Khaw tin bair harei 17-4-2015

./Dalam tuk taneh ia daok pamaong tal bruk pahadar 40 thun peih paha gah meraong, yasa taneh ia, biar harei 16/4, akaok negar ong Trương Tấn Sang hu mai rivang miuyim “urang lin cách mạng njauk kreik mek” di palei Nam Quất, xã Nam Triều, huyện Phú Xuyên, Hà Nội saong hu mbaok tame lễ kỷ niệm saong dom urang taha dahlau deih ngak cách mạng, urang dahlau deih ngak bol lin, lambaok kapul urang lin cách mạng njauk kol khamang mek kreik di dom tỉnh ban saong rilo bol bhap rahra dalam palei

# Di Hà Nội, Ủy viên mintri Chính trị, akaok Ủy ban Trung ương Mặt trận negar Việt Nam Nguyễn Thiện Nhân hu ngak bruk saong Hội Nhà báo Việt Nam. Ông Nguyễn Thiện Nhân taong yaom glaong dom bruk ngak hu di Kapul dalam bruk pasram, paglaong ilamu di urang vak báo; paglaong chat luong, kein laba giai bao chi pakat negar; bruk khik caga quyen, njauk hukum di Hoi vien; paglaong dom bruk đối ngoại saong pambuak bruk di dunya…Dalam tukvak tal, Hội Nhà báo Việt Nam saong dom gah bao chi dalam taneh ia pataom tame ngak siam quy hoach patagok saong khik ramik bao chi VN; pamaong mai co so, pasang iek pathau khan, pachreih ba, peih praong dom jalan ngak barau, jalan ngak gheih; ramik pasiam bruk ngak suan…

./Di Hà Nội bahrau rah tabiak bruk mbaoh tangin tame danak dak bruk ngak pambuak talei rohim di rayo sap ndom VN haong sang iek ruak Trung ương Quân đội 108. Tui nan, rayo sap ndom VN pambuak bruk saong daong ka sang iek ruak Trung ương Quân đội 108 pathau khan, yaih khan dom bruk ngak hu di sang iek ruak. Brei thau dom danak dak iek ruak, brei jru ka urang ruak kan kathaot, dom urang dalam sarak karja daok di bhum atah bayah… Sang iek ruak Trung ương Quân đội 108 daong ka rayo sap ndom Việt Nam dalam bruk iek glang pren yava ka urang jakar, urang vak, biên tập viên, kỹ thuật viên, nghệ sỹ di rayo. 

# Gam saong ban raya Hồ Chí Minh, tỉnh Quảng Trị hu Cục ilimo cơ sở - mintri ilimo padhih saong du lich pilih ruah ngak labik peih ngak harei pataom nghe thuat quan chung kadha daoh cach mang dalam tuk pahadar 40 thun harei peih paha gam meraong, yasa taneh ia. Ngan saong kadha “ Giai dieu to quoc”, kapul nghe thuat quan chung dom tinh, ban hu caga dom tiet muc gheh pok meyaom puk paga, plaei negar, anek menuac VN, pok meyaom bruk mesruh metak cach mang di bhapbini drei.

./Ong Hoàng Đăng Quang - Phó Bí thư Thường trực Tỉnh ủy, akaok kapul urang QH tỉnh Quảng Bình bahrau taduan raok ongng Xay-xổm-phon Phôm-vi-hản, Phó akaok Quốc hội Lào. Tapa nan, dua gah hu ndom biai dom kadha pambuak tal bruk kinh tế xã hội, quốc phòng an ninh. Tukvak tapa, tỉnh Quảng Bình tuk halei jeng khik hu talei pambuak bruk siam mekre haong dom tỉnh di taneh ia Lào; yaok thun jeng hu taom gauk ginum biai piah khan brei gauk thau dom bruk, dom kadha, ba gauk peih ngak dom jalan patagok kinh tế xã hội.

# Kapul pasang iek liên ngành huyện Núi Thành, tỉnh Quảng Nam barau mboh hu radaih ô tô tải biển kiểm soát 92C 04071 pajeng labaih 2,5 mét khối kayau thông nhựa. Công an huyện Núi Thành hu ngak bien ban mek khik labaih 2,5 mét khối gỗ thông nhựa gam radaih ô tô tải saong rilo tang vật karei piah điều tra, langyah.

./Kapul khảo cổ Ấn Độ kayua ong Rakesh Tewari - Giám đốc Cơ quan khảo cổ Ấn Độ pan akaok bahrau hu var ngak bruk haong Ủy ban nhân dân tỉnh Quảng Nam ka bruk pasiam bimaong klak Mỹ Sơn, huyện Duy Xuyên. Tapa nan, dua gah njauk gauk dom asal kadha praong ka bruk pasiam dom bimaong klak dalam Khu di tích Mỹ Sơn daok mbaih mboh trak. Bruk nan hu peih ngak tui Biên bản hadar kanal di 2 rajaei VN saong Ân Độ, khik ramik saong pasiam dom công trình kiến trúc Chăm di Mỹ Sơn. 

Patui di ini lac khaw tin dunya

# Di Tòa Đại hình Pháp daok di ban Evry, bhum Essonne barau rah tabiak mbang xử akaok mereip bruk bhapbini urang Pháp asal Việt angan Trần Tố Nga – urang njauk jru mek kalik kruac kayua bol bala Mỹ prai trun Việt nam – yak bak dom công ty hóa chất di Mỹ. Ini lac mbang điều trần di dom luật sư di amuk Nga dalam bruk yak bak saong 24 luật sư di 12 công ty hóa chất di Mỹ. Daok nguyên đơn lac amuk oh hu mbaok dalam mbang xử akaok mereip ini.

./Sa mbang ribuk cuah khang tuh tame Hòa Điền (Hetian) dalam Khu tự trị Tân Cương, gah Tây Bắc Trung Quốc. Ribuk cuah nan nyu ngak sup abih labik Hòa Điền, maong atah oh tal 10 mét. Takik di nyu 300 sang camin pala njam patam di labik ini njauk tayah tayac jaik abih. Tui gah dự báo khí tượng di Hòa Điền, lingik thur mur daok dui atah tal harei 20-04 tal, saong kakei menuac sia takik tabiak lingiu. 

# Mintri Nội vụ Thái Lan barau họp báo brei thau urang metai kayua bala jalan mbak dalam dom harei tết cổ truyền Sổng-kran (Songkran) thun ini di Thái Lan. Hu tal  364 urang metai dalam tuk tết di Thái Lan, dalam dom urang nan hu tal 70% urang metai lac kayua oh me om nduan bao hiem tuk ndik ridaih patuh. Thun ini jeng brei mboh, jaik 40% mbang njuak bala jalan mbak hu makna kayua urang ndik radaih menyum alak, saong labaih 80% dom mbang bala hu pambuak tal ridaih patuh. Thun ini, urang njauk bala metai saong bi thuong tuk tết glaong jang duk saong thun dahlau saong dom urang hjakar ngak praong di Thái Lan lac sa áp thấp saong hu hajan di rilo labik lac makna ba tal bruk hu rilo urang njauk bala jalan mbak.