Khaw tin bair harei 18-3-2015

/ Mintri ngak nong song patagok palei pala bahrau hu harak pathau khan tagok THủ tướng rajaei ka “ Đề án Patagok angan je brah VN tal thun 2020 song pamong tal thun 2030”. Đề án nan hu peih ngak dalam negar, pataom tame ka bhum taneran krong CL.  Đề án hu peih ngak cambaih laih dom danak dak ưu tiên piah patagok angan je brah VN di 3 pakat: negar, bhum palei saong DN -  sản phẩm

# Pagaiy 18-3, mintri pato megru hu tacei pato on thi pakat bac 3 pakat negar thun 2015 payua dom Sở pato megru. Mintri pandar dom Sở peih bruk bac quy chế pakacah tamat pakat bac 3 pakat negar ka urang jakar, gru pato, anek saih, brei thau quy chế pakacah tal amaik ame, kuhria caga siam dom điều kien piah peih ngak quy chế. Mintri pato megru jeng hu panuac pandar oh peih bruk phát hanh, kateik greik anek saih blei dom tài lieu tham khao jeng ye dom baoh tapuk on tap mbang pakacah pakat bac 3 pakat negar.

/ Dalam bilan 4 anak tal, gilang pariak ngak nong song patagok palei pala Quảng Ngãi hu caik 01 jamriak suak jien tự động ATM di angaok palao Lý Sơn piah duh ka tuai damuai. Bruk ba jamriak ATM tabiak palao dalam tukvak ni hu dong patrun bruk giao dịch di quầy di dhar gilang pariak ngak nong song patagok palei pala di angaok palao, ba mbuan lagaih ka bhap bini dok di labik ni song tuai damuai dalam bruk suah jien tuk tabiak palao rivang main padeih padei.

# Pagaiy 18-3, parang iek Hàng hải - INMEX Vietnam 2015, hu mbaok labaih  300 doanh nghiệp mai meng 20 taneh ia saong bhum lãnh thổ barau rah tabiak di pasak nyom darak saong parang iek Tân Bình ban raya Hồ Chí Minh . INMEX Vietnam lac parang iek hàng hải praong abih di Việt Nam, peih ngak 2 thun sa mbang, parang iek dom pandap pambuak tal ngak kapal, dich vu saong ky thuat. Di var parang iek ini, hu rilo labik pandap hu angan di Ha Lan, Na Uy, Singapore, Việt Nam, Hàn Quốc, Anh, Nga saong Trung Quốc.  

/ Cục Mỹ thuật, thaot binguk song parang iek di mintri ilamu  Thể thao song  Du lịch  bahrau peih tabiak bruk “Parang iek Mỹ Thuật VN 2015” song "Festival Nhiếp ảnh trẻ 2015”. Thun ni, parang iek Mỹ thuật pakat negar hu angan bahrau “ Parang iek Mỹ thuật VN”, lac bruk hu peih ngak 5 thun sa mbang. Urang hu mbaok tame lac urang VN umo meng 18 thun tagok, hu tác phẩm di gah cih vak, đồ họa, tượng, phù điêu, video art…song dom nghệ thuật bahrau karei karei

# Hội đồng bhapbini  tỉnh Khánh Hòa barau hu harak brei adat ka ủy mban bhapbini tinh nyim paok jien 400 ty dong nyim dahlau di Kho bạc Nhà nước thun 2015 brei ka danakdak labik pasak đô thị - pablei salih, dich vu, jien padai, ravang mein Nha Trang salih tapa dnakdak jalan băng ka 2, mblang kapal haok Cam Ranh. Piah ka bruk ngak jalan  băng ka 2, mblang kapal haok Cam Ranh samal ba tame pandar,  tỉnh Khánh Hòa meda brei nyim dahlau yaom jien ini piah buh tame ngak, hadei di nan bayan veik meng phun jien karei tui hukum jien padai di karja.

/ Muinyim Lâm Đồng pambuak bruk song muinyim urang kamei gah merong bahrau peih bruk parang iek pandap panda klak brei mboh veik “Adat mbang hala di dom bangsa VN”. Parang iek yaih khan labaih 150 pandap panda, thaot binguk ka adat mbang hala di dom bangsa VN dalam nan hu rilo drap ar hu yaom glong meng abhap 15, 16 yau  klaok cur, paaop hala, to kaoh paneing...

Khaw tin dunya

# Thổ Nhĩ Kỳ saong Adécbaijan barau peh ngak danakdak jalan ống khí đốt yaom 10 tỷ đôla, ba khí đốt meng mỏ Sa Đê-ni 2 (Shah Deniz 2) di Adécbaijan tal darak pasal châu Âu piah daong patrun patakik bruk pagam pambak tame bruk pabak khí đốt meng Nga. 

/Dom Ngoại trưởng di Hàn Quốc, Trung Quốc song Nhật Bản hu ginum biai di harei 21/3 anak tal di ban ine Xơ-un (Seoul, Hàn Quốc)- mbang cemereip dalam jiak 3 thun tapa dalam sa bruk kham merat piah pasiam veik talei rohim di 3 negar khang gah KT di Châu Á./.