Urang dang akaok Ban Can Tho hu nao rivang, alin kaya tadhau ayuh Harei Noel di Giao xu Nam Hải (xa Đại Hải), Giao xu Soc Trang (phuong Soc Trang) saong Hoi thanh Tin lanh Viet Nam (gah Meraong negar), chi hoi Soc Trang. Di dom labik mai rivang, Phaok Bi thu Ban uy, Akaok Uy mban Mat tran Negar Viet Nam ban Can Tho Hồ Thị Cẩm Đào hu payua panuac tadhau ayuh siam mekre, haniem phol tal dom linh muc quản hạt, muc su, dom halau janeing saong taong abih mikva Kong giao, Tin lanh dalam bhum; gam haong nan taduan saong taong yaom glaong dom bruk rik daong siam mekre di mikva tui agama dalam bruk daong haong karja palei ngak dom danak dak jalan ngak pakat negar, padang palei pala bahrau, ban medin hadah krah.

Nhà thờ Đức Bà lac thaok binguk ilamo, agama saong yulit di TPHCM, daok hu jeng pasak dom harei Giang sinh, ngui cuh tagok  rup blah ao birau biak hadah tanyiak hu 1.000 km talei pagam gom LED. Pandap mekre nan ngak ka labik pasak Ban raya HCM hadah tagok, pachreih hu rilo tuai damuai, bhap bini saong uranaih dam dara  duah mai thaok binguk. Dalam tuk chreih chrai uan raok Giang sinh gah langiu, gah dalam bruk ngak pasiam veik Nhà thờ Đức Bà daok ngak bruk.

Labaih 80 tadai kuan kaya mbang saong ilamo, majam ngak bruk parang iek, workshop saong raya hoa trang gam haong pataom di Adit Ilamo Dunya, meng harei 30/12/2025 tal 04/01/2026, di Thao Cam Vien Sai Gon, Ban raya Ho Chi Minh, brei ba mai ka harei raya ilamo rilo negar. Danak dak pamaong tal baoh sang hu anek sit, rai rah sit thun umo anit ranam ilamo – seni nghe thuat saong tuai damuai dunya, daong yaih khan thaik thaot Viet Nam chreih chrai, saong hadah krah. Abih di nyu nan lac, Thao Cam Vien Sai Gon brei tame oh mek jien meng mon 17 tal 21 tuk dalam luac tukvak nan.

Harei roya Kalang talak seni nghe thuat Bù Đăng saong Danak dak kaya mbang bhum palei birau peih tabiak di xã Bù Đăng, tinh Đồng Nai. Pachreih hu 20 kapol par talang talak seni nghe thuat mai meng  dom tinh Đồng Nai, Lâm Đồng, TP Hồ Chí Minh, Đắk Lắk, Hải Phòng, Hưng Yên, Tây Ninh… hu labaih 140 talang hu mbaok tame. Tamat  Harei roya, Kalup kapol  Kalang bhum palei ( tỉnh Đồng Nai) mek hu yai Nhat ngan haong kadha pakacah kalang par glong abih; Kalup kapol Kalang talak Đại Đăng (Ban raya Hồ Chí Minh) mek hu Yai Nhat kalang praong, takak yawa catang; Kalup kapol Kalang talak Đồng Nai mek yai Nhat kalang gheih, talak mekre.

Gilang khik drap ar Quan khu 5 hu taduan labaih 200 ndap nda, thaik thaot saong tư liệu hadei 6 bilan peih Mbang jak ba pataom saong alin ndap nda jaman mesuh metak kayua dom baoh sang cach mang, urang dalam sang bol lin meng kal alin brei. Dalam nan hu 124 ndap nda, thaik thaot tư liệu hu yaom kaom glaong ka sajarah. Bingun ini, Mban Lien lac Bol lin meng kal Trung doan 20, Quan khu 5 saong Kapul Bayar phol di klau bhum hu alin brei 640 trieu dong daong prein ka danak dak Quang Trung ka bruk padang veik sang ka rahra bhum kreh Negar njauk khut tayah dalam dom mbang ribuk ia sua meng blaoh.

Bruk chreih chrai di harei roya puac thun daok pambak tabiak ralo labik di dunya, meng dom darak giang sinh di chau Au, dom ban raya praong di chau A tal Mblang bein Thánh Peter's  di Vatican. Yaom lac ilamo yaok labik karei di gauk, min taong abih  hu uan raok Giang sinh  ngan haong rilo kadha parang iek gom hadah, ngak mekre saong dom bruk biak gheih karei. Phun thong No-el praong khong lo saong la-on patau Giang sinh di Mblang bein Thánh Peter's hu truac hadah di var ngak adat agama praong prang haong phun thong bhong glong 25 met, trak 8 tấn…

Gilang khil drap ar Louvre lac sa lambaok ka ilamo dang akaok di Prang saong lac labik rivang me-in dui pachreih rilo tuai damuai abih dalam dunya – hu brei kareik mbang anak meta hadei tuk 400 urang padeih bruk piah ngak pagan ka kein lagaih ngak bruk saong dom asal kadha tal an ninh. Bruk ini rah tabiak tok dom adit hadei mbang klaik kaong nyuk ngak srau kadau di Gilang khik drap ar Louvre, tuk rilo ndap nda banrik njauk klaik lahik, hu taong abih yaom kaom kuhria labaih 100 trieu dolla My…

Campuchia saong Lào daok jhul pakhang bruk pambuak patagok bruk ngak yulit sirah rivang ma-in tapa dom bruk peih ngak rilo caong khin, hu angan “ Dua taneh ia, sa labik rivang”. Tapa bruk nan, Campuchia saong Lào pambuak pakhang bruk, ba mbuan lagaih la bruk nao mai di tuai damuai. Dom bruk  yaih khan saong pambak paraong meda hu peih ngak, pataom tame ngak brei hu rilo bruk rivang iek inem krung, drap ar ilamo, kaya mbang, tuai damuai mai sirah bhap bini saong yulit sinh thai./.