Viet Nam  pakauk ngak tabiak, pablei saong pandar pakao ndien tu. Mbang nyaom ka 8, Quoc hoi  brei tapa Sarak pakauk ngak tabiak, pablei, blei meng negar langiu tame, khik piah, pajeng ba, pandar pakao hala ndien tu, pakao hala pandiak, dom janih thak, asar ngak ghien, ngak jhak tal prein yawa anek manuac meng thun 2025, khik caga prein yawa bhap bini, salamat xa hoi. Gam haong nan, jhul pakhang bruk pathau khan, paglong jalan sahaneng di bhap bini, abih di nyu nan lac ngan haong dam dara, uranaih kanjiak jhak di alak, mbia, pakao hala.

Tui Mentri Kong an khan lac dalam harei padeih padei Tet saka ia harei thun 2025, dalam nagar hu 51 mbang rah tabiak bala jalan mbak, ngak matai 28 urang, njauk rabuis 35 urang. Njauk caik hatai lac, bruk manyum alak tapai peih radaih suan hukum tagok jaik 2.800 mbang; labaih 3.000 mbang peih radaih samar suan hukum; pajieng kaya pandap trak tapa adat 241 mbang…Gah Canh sat Jalan mbak saong Kong an dom bhum palei hu pasang iek, taong bhat jaik 13.600 mbang suan hukum; bhat jien jaik 28 ty ndong; chap mek labaih 2.600 bi-ar harak peih dom radaih.

Uy mban Mat tran negar Ban raya HCM birau peih bruk padang ngak, pasiam veik sang danaok bruk jak ba “ Daong gauk ngak brei abih baoh sang taik tahak di Banraya thun 2025”. Urak Ban raya urak ini hu 323 baoh sang kathaot, jaik kathaot njauk brei daong padang sang daok birau atau pasiam veik sang daok. Kuhria tui jien labaih 20 tỷ đồng, hu jak ba meng bruk rik daong di dom kapol nyaom, doanh nghiep saong bhap bini. Ban raya  kham merat ngak brei taong abih baoh sang oh daok taik tahak ka urang kathaot, jaik kathaot, kan kandah hu ginup hukum, salah dahlau harei 30 bilan 4 thun 2025.

Bilan ngak hamu padai - raong hadang thun 2024 tinh Ca Mau hu patagok labaih 37.100ha hadang ginraong hijao pagam haong ngak padai. Dalam nan, huyen Thới Bình ngak hamu di ngaok taneh raong hadang praong abih dalam tinh hu labaih 19.000ha. Lac sa pajaih mbuan si raong, jien buh tame ngak biar, mek hu kein laba glaong, nan bruk raong hadang ginraong hijao dak harei dak hu ralo mikva pilih ruah piah raong pagam haong ngak padai dalam bilan ia taba. Bruk cakrok di gha padai saong nerang daong ka taneh hu salih bahrau, pasiam ka bruk raong di bilan ia mbak anak tal. Kuhria rah tapa yaok sa hecta ngak hamu padai saong raong hadang ginraong hijao nan mikva mek hu kein laba jaik 80 – 100 trieu ndong sa thun.

Festival bingu Da Lat mbang ka 10 thun 2024 padeih blaoh hadei sa 1 bilan peih ngak. Bilan Festival bingu mbang ini, Da Lat pachreih hu  labaih 2 trieu mbang tuai damuai, jien mek tame kuhria  labaih 3.600 tỷ đồng, rik tame daong ka tỉnh ngak hu labaih dut saong bruk ba tabiak tuk taduan hu 10 trieu mbang tuai damuai dalam thun 2024. Dom labik birau di Festival bingu mbang ini  rik tame biak ralo siam ka bruk patagok bruk ngak mbang duah jien tame, ilamo, xa hoi saong yulit  ka Da Lat – Lam Dong.

Tong thong Indonesia Prabowo Subianto hu mbaoh harak ka bruk daong brah brei ka dom urang jien mek tame biar, yaok urang taduan hu 10 kg brah sa bilan. Danak dak daong brah hu dalam paok sarak kinh te di rajaei saong rik prein ngak cambaih laih ka dom kapul jien mek tame biar. Rajaei kham marat daong ka dom urang kamei ngak po sang kathaot saong dom urang umo taha daok metui.

Dom urang jakar pakat glong di Tổng thống Hàn Quốc ndem puac lac ong Yoon Suk Yeol hu payua harak likau padeih abih bruk ngak di ong dalam harei akaok thun birau. Hu panuac lac, quyen Tong thong Choi Sang-mok  oh taduan  harak  likau padeih bruk kayua tuk ini daok pataom tame ngak brei  patagok kinh te saong tani tanat  dom bruk di taneh ia. Tòa án Hàn Quốc brei adat chap mek Yoon Suk Yeol saong ini lac hukum chap mek camereip ngan haong sa tong thong daok ngak bruk.

Sa sruh kapal gilai pajeng manuac panduan nao labik karei gaok bala karam trun tasik di ngaok jalan nao meng Libi tal Italia. Tok hu 7 urang hu duah mboh, 20 urang karei daok lahik. Tui Gah Di cu Dunya khan lac, bhum pusak Dia Trung Hai nan lac jalan panduan nao labik karei ngaok tasik meng Chau Phi saong Chau Au lac sa jalan dalam dom jalan mbuan gaok bala abih di dunya, kuhria meng thun 2014 tal urakni hu jaik 24.500 urang lahik oh ka duah mboh atau plang lahik./.