Khaw tin bair harei 16-4 -2015

# Phaok Thủ tướng Rajaei, Akaok mentri Ngoại giao Phạm Bình Minh saong kapul ngak bruk hu van ngak bruk haong urang dang akaok tỉnh Kiên Giang ka bruk pachreih urang negar lingiu buh jien tame ngak mbang, bruk pandar phun jien ODA pak Kiên Giang saong bruk khik iek tapen negar, bruk phân giới, cắm mốc biên giới Việt Nam – Campuchia.  

# Thủ tướng rajaei barau phê duyệt Đề án salih barau danakdak, tapuk giao khoa pato megru phổ thông tui jalan patagok phẩm chất saong năng lực, patagok khả năng ta eng bac di anek saih. De an salih barau Danakdak saong tapuk giao khoa barau hu dak padang tui jalan pok glaong pato pakai anek menuac ngan saong pato pakai akhan, pasram, patagok gam pham chat saong nang luc; sangka pato hatai ranam taneh ia, hatai tự hào bangsa, đạo đức, nhân cách, bruk daok dang; pasang iek, boi duong nang khieu saong dinh huong bruk ngak ka yaok anek saih; paglaong nang luc ngoai ngu, tin hoc saong dom ky nang song, ngak bruk dalam tuk mbeik drei tame dunya.

# Kapul ngak bruk di bal Hà Nội kayu ong Phạm Quang Nghị, Ủy viên Bộ Chính trị, Bí thư Thành ủy Hà Nội dang akaok kapul hu nao rivang saong ngak bruk pak tỉnh Hòa Bình. Pak van ngak bruk, lambaok urang dang akaok 2 tỉnh, bal  hu ginum biai dom kadha yau: klah rabha ilamu khik iek Karja dalam bruk ngak nong, pato megru, y tế, patagok bruk pablei salih, du lịch; klah rabha ilamo dak padang dom đề án, danak dak, sarak daong patagok bruk ngak nong tui jalan công nghệ glaong, dịch vụ, pachreih urang buh jien tame ngak mbang saong patagok bruk pablei salih;… 

# Sở ilimo padhih saong du lich tỉnh Yên Bái barau bruk ginum biai tapak saong bhapbini ngan saong kadha “ paglaong chat luong bruk bhapbini jum pataom dak padang raidiuk ilimo”. Ông Nguyễn Văn Tiến, akaok Sở ilimo padhih saong du lich gam saong akaok haduk chuyen javap caloi 27 kadha tangi sua di bhapbini ka dom bruk ye : bruk dak padang, pilih pok dom sang ilimo di labik bhapbini daok; dak padang sang ilimo ka dom puk palei bhum glaong, bhum ceik kan kandah; bruk tảo hôn...

 # Ngan haong kadha “Ngak tabiak, pablei salih, blei pandar njam, rilo siam hacih”, Bilan ngak kayua chất lượng vệ sinh an toàn thực phẩm thun ini hu gah y tế tỉnh Sơn La peih ngak ngan haong ralo bruk ngak hu mboh di anak meta. Kadha praong nan lac pathau khan, jak ba, tacei pato jalan ngak mbang, sơ chế, khik piah saong blei pandar. Peih ngak siam dom quy định ka bruk pandar jru khik caga phun pala, jru thú y, hacih sa-at labik ngak, pandap ngak... 

# Di huyện Chư M’Gar, mBan tacei pato an toàn hacih saat mbang menyum tỉnh Đắc Lắc peih ngak bilan ngak bruk kayua an toan mbang menyum thun 2015. Di bilan ini, gah chức năng tỉnh Đắc Lắc peih ngak rilo bruk piah urang ngak, pablei salih saong urang blei thau cambaih jang ka pandap mbang menyum an toan saong pandap mbang menyum oh an toan, piah hu trach nhiem jang ka bruk khiuk caga hacih an toan mbang menyum.

 # Peih bruk rami ramik, salih bahrau saong patagok bruk ngak nong, ngak glai dalam karja saong sarak hukum ka khik iek saong pandar taneh riya, tỉnh Tuyên Quang hu pasang iek veik, brei mek veik labaih 24.450 ha taneh (glai sản xuất, glai phòng hộ, pala phun lavik thun...) di dom công ty nông, lâm nghiệp pok jao ka dom puk palei khik iek, ba pandar.  

Khaw tin dunya

# Ngoại trưởng Nga Xéc-gây La-vrốp (Sergei Lavrov) barau hu panuac lac, taneh ia ini kuhria caga pambuak bruk saong Áp-ga-ni-xtan piah tani tanat bruk ngak, jeng ye pambuak bruk saong dom doi tac di dunya karei di mbang mesruh khủng bố di taneh ia Trung Á ini. Khan brei thau di mbang gaok saong Trợ lý Tổng thống Áp-ga-ni-xtan ngan bruk gah an ninh taneh ia Ha-níp Át-ma (Hanif Atmar) daok ravang Nga, ông La-vrốp brei thau, Nga halan hatian brei dom viện trợ ka Áp-ga-ni-xtan piah tani tanat bruk taneh ia daok kan kandah. 

# Trung Quốc brei thau, patagok kinh tế di negar ini dang veik dalam quý 1 thun ini. Tui Cục Thống kê negar Trung Quốc, patagok GDP meng bilan 1 tal abih bilan 3 thun 2015 hu 7%, trun dut haong quý 4 thun dahlau saong hu tanut patagok suai abih dalam 6 thun tapa. Yaom taneh riya daok patrun pak dom bal saong đầu tư suai gilac pak khu vực bất động sản. darak pasar sang danaok taneh riya oh ka mboh patagok veik, yaom lac dom jalan ngak jaik di ini di raja-ei yau cakak trun jien laba, peih talaih dom quy định piah pachreih bruk pablei salih sang danaok, taneh riya.

# Ban Thư ký Hiệp hội dom taneh ia Đông Nam Á (ASEAN) barau brei thau, ông Kyle O'Sullivan (Cai Ô'Xu-li-van), Đại sứ barau di Cộng hòa Ireland hu ba tagok harak ủy nhiệm tagok Tổng Thư ký ASEAN Lê Lương Minh, dang labik dang Đại sứ, akaok phái đoàn đại diện thường trực di Cộng hòa Ireland di  ASEAN. Tổng Thư ký Lê Lương Minh pok meyaom bruk sangka di rajaei  Ireland dalam bruk ngak tui talei pambuak bruk khang saong caong khin jhul pakhang talei pambuak bruk kinh te saong ASEAN, gam dua gah saong dalam khuôn khổ ASEAN-Liên minh châu Âu (EU)./.