khaw tin 19g harei suk , 16-1-2015 saong 6g30 harei thanecar 17-1

/ Pa-uan Tết Nguyên đán anek sak pabe thun 2015, Liên đoàn Lao động tỉnh Thanh Hóa hu buh tabiak 1 tỷ 800 triệu đồng meng kadung jien “Boh sang công đoàn dong ka đoàn viên”  piah daong ka urang ngak gaok kan kandah gah sang daok hu tani tanat rai duik, sahanang hatai ngak bruk, dong tame bruk patrun kan kathaot di tỉnh. Langiu di nan, Liên đoàn Lao động tỉnh Thanh Hóa hu dong jien piah pasiam sang dok, ngak sang ka 35 đoàn viên công đoàn di Liên đoàn Lao động dom huyện, ban sit, công đoàn ngành ngan song yaom jien 1 tỷ 200 triệu đồng.

# Di ban sit Đồng Hới, Sở Công thương tỉnh Quảng Bình barau peih Nyom darak Xuân Ất Mùi Quảng Bình thun 2015. Tame nyom darak hu labaih 350 gian hàng di jaik 200 doanh nghiệp dalam saong langiu tinh. Dom janih pandap hu mbaok dalam nyom darak lac pandap mbang menyum, khan ao, takhaok, pandap thu cong my nghe, pandap kayau, pandap ban gia truyen, dien tu, dien lanh,  dịch vụ giải trí, bingu, phun cảnh saong dom janih pandap karei pabak ka bhapbini raok tet. 

 / Thun 2015, ban sit Đà Nẵng peih bruk pakacah “thun ilamu, văn minh đô thị”, kham merat padang Đà Nẵng jeng sa ban văn minh, sa ban chreih chrai song njauk daok. Ong Trần Thọ, Bí thư Thành uỷ Đà Nẵng  brei thau:  Chỉ thị 43 tok ngak hu tuk hu bruk njauk hatai peih ngak di tong abih bhap bini dalam ban, dalam nan hu bruk ba akaok nao dahlau di urang pan akaok dom pakat. Tong abih bhap bini njauk hatai peih ngak, yaok gah jeng peih ngak

# Uỷ ban bhapbini tinh Phú Yên barau parabha 4,8 tỷ đồng meng kadung jien karja piah daong 336 sang kan kathaot padang sang daok pacang plaih xua ribuk dalam thun  2015 tui Quyết định ka 48/2014/QĐ-TTg harei  28/8/2014 di Thủ tướng rajaei. Maong tui sang saong labik daok, yaok sang hu karja daong meng 12 tal 16 triệu đồng.

/ Ban sit Đà Lạt, tỉnh Lâm Đồng lac labik pala bingu cúc siam di abih dalam taneh ia. Urak ni urang dok di labik ni dok kham merat iek glang bingu hu chất lượng glong, tamuh rak njauk tukvak piah pabak ka darak pasa tết Nguyên đán anek sak pabe. Ong Nguyễn Hữu Lộc, sa urang nong pala bingu di palei Thái Phiên,  phường 12, ban sit Đà Lạt.lac: Thun ni bingu siam, njauk tuk tết. Kayua hu pajaih siam, hu điện, song langik lagaih. Meyah lingik oh lagaih, bingu suai rak, daok meyah rak aval ye sa adit nyu khut.

 # Sở ngak nong saong patagok palei pala tinh Tay Ninh pambuak bruk saong dom gah chuc nang daok ba 486 sang tabiak truh taneh glai, piah daong ka dom sang nan salih bruk ngak, tani tanat raidiuk; pacang cakak bruk jah tak glai, meblah taneh glai ngak puh. Yaok sang panduan nao hu tinh ba tame dom cum dan cu barau padang di dom huyen  Tân Biên, Tân Châu, Dương Minh Châu. Tanut daong 30 triệu đồng, brei 400m2 taneh daok. Dalam thun 2014, tỉnh Tây Ninh ba hu 618 sang tabiak truh taneh glai.

/ Ban sit Cần Thơ bahrau peih ngak danak dak sang dok XH chung cư An Bình di phường An Bình, quận Ninh Kiều, ban sit Cần Thơ. Ni lac danak dak sang dok XH camereip abih di quận Ninh Kiều, kayua Công ty Đại Nam Sơn ngak po đầu tư. Dự án hu peih ngak piah pabak sang dok ka menuac urang, boh sang hu jien mek tame takik, dom urang hu dong sang dok tui sarak di karja. Tui kuhria hu ngak salah bloh dalam 3 thun.

Khaw tin dunya

# Nhật Bản saong Trung Quốc barau njauk gauk brei padang sa jalan taom gaok đặc biệt piah patrun patakik bruk mbuan rah tabiak srau kadau angaok tasik saong angaok lingik, akaok mintri Quốc phòng Nhật Gen Nakatani brei thau. Jalan taom gaok đặc biệt ini hu bruk padang jalan talei pandiak di kapul  khik iek tasik Nhật Bản saong cảnh sát tasik Trung Quốc.

/Gah ngak chính trị saong menuac sia di Mỹ biak pok meyaom panuac khan di karja Tổng thống Barack Obama (Ba-rắc Ô-ba-ma) brei pacadu bruk nao mai saong pablei salih hong Cuba meng harei 1/6, ni lac jalan ngak patui di bruk pambuak veik talei rohim di 2 negar dok jiak taphia gauk hadei di meteh abhap pacang cakak, cấm vận./.

# Sa kapal pajeng tuai damuai di kraong nao meng  Cộng hòa Dân chủ Công-gô njauk pui khuah saong ta-bleik tuk tal tỉnh Kô-an-gô (Kouango), gah meraong taneh ia Cộng hòa Trung Phi. Jaik 100 urang angaok kapal plaong trun ia saong lahik. Urak ini karja labik nan oh ka brei thau cambaih hadom urang metai lihik di mbang njauk bala ini.