Khaw tin bair harei 19-3-2015

/ Akaok Mintri ngak nong song patagok palei pala Cao Đức Phát bahrau hu harak Công điện khẩn payua ka Ub bhap bini dom tỉnh, ban nan lac Điện Biên, Lai Châu, Lào Cai, Hà Giang, Cao Bằng, Lạng Sơn, Quảng Ninh, Sơn La, Yên Bái, Tuyên Quang, Bắc Kạn, Thái Nguyên, Bắc Giang, Thanh Hóa, Nghệ An, Hà Tĩnh brei patagok bruk pacang caga jit lika cambuai tapok kakau song pacang cakak bruk blei lậu athur raong tapa jalan tapen negar. Samar peih bruk klauk vắc-xin lika cambuai tapok kakau mbang ka sa thun 2015 song klauk pabak, oh caik ka jit lika cambuai tapok kakau tamuh tabiak atau njom mbak.

# Dom harei akaok bilan 3, tinh Binh Dinh njauk pataom yaok rituh urang jakar, urang lin khik caga padang ngak danakdak peih praong, ramik pasiam jalan roya 1A. Dom urang dang akaok tinh Binh Dinh kham merat dalam bruk  giải phóng mặt bằng min mban giải phóng mặt bằng dom puk palei  takik sangka, bhapbini oh njauk hatai gauk ba tal bruk ngak suai damuai, dui atah.  Ông Hồ Quốc Dũng, akaok Ủy ban bhapbini tỉnh Bình Định sanya lac puk palei gam saong dom labik thi cong khik njauk tukvak di danakdak : Tal tukvak ini, tỉnh Bình Định hu jao brei abih mặt bằng hacih ka gah đầu tư njauk tui sanya di tinh saong mintri Giao thông Vận tải. Kkol dahlak jeng thau bruk kham merat di mban khik ramik danakdak barau, lac mban Hồ Chí Minh saong gah thầu kham merat biak rilo, abih di nyu nan lac dom labik thi công hadei tuk hu chấn chỉnh di mintri Giao thông Vận tải urak ini ngak bruk njauk tukvak ba tabiak. Dahlak sahaneng lac, tui bruk ngak yau ini jalan roya 1A nao tapa tỉnh Bình Định meda ngak blaoh njauk tui bruk bo mintri Bộ Giao thông Vận tải ba tabiak)

/ Sa rup patau Amaik VNAH prong abih di negar hu peih pakak di tỉnh Quảng Nam di harei 24/3. Rup patau amaik VNAH di angaok ceik Cấm hu peih pakak njauk di tuk taneh ia pahadar 40 thun harei peih paha gah meraong , ba taneh ia tame sa baoh negar saong harei peih paha tỉnh Quảng Nam.

# Viện alamu kỹ thuật Nông lâm nghiệp Tây Nguyên - WASI brei thau : thun ini danakdak NESCAFÉ Plan meda daong gilac 4 triệu phun pajaih ka urang pala cà phê Tây Nguyên, dalam nan Nestlé daong 50%  yaom pajaih. Danakdak ini jeng jhul khang bruk pabak brei ka darak pasal dom pajaih caphe barau hu nang suat tagok tal 7 tấn/sa ha, rilo jang jaik dua mbang nang suat urak ini ”.

/ Akaok kapul urang nong xã Xuân Thọ (labik hu taneh pala bei prang prong abih di ban sit Đà Lạt, tỉnh Lâm Đồng) brei thau, yaom bei prang dok patrun khang. Dua bilan dahlau, urang mai blei bei prang di bein lyaom 12 - 13.000 đồng sa kg ye urak ni dok meng 5.000 - 6.000 đồng sa kg. Tui yaom yau ni, rilo urang nong abih di nyu nan lac dom urang pah taneh pala bei prang meda mek pren ngak liba. Makna ba tal bruk yaom bei trun khang, langiu di bruk bei prang pala njauk, hu rilo, bei prang Đà lạt daok njauk bei prang  TQ nhập tame ĐL  meriak yaom.

# Tui Chi Cục khik caga phun pala tỉnh Kon Tum, urak ini ruak phấn trắng daok tamuhkhang di dom huyện Sa Thầy, Đăk Hà, Ngọc Hồi, ban sit Kon Tum... di angaok taneh pala jaik 5.000ha. Phấn trắng lac janih ruak njom mbak tui angin yau nan ye taneh pala njaom ruak di Kon Tum dak harei dak hu rilo jang. 

/ Di sang bac đại học Thể dục thể thao ban raya Hồ Chí Minh, danak dak taom gaok anek saih SV bangsa takik naih gheih dom sang bac ilamu thể thao song du lịch gah merong negar mbang ka 6 bahrau hu Cục Công tác gah merong negar peih tabiak. Hu dom bruk yau dui co, jack mbao, pakacah saih, pakacah doh tamia…

Patui di ini lac khaw tin dunya

# Sa dalam  7 đồng Birch Cent daok veik di dunya, dom đồng xu akaok meti hu đúc di Mỹ thun 1792, meda hu pablei đấu giá di harei  26/3 tal. Đồng xu ini tui kuhria hu pablei ngan saong yaom  2 triệu đô la Mỹ , nan lac glaong jang tal 2 triệu mbang duk saong yaom camereip di nyu. Hu caik angan lac Birch Cent tui angan di urang thiết kế đồng xu ini, ini lac sa dalam dom đồng xu akaok meti bo urang Mỹ đúc tabiak saong urak ini tok daok 7 đồng xu daok veik tal urak ini.

/ Gah ilamu pháp y bahrau brei thau, urang hu duah mboh kubo di văn hào Miguel de Cervantes, hu mong lac urang daok diuk miat dalam nền văn học dunya song tác phẩm Don Quixote, hadei di jiak 400 thun harei lahik di ong./.

# Tui pathau khan bahrau ini di Viện roh duah hòa bình di dunya Stockholm (SIPRI), urak ini Ấn Độ lac taneh ia blei tame vũ khí praong abih di dunya. Tui nan, Ấn Độ blei tame vũ khí rilo jang 3 mbang dom taneh ia jaik taphia ye Trung Quốc, Pakistan,  A-rập Xe-út saong dom Tiểu Vương quốc Arab Thống nhất (UAE).