Khaw tin bair harei 17-3-2015

# Thủ tướng raja-ei Nguyễn Tấn Dũng jao ka Mentri Y tế dang tabiak, pambuak haong Bảo hiểm Xã hội Việt Nam tacei pato bruk tổ chức  iek ruak dalam dom harei lễ, harei padeih saong thanh toán Bảo hiểm Y tế piah palagaih ka dom urang hu bruk ngak biak karei yau ngak bruk tui ca, ngak bruk oh padeih hu harei lễ, harei padeih saong dom cơ sở y tế  njauk quá tải.

# Harei 17-3,  di ban sit Cần Thơ,  Ban tacei pato Tây Nam bộ peih nyaom giao ban 3 Ban tacei pato Tây Bắc, Tây Nguyên saong Tây Nam bộ. Tapa dom bruk di mbang nyaom ini, 3 Ban tacei pato brei patabiak rilo danakdak pasang iek dom puk palei biên giới piah pataom iek veik bruk, ngak dom harak pathau khan duh ka nyaom biai giao ban di kreh bilan 7 thun ini.

# Tỉnh Quảng Bình daok samar parabha labaih 1.200 tấn brah hu raja-ei daong brei dalam tukvak cang yuak thun 2015, daong ka bhap bani dalam  tỉnh grap tanat rai diuk. Amuk Nguyễn Thị Kim Oanh, Akaok duk Bảo trợ xã hội, Sở Lao động Thương binh saong Xã hội tỉnh Quảng Bình brei thau: Meng blaoh Ủy ban bhap bani tỉnh jeng hu quyết định parabha brah, Sở Lao Động Thương Binh Xã Hội jeng hu pambuak bruk haong Chi cục khik piah pakat negar labik Bình Trị Thiên kham merat ngak salah blaoh bruk daong brah dahlau di harei  1 bilan 4 tal )

# Barau akaok bilan 3 bo bhapbini di tỉnh Quảng Trị daok dang anak bruk thu lagu biak khang. Tua riya dui atah dalam rilo bilan tapa ngak kan kandah ka bruk ngak mbang ngak huak di mikva saong daok ngak ka rilo hecta phun pala mbuan si metai abih, abih di nyu nan lac di bhum ceik. Saai Hồ Văn Đa, palei A Mô Rơ, xã A Xing, huyện Hướng Hóa brei thau : “Thun ini tua riya mai drah lo, ia oh ginup pandar. Urak ini hamu jeng oh hu ia, padai oh tamuh hu; kol dahlak njauk buic phun padai piah pala phun karei. Min, urak ini jeng oh thau pala phun hagaiyt piah hu kein laba.. Meyah tua riya daok dui atah ye oh ginup mbang.

 # Sở Ngak nong saong patagok palei pala tỉnh Tây Ninh daok peih phun jien 40 tỷ đồng meng kadung jien karja tỉnh piah daong oh mek veik ka dom doanh nghiệp buh jien tame ngak ngak gah patagok ngak nong, palei pala thun 2015. Dom gah hu tỉnh daong dahlau phun jien dalam thun ini nan lac: pala glai, khik caga glai, pala phun jru; pajaih kaya ikan; raong athur, menuk ada,kaya ikan dalam aia...v..v.

 # Anek saih kumei njauk rilo ayut taong di Trà Vinh barau taduan hu quyết định tame bac di sang bac quốc tế Canada, ban raya Hồ Chí Minh. Taong abih jien bac da-a, mbang, daok  kayua sang bac bayan abih mbiah tal bac tamat tan bac 12. Urak ini hatai adei daok hu siam mekre, tani tanat veik.

 #  Akaok Ủy ban bhap bani tỉnh Cà Mau hu mboh tangin tame Đề án ngak iek brei pah glai piah sản xuất saong ngak du lịch sinh thái. Đề án hu peih ngak dalam quý II/2015. Tui nan, tỉnh meda caik tabiak 700 ha glai daok dalam glai pakat negar Đất Mũi brei pah dalam 3 thun. Hadei di 3 thun njauk thanh lý hợp đồng piah ngak hợp đồng bahrau meyah caong khin ngak veik.

Khaw tin dunya

#  Harei pataom pandap mbang menyum di Phap mbang ka sa meda rah tabiak di ban ine Viêng Chăn (Vientiane)-Lào dalam dua harei 19-20/3. Harei pataom hu yaih khan dom pandap mbang Phap hu ngak meng dom nguyen lieu di Lào. Langiu di nan, tuai damuai daok hu menyum alak vang Pháp danei angan di dunya.

# Pambuak tal bruk bhap bani Việt Nam daok pak Va-nu-a-tu hadei di tuk negar ini njauk ribuk “Pam” ngak tayah tayac di harei 13/3, Mentri Ngoại giao hu tacei pato Đại sứ quán Việt Nam daok pak Ô-xtrây-li-a kiêm nhiệm Va-nu-a-tu khan brei ka bhap bani Viet Nam daok ngak mbang saong ngak bruk pak Va-nu-a-tu thau piah hu jalan pacang caga, plaih ribuk ka nyu siam, taphia di nan liên hệ chip haong Đại sứ quán Việt Nam daok pak Ô-xtrây-li-a kiêm nhiệm Va-nu-a-tu atau dom jabat chức năng daok pak nan meyah caong hu bruk daong chip.

# Truyền thông Trung Quốc harei 16/3 brei thau, taneh ia ini meda patabiak bruk peih ngak dom sáng kiến  Vành đai saong baoh jalan, kadha praong dalam sarak đối ngoại di Bắc Kinh thun 2015, di Diễn đàn châu Á Bác Ngao puac bilan ini. Bruk peih ngak hu gam angan cambaih laih dom danakdak  dự án hạ tầng praong nan lac: jalan ridaih pui, jalan mbak, công nghệ năng lượng saong thông tin jeng ye dom labik công nghiệp praong meda peih ngak dalam dom thun tal.