/  Ủy ban Thường vụ Quốc hội hu peih mbang nyaom ka 34 di harei 18-1 ngan haong asal kadha praong nan lac bruk padang ngak adat hukum. Rilo tukvak di mbang nyaom hu caik ka bruk padang ngak adat hukum. Jeng dalam mbang nyaom, Ủy ban thường vụ Quốc hội brei panuac ka bruk kuhria caga Nyaom roya Liên minh Nghị viện Dunya mbang ka 132 (IPU-132) pak Hà Nội dalam bilan 3 anak tal saong dom asal kadha prong karei.

/ Mentri jien padai bahrau ngak blaoh Dự thảo Thông tư ka bruk jak ba, khik iek, pandar phun jien daong ka bruk pacang caga buôn lậu pakao hala saong ngak tabiak, pablei salih pakao hala ja. Urang rik daong phun jien padang quỹ nan lac dom doanh nghiệp ngan tabiak pablei salih pakao hala di Kapul Pakao hala Việt Nam saong dom doanh nghiệp ngak tabiak pablei salih pakao hala karei daok ngak bruk njauk adat hukum pak Việt Nam.. 

#  Tỉnh Phú Yên hu peih ngak “Danak dak pablei pandap grap tanat yaom kaom tukvak Tết” meng ini tal abih bilan 3/2015. Tui nan, Ủy ban bhap bani tỉnh hu buh tabiak 20 tỷ đồng brei ka dua doanh nghiệp dalam tỉnh khik piah pandap panda grauk tanat yaom kaom. Urak ini dalam tỉnh hu 31 labik pablei pandap grap tanat yaom kaom pak 9 huyện, bal sit, bal prong. Dom janih pandap hu daong grap tanat yaom kaom nan lac brah, rilo pabui, saradang, menyek mbang saong njam patam baoh karaoh.

 #  Bal sit Đà Nẵng bahrau peih bruk tabiak quân peih ngak “Thun ilamo, văn minh đô thị 2015”. Puk palei ini daok pamaong tal  bruk padang sa bal hu môi trường đô thị văn minh, bal hấp dẫn saong njauk hu ralo manuac urang mai daok. Hadei di tuk peih tabiak, yaok ribau đoàn viên, dam dara saong bhap bani gam hu mbaok puh ramik jalan duan; rami ramik trật tự vỉa hè ka nyu laneng lanoi; peih talaih mái che; pok klaak quảng cáo rao vặt oh njauk adat hukum....

# Nyaom biai “Rami ramik veik bruk ngak nong Việt Nam: meng sarak tal bruk di anak meta” kayua Mentri ngak nong saong patagok palei pala, Học viện Ngak nong bahrau peih tabiak pak Hà Nội. Nyaom roya pataom tame asal kadha nan lac ngak habar piah ka gah ngak nong Việt Nam patagok khang kajap, njauk haong bruk ngak saong labik dang di nyu, piah padang nền tảng khang kajap ka nền kinh tế quốc dân, ngak jeng pren khang rami ramik veik nền kinh tế pagam haong salih bahrau mô hình patagok.

/ Ủy ban Bhap bani tỉnh Bình Định bahrau ngak bruk haong dom mentri, ngành Trung ương ka bruk peih ngak dự án Tổ hợp đầu tư lọc hóa dầu Nhơn Hội (daok iew lac dự án Victory) pak puk palei ini. Ini hu maong yau “siêu dự án” đầu tư tame Khu công nghiệp Nhơn Hội di tỉnh Bình Định ngan haong yaom phun jien buh tame abih tih 22 tỷ Đô la Mỹ, praong 1.400 hécta

/ Kapul raong glang tỉnh Đồng Nai bahrau peih tabiak di bal Biên Hòa cửa hàng pablei rilo hacih. Ini lac rilo pabui, menuk hacih hu pasang iek tui chuỗi ngak tabiak hacih sa-at pandap panda kaya mbang. Yaok harei, cửa hàng ini meda pabak hu yaok ribau drei menuk saong jaik 3 ribau drei pabui. Ong Nguyễn Chí Công, akaok Kapul raong glang tỉnh Đồng Nai brei thau : Urang blei caong hu pandap hacih sa-at, daok urang raong glang ye caong khin ngak tabiak grap tanat. Urak ini, khaol dahlak njauk pabak hu bruk, pabak hatai caong di urang blei pandar saong pabak tanut di urang raong glang sitsaong ngak habar piah diuk hu haong bruk ngak di drei, nan lac bruk daok pamaong tal di kapul. Khaol dahlak peih tabiak cửa hàng pablei sỉ pabak pandap panda hacih piah ka urang blei pandar thau saong sahanag hatai tuk pandar pandap panda hacih sa-at”.

Khaw tin dunya:

 # Pak bal ine La Habana di Cuba hu rah tabiak mbang parang iek nghệ thuật parang tabiak dom bức tượng cagau hu sơn cih biak gheih meta hu angan iew lac Unai-tít Bắt-đi Be-ờ (United Buddy Bears), thu hút bruk sangka di ralo tuai damuai mai mong iek. 128 cei cagau hu ngak meng sợi thủy tinh, glaong 2 mét dang xếp hàng jaik gauk pak bal La Habana ndung ba thaik binguk biểu trưng ka sa dunya hòa bình, bruk khoan dung saong thau cambaih gauk di dom bangsa, dom nền văn hóa.  

/ Liên hợp quốc saong raja-ei Mali bahrau khan brei thau negar châu Phi ini hu tapa truh jit Ebola hadei di 42 harei oh mboh urang halei njaom mbak bahrau. Akaok Mentri Y tế Mali Ousmane Kone (Âu-ma-nê Cô-nê) brei thau kuhria meng harei 6/12 thun dahlau, pak Mali oh taduan mek urang halei njaom virus Ebola nào saong yau nan Mali hu chính thức tapa truh virus ngak metai manuac ini.

 / Mentri Yasa Hàn Quốc bahrau brei thau, raja-ei negar ini daok hu kế hoạch hợp pháp hóa trách nhiệm raja-ei ngan haong bruk yasa hòa bình haong Cộng hòa Dân chủ bhap bani Triều Tiên. Hukum bahrau ini, tui kuhria hu angan “Hukum padang jalan ka yasa hòa bình” meda hu patabiak dalam thun ini. Raja-ei Hàn Quốc jeng hu kế hoạch bồi dưỡng nguồn nhân lực piah caga ka bruk yasa saong  padang dom lực lượng biak karei dalam yaok mintri di rajaei./.