Di Mblang kapal ahaok par pakat dunya Phu Quoc, tinh An Giang, Mentri Ilamo, Pahat padhih saong Jirah rivang bahrau peih raya praong prang raok tuai damuai jirah rivang ka 20 trieu mai Viet Nam. Raya raok hu peih ngak praong prang, dalam tuai damuai ka 20 trieu hu alin kaya hu yaom jaik 500 trieu dong. Phu Quoc lac pasak jirah rivang tasik kaoh pulao naih gheih di Viet Nam, pataom ginup kein lagaih ka drap ar langik tasik, ha tang bahrau saong he sinh thai jirah rivang samu gauk, dak harei brei mboh prein ngak peih dom danak dak pakat negar saong dunya, pamaong tal APEC 2027.

Ban Can Tho birau kuhria iek veik taong abih Danak dak Khik ramik saong patagok drap ar ilamo oh mboh di meta bruk ngak meng kan “Bruk ngak ahar Pia”. Duah thau dom palei ngak, baoh sang pablei salih ahar bánh Pía di bhap bini di urang Hoa di dom xã Phú Tâm, An Ninh saong Thuận Hòa. Bruk ngak ahar Pía hu Metri Ilamo, The thao saong Yulit  ba tame Sarak angan Drap ar ilamo oh mboh di meta pakat negar meng thun 2020. Bruk pamong tal lac ba ahar bánh Pía hu jeng kaya biak bingi karei pablei ka tuai yulit dalam saong langiu negar. 

Harei raya Ilamo dom bangsa takik tinh Gia Lai lac sa dalam dom danak dak bo majam ragam ragu bangsa takik mbon palei Roh, phuong Pleiku tuk halei jeng rah tabiak saong pachreih hatai takre haong bhap bini. Nghe nhan Siu Thưm, Akaok kapul brei thau, piah ngak jeng sa majam ragam ragu bangi pang, bruk hu makna abih lac hlai sap yava di dom janih ragam ragu. Majam ragam ragu di mbon palei Roh hu ragam ragu T’rưng, ragam ragu pút, majam hlai tui yau hagar, caing, graong, chập chệ. Yaok ragam ragu hu sa sap yava karei, brei ka urang me-in oh lac tok thau me-in tani tanat bo daok hlai ragam ka lagaih, laik haong gauk piah ngak jeng sa kadha me-in bangi pang abih.

Tinh Dong Thap daok peih ngak  “Danak dak Urang taha umo pandar taka so, salih hijao, padang mbang ngui saong duah bruk ngak”. Dong Thap kham merat 50% urang taha umo thau pandar haluk camereip dom ilamo taka so. Mbiah tal thun 2035, tinh Dong Thap kham merat taong abih urang jakar, urang hoi, urang taha hu pathau khan, paglong jalan sahaneng salih taka so, salih pandar hacih, padang mbang ngui saong duah bruk ngak tapa dom bruk ngak mbang birau di urang taha umo. 

Jaik 30 angan je phở naih gheih meng grauk negar saong bhap bini mbang phở Viet di negar langiu bahrau pataom di Ban raya Ho Chi Minh, dui pachreih rilo rahra, tuai damuai saong dom urang ngak kaya mbang dalam negar, dunya hu mbaok tame. Oh lac hu mbang phở, tuai damuai daok hu tapak maong iek dom jalan ngak ahar, ia phở, ngak phở di tapak labik ka kaya mbang hu maong yau lac “kaya mbang hu angan” di kaya mbang Viet. Prein diuk di phở brei mboh cambaih laih tapa bruk kaya mbang ini dak harei dak hu pandar rilo dalam raidiuk kaya mbang dalam negar saong dunya.

Harei alin yai Oscar brei ba tagok YouTube meng thun 2029 salih ka bruk peih angaok Rayo ABC yau bhian mboh. Ini lac bruk salih jalan ngak birau oh ka bhian mboh di sa dalam dom bruk papar binguk di dunya. YouTube khik hu adat angan papar binguk di dunya ka bruk alin yai Oscar tal thun 2033. Alin yai Oscar peih angaok online oh mek jien di dunya angaok YouTube, langiu di nan daok brei ka urang tut angan YouTube TV. Danak dak hu ba sap rilo taneh ia gam nduac huroh akhar tui piah urang mbuan mong iek.

Trung Quoc bahrau ini hu ba tabiak pathau khan, peih dom jalan patagok bruk pasang iek salamat kaya mbang dalam bingun Tet Saka ia harei saong Tet Nguyen dan jaik tal, piah pacang khik prein yava urang blei pandar. Pathau khan pandar patagok bruk pasang iek di dom labik yau tadai kuan di sang bac, dom labik pabak kaya mbang, jhul khang bruk pasang iek ngan haong dom nen tang jao brei kaya mbang…Trung Quoc caong takre pasiam sa majam pacang khik catang, khik kajap rahra hu sa bilan raya puac thun salamat saong siam mekre.

Philippines brei peih sa labik ka tuai yilit daok cang tapa taneh ia ka klau saong yulit y te akaok meti di Mblang kapal ahaok Dunya Ninoy Aquino. Taong abih dom bruk salih birau nan mai ba kein laba ka tuai damuai, dalam nan hu dom baoh sang uranaih saong urang taha umo. Langiu di nan yaih khan dom labik danei angan Manila tal rilo tuai damuai jang, dom tour yulit nan ba mai kein lagaih ka urang ba tuai di bhum palei, dom doanh nghiep yulit  saong dom urang pabak jitvu pajeng ba./.