Hadei mbang padeih padei Tet Nguyen dan, mikva urang ngak nong bhum taneran kraong Cuu Long tabiak hamu yuak padai Dong Xuan. Urak ini yaom padai ST25 tathah/pasah di hamu lac 9.000 ndong/kg, glaong jang dut haong tukvak dahlau Tet jaik 1.000 ndong/kg, nan mikva urang ngak nong biak chreih chrai. Mbang padai dong xuan thun 2024-2025, dalam bhum taneran kraong Cuu Long drak padai jaik 1,5 trieu hecta saong daok tame yuak padai. Tui kuhria, langiu di jien buh tabiak ngak, urang ngak nong mek hu jien laba labaih 25 - 30 trieu ndong 1 hecta.

Dom harei akaok thun birau, yaok rituh baoh sang bhap bini ngak padai ia di huyen tapen negar  Bù Đốp, tỉnh Bình Phước tabiak hamu yuak padai  bilan Đông Xuân. Dalam huyện  hu labaih 1.800 ha hamu ngak padai ia. Hamu padai jaik yuak  urang ngak hamu tam drak labaih 1.000 ha. Tukvak tapa, meng hu bruk buh jien tame ngak 7 danak dak, ribaong kraong, huyen tapen negar  Bù Đốp  daong ka mikva tam drak  sa thun hu 3 mbang, daong mikva patruh iek patrun kathaot.

Tinh Long An hu raok labaih 65.000 mbang tuai jirah rivang dalam harei Tet Nguyen dan Ula Naih 2025, min abih tih jien mek tame tok hu 32 ty ndong. Jien mek tame ini hu taong yaom lac daok takik dut haong dom bhum palei karei dalam bhum. Yaom lac dom labik yulit oh hu tagok yaom, “mek chiat jien” haong tuai damuai, min bruk yulit saong bruk duh tuai pak ini hu taong yaom dang di tanut gap mbiah. Rilo tuai damuai ndom lac, dom labik yulit pak Long An oh hu rilo salih karei dut haong dom thun dahlau.

Dalam dom harei akaok thun birau ini rilo doanh nghiep di Đồng Nai hu veik harak birau pambuak kakei blei pandap, peih praong bruk ngak tabiak kaya kan yau nan ye khan brei thau bruk palih ruah tame yaok ribau urang ngak. Piah taduan raok  urang ngak gilac veik mai ngak bruk hadei tuk padei Tet, rilo doanh nghiep tadhau ayuh thun birau saong lixi khat alin jien piah pachreih urang ngak bruk rilo bui sambai, samar tame ngak bruk. Kong doan saong gah ngak mbang pablei salih  patui veik ngak dom bruk ba kein lagaih daong urang ngak hu sahanang hatai  ngak bruk, gam haong doanh nghiep ngak brei hu siam blaoh bruk ngak tabiak dalam thun.   

Yaom lac gaok rilo kan kandah kayua langik, min mbang pala bingu ngak gheih Tet di huyen Chợ Lách, tinh Ben Tre pablei hu, po bein hu jien laba. Dalam huyen pablei hu 8,6 trieu pandap phun bingu ka darak pasar di Ban raya Ho Chi Minh, Binh Duong, Dong Nai, An Giang, Can Tho, Tien Giang…Bingu ngak gheih lac bruk ngak meng kal caik rai hu ngak meng yaok pluh thun tapa di huyen Chợ Lách, bruk siam gheih di pandap phun bingu tuk halei jang hu paglaong tagok. Meng pala phun bingu bo hu ngak tani tanat saong paglaong raidiuk di rahra bhum palei.  

Harak brei thau Taka so Prein khang Bol lin di Dunya hu Gah Globalfirepower khan brei thau birau ini mboh lac Ấn Độ patui khik hu labik dang dhi 4 dalam abih tih 145 taneh hu taong yaom dalam thun 2025. Ini lac thun ka 6  taphia gauk Ấn Độ khik hu labik dang nan. Mỹ, Nga saong Trung Quốc khik hu 3 taneh ia dang akok di dunya ka prein khang gah bol lin dalam dom thun ini. Indonesia lac taneh ia hu prein khang gah bol lin ka 1 di bhum ASEAN dang dhi 13 angaok dunya.

 Tui bruk khan brei thau di Lien Hop Quoc, bruk co blah angaok radaih daok rah tabiak dak harei dak rilo di Cong hoa dan chu Congo tuk dom kapul dunya daok kham merat daong pabak ka rahra. Tui kuhria, lac dalam 4 urang ye hu 1 urang dang anak bruk eik lipa. Taong paoh gauk meng phao karaong bhian rah tabiak saong yaom pandap mbang tagok glaong lac dom makna ngak rah tabiak bruk srau kadau praong ka an ninh pandap mbang di CHDC Congo.

Karja bang Tamil Nadu (Ấn Độ) birau ngak pachreih hatai urang tuk ba tabiak yai thuong 1 trieu USD ka thei langyah hu akhar vak meng kan di ilamo Thung lũng Indus. Ilamo Thung lũng Indus, daok hu meng labaih 5.300 thun di bhum taneh ini  di Tây Bắc Ấn Độ saong Pakistan. Ini lac sa dalam dom xa hoi do thi  aval abih di dunya, ralo lac urang ngak nong saong urang ikak kaiy pablei salih./.