Tui yaok kuhria di Mentri Y te, dalam thun 2024, urang njom ruak soi dalam negar  tagok samar dut saong thun dahlau. Dom tinh, ban hu urang njom yau ye: Đồng Nai, TPHCM, Bình Dương, Cà Mau… Mbiah tal ini, dalam negar  hu 13 urahg metai kayua ruak sởi, dalam nan ralo uranaih kayua ruak ini gam ruak karei, urang taha hu ruak dahlau dalam. Tui ong  Nguyễn Lương Tâm, Pho akaok Cục Y te caga ruak (Mentri Y tế), bruk ba tal jit ruak tamuh baoh soi tagok samar lac kayua bruk klauk jru klaih klaoh jit ruak COVID-19. Langiu di nan, daok ralo bruk karei ba tal: Sahaneng caga ruak di bhap; kurang jru; jien buh tame pacang caga, caga jit ruak yaok thun kurang, suai damuai…

Ban Thu Duc, Ban raya HCM kuhria bayar jien ka dom baoh sang hu taneh riya sang danaok pambak di danak dak Vanh dai 2 TPHCM dahlau tuk Tet nguyen dan. Ban Thu Duc ba tabiak bruk ngak tal quý II thun 2025 khin ngak pablaoh bruk peih paha mblang taneh piah jao ka po buh jien tame ngak danak dak. Danak dak Vanh dai 2 TPHCM nao tapa Ban Thu Duc atah jaik 6km, jien buh tame ngak abih tih jaik 14.000 ty ndong, dalam nan jien bayar ka mikva jaik 7.500 ty ndong.

Thun 2025, bruk ngak brei oh daok baoh sang taik halei taik tahak di tỉnh Vĩnh  Long peih ngak ka dom baoh sang urang dala sarak karja; baoh sang kathaot, jaik kathaot saong baoh sang urang bangsa takik gaok kan kandah ka sang daok. Tui kuhria mboh dahlau tukvak  peih ngak meng ini tal bilan 4 thun 2025. Ong Bùi Văn Nghiêm, Bí thư Tỉnh ủy Vĩnh Long caong khin tame ngak bruk di taong abih gah  chinh tri saong xa hoi, khik brei  ka dom urang hu sang daok siam mekre, tani tanat raidiuk, sahanang ngak mbang, duah jien tame dak harei dak ralo patagok.

 Huyen Châu Thành, tinh Soc Trang bahrau taduan Harak angan huyen mek hu tanut chuan palei pala bahrau di Thu tuong Rajaei. Ni lac sa bhum hu labaih sa mateh bhap bini bangsa takik, rai diuk daok kan kandah. Tapa 13 thun padak padang palei pala bahrau, huyen ngak hu 9/9 tanut palei pala bahrau, baoh sang kathaot rambah hu patrun daok labaih 1,7%...Tal ni Chau Thanh maong yau sa hala dok nao dahlau dalam bruk pakacah “Soc Trang pajum prein padak padang palei pala bahrau” di tinh.

Hoi dong Bhap bini tinh Kien Giang birau khan tapa sarak Kadung jien daong BHYT ka urang bangsa takik daok diukrai di bhum tapen negar. Tui kuhria mboh dahlau hu labaih 6.600 urang hu daong taong abih jien blei BHYT. Tukvak daong 2 thun, meng ini tal abih thun 2026, kuhria abih tih labaih 8 tỷ 300 trieu dong meng kadung jien karja. Sarak ini brei mboh bruk sangka kuhria  daong di Ndang saong Karja ka sarak BHYT, jeng hu daong mikva thau makna praong di sarak iek ruak BHYT.

Hadah page ni, di Madhir raya Hoang cung Nhat Ban pak ban ine Tokyo, Patao Nhat Ban, Bia Hoang hau saong dom urang gauk gan patao hu ngak adat tadhau ayuh thun bahrau 2025. Dalam panuac tadhau ayuh akaok thun 2025, Patao Nhat Ban hu mayai khan padrut padruai pahadar tal dom urang njauk bala taneh magei – rabuk ia sua kayua taneh magei biak catang di kaoh pulao Noto njauk di harei 01/01/2024 saong guan hajan praong di sajarah meng bilan 9 bahrau rah tabiak, ngan haong panuac tadhau ayuh siam makre salamat abih tal nagar Nhat Ban saong dunya.

Hadah page ni, di Madhir raya Hoang cung Nhat Ban pak ban ine Tokyo, Patao Nhat Ban, Bia Hoang hau saong dom urang gauk gan patao hu ngak adat tadhau ayuh thun bahrau 2025. Dalam panuac tadhau ayuh akaok thun 2025, Patao Nhat Ban hu mayai khan padrut padruai pahadar tal dom urang njauk bala taneh magei – rabuk ia sua kayua taneh magei biak catang di kaoh pulao Noto njauk di harei 01/01/2024 saong guan hajan praong di sajarah meng bilan 9 bahrau rah tabiak, ngan haong panuac tadhau ayuh siam makre salamat abih tal nagar Nhat Ban saong dunya.

Bruk ngak “ Pajeng ba tuai damuai tuk tet” thun 2025 di Trung Quốc kuhria meng harei 14 bilan 1 mbiah tal harei 22/2, dui atah dalam 40 harei. Tui kuhria mboh dahlau, dalam tuk “ Pajeng ba tuai damuai tuk tet” thun ini, Trung Quốc pajeng ba labaih 9 tỷ mbang tuia damuai, tagok labaih 7% dut saong tukvka ini thun dahlau. Piah bruk pajeng ba tuai damuai jeng yau jalan mbak hu salamat, Trung Quốc  brei pakhang bruk daong gah jalan mbak, ngak siam bruk pajeng ba, paglong bruk khik brei salamat jalan mbak, pasiam radaih pajeng ba tuai nao mai, kuhria caga bruk meyah hu bala rah tabiak, gam haong bruk pajeng pandap pandar oh kurang hu dalam tuk roya tet.

Pang ye lac karei, min oh huac hagait di langik la-an, dalam harei akaok thun bahrau, dom urang pak Italia thei thei jang cadau di ngaok tatua glaong trun kraong. Mikva daok di Ban ine Rome, Italia khan lac, bruk cadau trun ia kraong la-an tukvak akaok thun nan hu ralo patuah jamo, hu prein yava. Jang lac sa adat oh kurang di yaok sa guan tame thun bahrau bo manuac Italia daok khik ramik dom rai ini, nan tame harei thun bahrau, dom baoh sang parah klak abih dom kaya klak tabiak langiu. Kayua urang saneng lac, parah dom kaya klak yau “palao klak” dom kadha kanjah jhak oh hu patuah jamo di thun dahlau tabiak langiu./.