# patui veik mbang nao ngak bruk pak dom tỉnh gah kreh negar, Phaok Thủ tướng Raja-ei Hoàng Trung Hải bahrau nao pasang iek tapak saong tacei pato bruk pacang caga tua riya pandiak bhang pak huyện Cam Lâm, tỉnh Khánh Hòa. Ini lac thun pandiak bhang trak abih dalam 10 thun jaik mai ini saong tui kuhria meda pandiak bhang tal bilan 9 tuk hu hiện tượng El Nino. Phaok Thủ tướng Hoàng Trung Hải ndom lac: Biak di nyu dalam 10 thun meng blaoh, drei mboh dak thun dak bhang pandiak ralo jang, njauk gam gam nao pacang caga bhang pandiak. Bruk  điều tiết binek kavei padang aia, pandar ia hu liên vùng, jeng oh ka siam, oh ka khoa học. Bruk pandar aia patak pataom, điều hòa pandar aia nan lac njauk ba tabiak samar drah, điều tiết cung cầu, aia brei ka pala drak, aia brei ka sinh hoạt, oh caik ka  bhap bani kurang aia.

# Pachreih tui bruk tukvak baoh taneh, kapul dam dara Tập đoàn Điện lực Việt Nam (EVN) pambuak bruk saong Huyện đoàn Than Uyên barau peih ngak danakdak pala phun khik caga alam moi truong di Công ty Thủy điện Bản Chát, huyện Than Uyên, tỉnh Lai Châu. Bruk ngak ini piah paglaong akaok hasaneng di bhapbini saong brei mboh bruk sangka di dom urang ranaih umo di  Tập đoàn EVN dalam bruk khik caga alam moi truong pamaong tal bruk cakrok khang kajap. Bruk daok pamaong tal nan lac yaok urang doan, dam dara pataom tame pala saong pasang iek takik abih 1 phun dalam thun ini.

# Ủy ban Bhap bani tỉnh Phú Yên bahrau parabha 60 tỷ đồng phun jien trái phiếu Raja-ei thun 2015 daong padang ngak cơ sở hạ tầng ka dom xã peih ngak danak dak bruk ngak Pakat negar padang ngak palei pala bahrau. Phun jien nan hu buh brei dahlau ka dom xã biak kan kandah piah patui veik daong padang ngak dom công trình yau darak palei pala, sang ilamo, sang bac, balai y tế, labik pataom caik hareik, aia pandar.

# Tal urak ini, dhar Gilang pariak sarak karja tinh Gia Lai hu brei mesraiy abih tih jaik 2.800 tỷ đồng, rilo jang jaik 200 tỷ duk saong akaok thun 2014, rilo meng lac phun jien cân đối meng Trung ương. Hu jaik 140.000 sang kan kathaot rilo meng lac bhapbini bangsa hu mesraiy jien piah patagok pala drak, piah tani tanat saong paglaong raidiuk. Meng phun jien ini, hu rilo sang yam tagok ngak kaya meda.

# Pak Khu Công nghiệp Đông Xuyên, bal Vũng Tàu, Mban tacei pato Adit pakat negar An toàn, Vệ sinh lao động – Pacang caga patuh khuah Trung ương pambuak haong Ủy ban Bhap bani tỉnh Bà Rịa –Vũng Tàu bahrau peih Adit pakat negar An toàn, Vệ sinh lao động – Pacang caga patuh khuah mbang ka 17, thun 2015. Adit pakat negar An toàn, Vệ sinh lao động – Pacang caga patuh khuah thun ini hu angan: “Yaok doanh nghiệp, urang ngak chủ động dom jalan pacang caga tai nạn lao động, ruak nghề nghiệp saong patuh khuah piah pacang khik ka drei, doanh nghiệp saong xã hội" piah pok sap iew urang ngak ba tangin tame peih ngak siam bruk an toàn, vệ sinh lao động, pacang caga patuh khuah, pamong tal bruk cakrok patagok khang kajap.

# Bộ Tư lệnh Vùng Cảnh sát tasik 4 pambuak bruk saong Viettel Kiên Giang saong Đoàn sang bac Trung học cơ sở Lê Qúy Đôn barau peih mbang pakacah “ Adei anit tasik pulao palei negar”. Mbang pakacah hu 40 kadha tangi sua trắc nghiệm ka Công ước dunya ka Hukum tasik 1982, hukum tasik Việt Nam  thun 2012..v..v.. Adei Lê Thị Như Ý, anek saih tan bac 6/6 sang bac  Trung học cơ sở Lê Qúy Đôn brei thau hatai sahaneng di drei : Dahlak mboh mbang pakacah ini biak siam ka anek saih sang bac kol dahlak. Dahlak thau hu rilo kadha jang, hu mein bui sambai, hu rilo kein lagaih ka kol dahlak. Dalam bộ môn sajarah jeng hu ndom ka tasik, pulao saong dahlak biak takre bộ môn ini.

 # Pak xã Khánh Hòa, bal sit Vĩnh Châu, tỉnh Sóc Trăng bahrau peih pakak ngôi Chánh điện baha Sêrây Ratanavong Bưng Tung. Công trình hu trang trí dom baoh phù điêu meng kan di bhap bani Khmer ngan haong yang kamei Keyno bệ đỡ mái chánh điện; tabung chánh điện hu tauk kiak haong hình tượng inegirai par angaok langik ngak brei mekre jang kadha siam geih kiến trúc Khmer Nam Bộ. Chánh điện hu padang ngak angaok mblang taneh labaih 167m², saong yaom jien abih tih labaih 2 tỷ đồng.

Khaw tin dunya

# Lễ hội darak melam Asean – Đông Nam Á lac sa bruk kayua Quỹ Asia-Niu Di-lân Foundation, Hội đồng ban Oe-linh-tơn saong Đại sứ quán dom taneh ia Asean di Niu Di-lân pambuak bruk peih ngak dua thun sa mbang piah yaih khan dom ilimo saong bruk mbang menyum di 10 taneh ia Asean. Dom taneh ia Asean jeng hu ba mai ka Lễ hội darak melam Asean – Đông Nam Á dom kadha dah tamia mengkan di bangsa drei. 

 # Melam 15/3, apui khuah rah tabiak angaok tháp chuông di tu viện klak hu meng abap 16 Nô-vô-đê-vích (Novodevichy) pak bal ine Mát-xcơ-va, dalam Liên bang Nga. Urak ini oh ka hu manuac urang halei njauk rambuis hu brei thau hadei di mbang khauh. Tu viện Nô-vô-đê-vích nan lac sa dalam dom labik pachreih tuai damuai du lịch abih pak Mát-xcơ-va. Thun 2004, tu viện ini hu UNESCO pok brei angan lac inem kraung dunya.

# Yaok rituh urang juak ridaih oh cuk khan ao di jalan ban ne Lima (Pêru) piah pachreih hatai sangka di menuac urang ka quyen loi di urang juak ridaih saong urang nao takai. Dom urang nan hu juak ridaih di angaok jalan 5 kilômet di Lima, piah ba tabiak panuac lac, dom urang ndik ridaih ôtô njauk  tôn trọng urang ndik ridaih juak saong ieu jhul pakhang dom sarak than thien saong ridaih juak, ramik pasiam jalan nao mai công cộng di Lima./.