ka mboh khat lahik hagat hagait kayua langik pandiak bhang,  nyom ia mbak. Tukvak tapa, meng phun jien pakat negar, tinh Tra Vinh  hu jien tame ngak jalan ribong kraong,  khik ginup ia pruh  ka yaok rituh  ribau ha. Tui Jabat Ngak nong saong Patagok palei pala huyen Cầu Kè, dom danak dak  ribaong kraong piah khik brei ginup ia ka phun pala, pacang njom ia mbak, caga ia taba saong caga ia ndik, ba ia pruh ka 4.450 ha taneh hamu padai, phun mbang baoh di jaik 5.000 baoh sang bhap bini.

Indonesia sahaneng lac brah dalam negar ini hu jaik 34 trieu tan yau nan ye thun ini oh blei brah negar langiu tame. Dahlau di nan, Tong thong Indonesia brei mboh veik bruk pagol sanya  di  rajaei ka bruk padeih blei brah, tangei saong sara meng negar langiu tame di puac thun ini piah kham baha bruk caong brei ngak tabiak ginup bruk pandar. Tong thong khan lac bruk caong brei ngak tabiak ginup bruk pandar kaya mbang di negar drei, camereip ngak hu dalam 4 thun, atau samar jang.

Rajaei Tổng thống Mỹ Donal Trump ba tabiak bruk brei rajakar padeih bruk ralo jang, tuk urang kaya meda Elon Musk lac urang ngak bruk Bộ Hiệu suất rajaei hu sanya pagol brei ngak samar  piah cakak trun jien cai pandar di Rajaei. Bruk brei ka urang jakar padeih bruk ralo lac urang daok ba pasram  ngak bruk oh ka hu harak bao hiem bruk ngak. Mbiah tal ini, Mỹ  brei ka labaih 20.000 urang padeih bruk, cakak jien daong ka negar langiu saong ngak suai klaik klaoh tukvak padang ngak danak dak saong roh duah ilamo.

Di negar Pháp daok peih bruk langyah sa urang bac si gah blaic raih dahlau diah ngan haong duis  ngak jhak tal rup pabhap 299 urang ruak, ralo lac uranaih luac jaik 30 thun tapa. Ini lac duisa tra damak pambuak tal uranaih trak damah abih di Pháp. Njauk ndem tal lac dom bruk  kanjak jhak nan tuk dom urang ruak dalam tuk tame jru ngak ndih kandang  atau hadei blaic raih blaoh. Tapa bruk nan brei ndem tagok khang brei salih birau kadha bac ka jalan diukrai ka gru jru  di Pháp.