Tui khaw tin birau ini meng Jabat Hoi dong Palih ruah pakat negar, kuhria tal abih harei 15/3, urang buh phieu  palih ruah urang ka Quoc hoi XVI saong urang HĐND dom pakat meng thun 2026 -2031 sumu labaih 99,38%. Njauk dem tal, Lào Cai lac bhum palei ba akok negar saong urang cu tri ngak salah blaoh. Njauk caik hatai Phú Quý, tinh Lâm Đồng palih ruah di mon 15 tuk, sumu 100%.  Tỉnh Cà Mau sumu 98,81%, tinh Dong Thap sumu 95%; Vĩnh Long 99,67%; TP. Cần Thơ 99,35% cu tri buh phieu.

Tui UB palih ruah TPHCM, ti le cu tri bu phieu di Ban raya hu 96,67%. Ban raya hu 31 bhum palei hu cu tri buh phieu taong abih. Cu tri TPHCM khan lac bruk palih mbang ini ngak biak tani tanat, dan chu, njauk hukum, dom bruk kuhria sap pagap meng kaya ndap nda, tauk angan huroh cu tri, angan urang ba tame palih ruah tal bruk khik ramik brei salamat.

Hadei jaik dua bilan duh bruk nao mai ralo di manuac sia, danak jalan peih drah samar Hậu Giang - Cà Mau brei padeih nao mai meng harei 16/3 piah ngak salah bruk daok veik. Bruk ba jalan tame ngak bruk mboh lagaih cambaic laic takik trun jalan Raya 1A saong jalan Quản Lộ - Phụng Hiệp. Yau nan min, piah khik hu salamat siam mekre. Mban Khik iek Danak dak Mỹ Thuận njauk hatai bruk peih ngak salah dom bruk daok veik.

Meng thun 2015 – 2025, Bol lin Bien phong TPHCM jaba taong abih gah rik daong tame piah peih ngak rilo bruk, danak dak ndung bak makna anit ranam,  mek hu rilo jak jeng siam mekre. Dom danak dak jak ba urang rik daong hu labaih 310 ti dong, rik tame  padang ngak dom danak dak daong ka bhap bini, ngak mbang, daong ka jap “ hatai jia di bhap bini”, pambuak kajap haong bhap bini labik akaok hajung palei Negar.

Rilo HTX di tinh Dong Thap daok ba tame pandar ngak tui ilamo, kong nghe saong salih pandar taka so tame khik iek, ngak tabiak saong kaya kan. Htx jitvu ngak nong Bình Thành hu labaih 1.800 urang, duh ka bruk ngak mbang pala drak 1.200 ha. Ngan haong bruk pandar ilamo kong nghe, mac jamraih tame hamu daong urang dalam HTX patak pataom padai pajaih drak daok 15kilo sa công hamu; khak trak takik  veik  10kg sa kong dut saong dahlau diah. Dalam tuk nan, padai bilan Dong Xuan  yuak hu meng 9m-10 tan sa hecta.

Giao hoang Leo XIV iew brei padeih cuh phao di Trung Dong saong iew dom gah brei taduan bruk rah tabiak mesruh metak di Iran piah meyai ginum ba siam. Inoi lac bruk khang catang  abih di Vatican kuhria meng tuk rah tabiak mesruh Mỹ - Israel saong Iran. Giáo hoàng khan bruk mesruh metak oh njauk, tani tanat atau sron mbon bo bhap bini di labik ini daok cang.

Meng rilo thun tapa, dom var mbang talaih iek di tapen jalan dalam ban hu jeng adat di bilan Ramadan di Pakistan, taneh ia hu tal 200 trieu bhap bini tui Islam. Yau nan min, yaom padai brah saong xang menyek tagok ba tal hu biak rilo urang mbang var talaih iek oh abih jien. Tui dom urang ilamo kinh te Pakistan, meyah yaom tagok glong, raidiuk di bhap bini Pakistan, gaok kan kandah suai lavik.

Sa kapol urang ngak bruk khan lac takik abih hu 20 urang metai kayua kol patuh phao tame sa palei di bang Plateau, Bhum kreh  Nigeria. Di Nigeria, dom kapul klaik mek bhian peih bruk klaik mek rilo urang piah ndok jien pabuh saong paoh blah dom palei pala. Kham merat di bol lin ini piah pacang cakak taong paoh daok dak harei dak srau kadau kayua rilo kapul pan phao karaong dalam labik.